يوميات مطعم المعاليق الشعبي.

[محمد داود العونه]

يوميات مطعم المعاليق الشعبي.


نرحب بالزبائن الجدد ونتمنى لهم وجبة لذيذة../ الشيف سوسو

: قرسون ،بالله اغلبك معلاق مع شوية فشافش وسرفيس وتنساش السلطة والشطة.. :.. أما هسا رح اخليك تذوق معلاق بحياتك ما تنساه!..
: يالله سمي بالله وذوق.. : شو هاظ يا زلمة؟!.. : مالك بدك ملح؟!.. : هاظ مش معلاق هاظ حمص وفلافل!!.. : يا رجل كيف يعني لا معلاق مش حمص وفلافل.! . شوف كل الناس بتوكل ومبسوطة.. : يا رجل بقلك حمص وفلافل انت أهبل!!.. : إيه إيه له له له، هاي جد حمص وفلافل.. انا بفرجيك يا سوسو.. : مين سوسو؟!.. : مديرة المطعم إلي بتضحك علينا...
.
.
يتبع..

[عبدالكريم قاسم]

متابع .. لا تطيل علينا .. ننتظر

[محمد داود العونه]

المشاركة الأصلية كتبت بواسطة عبدالكريم قاسم

متابع .. لا تطيل علينا .. ننتظر

شاعرنا الجميل / عبد الكريم قاسم
حضورك لهنا فرحة لنا وسعادة.. فشكرا بحجم السماء..

هيني قاعد على باب المطعم بستنى يفتح.. بقولوا كبست عليه البلدية ودائرة الغذاء والدواء.. وكلبشوها لسوسو 😁
.
.سنكمل إن شاء الله..
أتشرف بك دوما..
محبتي وتقديري

[محمد داود العونه]

تنبيه!
المطعم مغلق لاشعار آخر..

/ناسف لزبائننا الأكارم عن إغلاق المطعم في الوقت الحالي، وسيتم استكمال خدماته لاحقاً..

: ولك شو في؟.. : إنت ما بتعرف!؟.. : لا والله ما بعرف.. : إمبارح تهاوشت سوسو مع زبون وطردته من المطعم، فراح اشتكى عليها لوزارة الصحة والعافية، ودائرة المعاليق والدواء.. فكبسوا عليها، وكلبشوها وسكروا المطعم..: له له يا سوسو..
: طيب هسا وين بدنا نوكل معاليق؟.. : لا حول ولا قوة الا بالله العلي العظيم، يا رجل مهو القصة كلها إنه طلعت سوسو كذابة بتبيع حمص وفلافل على أساس معاليق!... : طيب امممم شوفلنا مطعم بعمل العكس لبين ما ترجع سوسو 🤣.