جبار

[نجلاء حمد]

جبار




جبار .. جبار

في رقته جبار

جبار .. جبار

في قسوته جبار

خدعتني ضحكته

وخانتني دمعته


وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار


* * *

عرفته قد ما عرفته ولا عرفتوش

وشفته قد ما شفته ولا فهمتوش

كان بيقوللي أحبك .. أيوه كان بيقول

وأنا من لهفة قلبي صدقته على طول

كنت أشوف وأسمع وأحس بقلبه هو

كنت عايش مش عشاني عشانه هو

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار


* * *

يا معلمني الحب ياريتني

ياريتني ما تعلمته معاك ولا شفته

ليه تخدعني ليه خليتني

خليتني أنسى الدنيا وأعيش بحلاوته

ده ما كانش في تنين زينا شافوا اللي شفناه في حبنا

الحلم كنا بنحلمه ونكمله من بعضنا

ليه تصحيني في وسط الجنة بنار ودموع

كنت إرحمني وسيبني شوية أعيش مخدوع

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار


* * *

قلبي قول للحب إبعد عن طريقي

أي حب جديد ياويله من حريقي

لو ح أصادف قلب مخلص

مش ح آمن له وأصونه

وإن ضحك في عينيه ح أضحك

وأخدعه ويمكن أخونه

زي غيرنا ما باع

نبيع عمر الهوى وعهده

زي قلبي ما ضاع

تضيع كل القلوب بعده

ولا أقول لك .. لا يا قلبي

ليه نلوم على الحب ليه

ده اللي خانك خان شباب الحب

خان وجار عليه

يعني أنا والحب وإنت

كنا لعبة بين إيديه

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار



إلى كل جبار

[يافا احمد]

أختي العزيزة نجلاء
وان كانت كلمات هذه الأغنية غاية في القسوة وغاية في الاتهام في الخيانة
إلا أنها تذكرنا بأيام الفن الجميل الملتزم.
كل المحبة
يافا

[فاطمة الجزائرية]

.........أختي نجلاء , لقد سمعنا هذه الكلمات وحفظناها , وكنت احبها حقا لأنها تذكرني بفترة جميلة في الحياة , وأرى أنها تطرح إسكالية الحب ..........فهل هو عذاب حقا ؟ وهل هو جبار ؟ وهل كل من دخله حزين ؟...............سنجعل هذه الكلمات للحوار .......فنحن بانتظاركم.

[نجلاء حمد]

أختي يافا العزيزة

فاطمة الحبيبة

شكراً على تواجدكم بين هذه الكلمات

الجبارة الجميلة

أستمتع بكلمات هذه الأغنية

كثيراً وخاصة


ولا أقول لك .. لا يا قلبي

ليه نلوم على الحب ليه

ده اللي خانك خان شباب الحب

خان وجار عليه

الحب بحد ذاته جبار

في رقته وقسوته


دمتم بكل حب