انطيني من وقتك ثواني / عباس جيجان ( منقول )

[د . حقي إسماعيل]

اهذه قصيدة للشاعر الشعبي ( عباس جيجان ) أجد فيها نفسي . أترككم تتعرفوا عليه وعلي من خلال النص :


«®°·.¸.•°°·.¸¸.•°°·.¸.•°®»[align=center]انطيني من وقتك ثواني
ما أكلك آني وآني
شاعر من أهل العراق
عربي وأصلي عدناني
قريشي ومن نسل قحطان

لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي... كوفي اعنان سمّاني
عراقي آني
من زاخو لعد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جديم الكوم يلكاني
عطش مره... شلت نهر الفرات وجيت
وشفت دجله على الجولان يتناني
عراقي آنه
واليبيعن سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني

..

الشاعر :عباس جيجان[/align]«®°·.¸.•°°·.¸¸.•°°·.¸.•°®»

[فاطمـة أحمـد]

والنعم

تسلم العراق ويسلموا أهلها

" إيخسه التاريخ اذا مو بأول أحروفه

يحط اسم العراق "

لا العرب ولا جيرانك داروا عليك ربنا وما أراد

ادعو الله ان يرفع عن العراق هذه المعاناة وهذا الظلم الانساني ويوحد كلمة المسلمين والعرب

ونعود نغني بلاد العرب اوطاني

اختيار موفق , سلمت يدك

أخي حقي اسماعيل

تحياتي لك

أختك

تحرير

[د . حقي إسماعيل]

الأخت تحرير .
تحية طيبة .
شكرا لتواصلك معي في ما أكتب ، وحقيقة فإنك قد أعطيتيني زخما كبيرا وحافزا كبيرا للكتابة ، سقاك اللـه وحياك ، والعراق كان العراق ، واليوم هو عبارة عن حفنة ذيول نكرة للأجنبي ، سلمت على التواصل ويسعدني أن أقرأ لك ، وتسعدني ـ كذلك ـ ردودك .

[فاطمة بلة]

عراقي آنه
واليبيعن سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني

هل وصلنا إلى نهاية العالم أيها العراقي ؟
لعله القضاء وأمر الله الذي لا راد له ... رغم آلامه وأحزانه ...
كلمات حزينة تحمل بعض اللوم والأسى على الجيران وكأن كاتبها لا يدري أن الشارع ليس كالبيت ...
والشعب ليس له دوماً رأي الحكام ... ولكن مركز السلطة والقوة أو لعله الخوف على مقاعد فاخرة مزركشة يجعل الجار يقتل جاره والأخ يتنكر لأخيه العربي ! ...
ونحن دوماً الضحيه ....

لك الفخر أنك عراقي أولاً وعربي أخيراً

شهرزاد

[د . حقي إسماعيل]

هذا حال الأمة .. كل الأمة ، والمواطن العربي مغلوب على أمره ـ من يده ـ ؛ لأنه انشغل عن اللـه ـ تبارك وتعالى ـ ، والجزاء من جنس العمل ، ثم إن الحكومات بدأت تعامل المواطن العربي بحرب اقتصادية وشرفية ... لا أريد أن أزيد ؛ حفاظا على الأذواق .
شكرا لمشاركتك ، وشكرا لأنك قلت لك الفخر لأنك عراقي ، لكن صدقيني لم أشعر بفخر يوما أني عربي ..

ارفع راسك انت عراقي
بس شو الفائده الخليج شرط دخوله فيزه
الاردن والذي لحم اكتافهم من خيراتنا اتنكرو ويعاملون اليهود احسن واكثر احترام من العراقي
بس سوريا
وهذه امكانيتهم على قدهم فاتحيين بابهم
ومامقصريين
وجزاهم الله خير جزاء

[وداد محمد]

عراقي آني
من زاخو لعد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني

تسلم دكتور ويسلم اللي كتب هالشعر ... العراقي الاصيل مينسة ماي دجلة والفرات ولا ينسة تراب العراق لا قومية تفرقنا ولا ديانة تفرقنا .. ولا قضية سنة وشيعة تفرقنا .. كلنا عراقيين ونبقة ايد وحدة رغم كل اللي ميريدون.. ان شاء الله يجي اليوم اللي يرجع كل مغترب للعراق والعراق يوقف على حيلة وبكل قوة وايد وحدة وعزم واحد وترجع بغداد دار السلام وتفتح بابها لليحبوها ويريدون خيرهة .. يارب

[إياد حياتله]

التحيّة للشاعر جيجان
والدكتور حقّي
وعسى ألا يطول الغياب

[ابراهيم حسان]

شاعر منافق لايعرف الا مديح (الرؤساء ) الذين يأمل المال من وراء مديحهم

[د . حقي إسماعيل]

الأحبة :
محمود المهندس
وداد محمد
إياد حياتله
إبراهيم حسان

تحية مودة .
شكرا لتواجدك على رأس هذا النص ، ومهما كانت كيفية الشاعر ونوعيته ، فذاك أمر يختص به هو ، أما نحن فعلينا أن نلتفت إلى النص بوصفه نصا موضوعيا لا بوصفه نصا شخصيا ... مع مودتي