قصيدة/ مراهقة

[حسام حسين]

يمكن بقدر اسيطر حبه على انفعالاتى
وانتى بتحكى
وانتى بتشكى الظلم الواقع على ايامك
على احلامك
تقصدى نفسك..
بس بتحكى ف صلب حياتى
رعشة صوتك
صدا انفاسك
صوت كنت اسمع منه ف ذاتى
رغم الفرق ف شكل الحالة
كنتى الهالة السوده فى عينى
اللى بتفضح سهرى ليلاتى
عارفك ..فاكرك
سينما بتعرض ليا طفولتك
لسه يا دوب
بتشب الانثى بثورة جميلة
ف قلب مرايتك
عايزة تــفكى ف خلسة ضفيرة
عاوزه تبانى ف لحظة كبيرة
حابه تكونى الانثى الكاملة
وهم سراب الفترة الاولى
لعبه ماكنش ناقصها طفولة
لمحت أمك طيفك
فتنت
هز الرعب كيانها
وصرخت
الحق بنتك
يظهر كبرت
قتلت اجمل حلم ف عمرك
يوم ما اعتقدت
إنك كاملة كمال يسمح لك
تنسى سذاجة اليوم بسهوله
تواجهى الوحش
اللى اسمه رجوله
وانتى يا دوب
فراشايه جميله
ما اكتسبتش الحذر الواجب
من طواغيت النور والنار
كنت الجار
كنت الماضى ف قلب حكايتك
أنا من حدف الطوبه ف أودتك
جنب مرايتك
كان فيه ورقة معاها ...
افتكرى
يوم ما سذاجتى
يوم ما طولت بكام من سنتى
وقلت اكتب لك
أوصف حسنك
طيبة قلبك
أرسم قلب بأول حرف
ف اسمى واسمك
تحت دعاوى لوهم رجولتى
يومها كتبت
لكنى ندمت
ليه ماكتبتش يومها حبيبتى

[أشرف الشافعى]

حسام .. إزيك الأول ..
وراك وراك مهما تروح
كعادتك تقول ما نتمنى دائماً قوله ونعجز ..
وهذا هو الشعر
محبتى وشوقى

اخوك / ASHRAF EL_SHAFF3Y

[إياد حياتله]

قصيدة جميلة أخي حسام
أحيي نفسك الطويل وتعابيرك البسيطة الدافئة
ومرحبا بك بيننا في أقلام

[حسام حسين]

اخى اشرف انت دائما هكذا تاخذ بيدى وتشجعنى رغم انك اعلم الناس بانى قد تملصت او اتمنى التخلص من هذا الهم الفاضح ..الشعر..لكنه على الاقل علاج ...شكرا لمرورك اخى الحبيب