رسائل من غزة.... الرسالة الثانية
هنا.......غزة.......... واكتب ع سطر ازرق
بلون الدم ........... قبل ما تغرق
اكتب قصص....... بتشيب الرضع
ذبح احلام قبل ما تخلق
اكتب قصيدة استشهدت بدري
وشتل حنون لسه ما ورق
ولد رباه سيدو
بعد ما الاب
برصاص دمدم اتطرز... اتخزق
اكتب شهادة من بحر غزة
كيف السمك في بحرها بيغرق
وكيف السما فيها كلح لونو
القمر فوقها ختير ... ومحق
هذي الرسالة انكتبت بعتمة
تحت غارة ظوها اتفرق
طلعة على الزيتون حرقتها
وصلية على لبريج تتزوق
ورشقة على انصيرات هدتها
ولع سماها وشالها اتمزق
وبخان يونس هدموا الروضات
حفرت بملعبها الف خندق
بدهم اكمن يوم ... يعددوا الشهدا
بكتب .... من التفاح ...لا تقلق
انسيت احكيلك / اشي ثاني
خبر عاجل من السما اتفلق
غارة جديدة عـ رفح بالليل
راحو... تسع اطفال ... لا تشفق
اكتب على نص السطر جملة
شعب عبرلحدود.... بعد ما اتطوق
محمد الرويضي
03\2008.
03-03-2008, 10:27 PM
رسائل من غزة.... الرسالة الثانية
المواضيع المتشابهه
العرض الشجري