((((((((((((((( انتصار الكرامة )))))))))))))

[وهدان البرغوثي]

عتابا

فلسطيني بدي موت عَ ارضي ********** ما بسمح للمعتدي يمس عرضي

فلسطين إلنا طول عرضــــــي ********** من سهل بيسان الى حدود النقب

ميلاد الثورة الفلسطينية

طلوا الفدئية طلــــــــــــــــــوا *********** طلوا الثـــــــــــــــــــــــــــــوار

طلوا واجتازوا الميــــــــــــــة *********** وصلوا عَ الـــــــــــــــــــــــدار

طلوا معهم يُمه قادتهــــــــــــم *********** قدرة الله بتساندهـــــــــــــــــــم

ولي يابا بعاندهــــــــــــــــــــم *********** بوقع في النـــــــــــــــــــــــــار

وصلت منهم هالمجموعـــــــة *********** وصلت صيدا و الفقوعـــــــــة

الراية الحرة مرفوعـــــــــــــة *********** عَ جبال النـــــــــــــــــــــــــار

طلوا رجال الفدائيــــــــــــــــة *********** ابطال الجبهة الشعبيـــــــــــــة

و نجوم السماء المضويــــــــة *********** تسطع انـــــــــــــــــــــــــــوار

ابطال الفتح الاشـــــــــــــاوس *********** عَ ظهر الخيل الفــــــــــوارس

فتحوا للثورة مــــــــــــــدارس *********** للكبار و الصغــــــــــــــــــــار

وصلوا ابطال الطلائــــــــــــع *********** ابطال بكل المـــــــــــــــــواقع

حملوا جروا للمدافـــــــــــــــع *********** بالعزيمة و الاصــــــــــــــرار

يوم معركة الكرامــــــــــــــــة *********** فر الصهيوني من امامــــــــي

جيش الاردن النظامــــــــــــي *********** ساند للثــــــــــــــــــــــــــــوار

دير قرنطل بيشهــــــــــــــــــد *********** اسمعتوا غنه و زغــــــــــرت

ولي قاتل و استشهـــــــــــــــد************ بِـِ جنة الابــــــــــــــــــــــرار

القيت هذه الطلعة في وسط عمان بعد معركة الكرامة

على ظهر دبابة اسرائيلية وعطوبــــــــــــــــــــــــــة

حيث كما اذكر كانت اصابتها في الجنزيــــــــــــــــر

بتاريـــــــــــــــــــــــــــــــــــــــــــخ اذار/ 1968 م

بقلم الشاعـر

وهدان البرغوثي

[صهيب الجماعيني]

كنّــــــا أهـــــــل الكرامــــــــــه ***** كنّــــــا رجالــــــك فلسطيــــــن

أخّرنــــــــــا صـــــــف أمامــي ***** صرنـــــــا عطـــــول مختلفيــن

فرّقتنــــــــــا الفصـــــائــــــــــل ***** صرنـــــــا كالحيـــــــط المائـل

صـــــار التفـــــــــرق هائـــــل ***** مش رح نرجــــــع متحديــــن

كلّــــه من فتــــح و حمـــــاس ***** وســــوس الهـــــم الوســواس

نسيوا انهم أهــــل و نـــــــاس ***** سابــــــوهـــــم للمحتليـــــــــن

فشّي نتفــــــة علامــــــــــــــة ***** إنهــــــا ترجــــــــع كرامــــــــه

خربطنـــــا صف نظامــــــــــي***** صرنـــــــا بعـــــــــاد مشتتيــــــن

تابــــــع نشـــــــرة الأخبـــــار***** بتشــــــوف بعينـــــــك دمـــــــــار

نسيوا غــــــزه و الحصــــــار*****و الأســـــــــــرى و اللاجئيـــــــــن

حمـــــــاس فتح و شعبيــــــة **** نسيـــــوهــــــــــا لـــلقضيـــــــــــة

ما قامـــــــــــوا بالوصيــــــــه **** مـــــــن القـــــــاده المياميــــــــــن

عــــــم بحكي عــن ايامـــــــي **** مش عــــن هجمـــة كرامــــــــــه

نامــــــي دولنــــــــــا نامـــــي **** خلّــــــي العــــــــدا منتصريــــــــــن

حيي شعــــــرك يا وهـــــــدان **** اللــــي شجّــــــــع للفرســــــــــــان

علــــي ع سلاح العـــــــدوان **** خلّـــــى الحـــــــق بكلمـــــــة يبيــن

هالقصيـــــده مثــــل النـــــــار **** قيلــــــت مـــا بـيــــــن الثـــــــــــوار

كانـــــــت كالسيـــــف البتــــار**** تقصـــــف شمــــــــال و يميـــــــــــن



تحياتي لك الأخ الشاعر وهدان البرغوثي قصيدة أكبر من كلماتها
تقبل مروري

[وهدان البرغوثي]

فلسطين ملك الجماهير مش للامير مش للوزير
مش للي بملك دنانير و للي عنده قصر كبير
ولا للي لبس ثوب حرير الوطن للي بصرح من بكير
بزرع ارضه قمح وشعير بوكل خبزه بالجرجير
نايم بصقيفه عل حصير وبشرب ميا من البير
بطلب من الرب القدير يساعد شعبه ع التحرير
ياصهيب اسمحلي بتعبير وعذرني اذا بيحصل تقصير
انت كبير والعدوي كبير انا في الشعر معكم صغير
تحياتي لكم

[صهيب الجماعيني]

انتم قصر الشعر صهيب عتابه **** بتعلم منكم ميجنا عتابا
غلطات الزجل وجّهن عتابا **** صلحهن عدوي سيد الأدب

[وهدان البرغوثي]

[poem=font="Traditional Arabic,7,white,normal,normal" bkcolor="white" bkimage="http://aklaam.net/forum/images/toolbox/backgrounds/3.gif" border="outset,4,white" type=0 line=0 align=center use=ex num="0,black"]
بيت العتابا بـَ زخرف عِتابا = لو عاتبني صهيب بقبل عِتابا
مش كل من غنى بغني عتابا = لولا النقاد ما بنقد عتاب[/poem]