|
|
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
 |
| مواقع النشر المفضلة (انشر هذا الموضوع ليصل للملايين خلال ثوان) |
| أدوات الموضوع | تقييم الموضوع | انواع عرض الموضوع |
02-01-2015, 02:31 AM
|
رقم المشاركة : 1 | |||||
|
سنة جديدة
يا سنة جديدة .. ممكن كلمة ! يا سنة جديدة ممكن كلمة ! بالراحة علينا شوية شوية إحنا يدوب سنة أولى حرية إحنا يدوب نبتدي خطاوينا ................. إحنا بنحلم زي ما نحلم زي ماييجي الحلم علينا حِلْمِنا كان نرسمه بإيدينا زاد الحلم صحينا لقينا باب حرية بندخل فيه ومن حوالينا ملايين واقفة بينهبوا فينا .................... لا سابوا الحلم ولا سابوا حروفنا ولا أوراقنا ولَّلا كُتُبْنَا حتى القلم الجاف بيكتب وبحبر أحمر بس رصاص جوة قلوبنا ونن عنينا ................ و أما تعبنا قالوا كفاية الحلم عليكم كان الحلم أكبر منكم إنتوا يادوب تمشوا بخطاوينا رغم إن إحنا أصحاب الحلم ورغم المحنة قلنا إن إحنا اللي طلبنا نعيش ليالينا .................... استكترت الدنيا الفرحة وللا الحلم حرام يستنى وسارق الحلم ألوف حرامية بيلعبوا بينا ....................... نرجع تاني ونلبس طرحة ولا نقول آسفين يا أخينا نمسك توبنا سوا بإيدنا يرجع شط الوادي لسينا مطروح تجري تنادي عريشنا رد الأقصر قال أهو جينا بالأحضان يا بلادي تاخدنا في الاسماعيلية قنال وسفينة في بحري يقولوا في مدح حبيبنا في صْعِيدْ صوتها يِرَدد مينا ....................... اللي يقول حلمنا فَرَّقْنَا ييجي يشوفنا تاريخنا حامينا عيسى ومحمد صلوا عليهم و مريم قاعدة جنب أمينة بيقسموا لقمة وف إيد بعض خطوة بخطوة على أعادينا وف أحزانا بنشكي لبعض نلاقي لَمِّتْنَا جت تداوينا .................... كل كلامنا بطعم فرحنا كفاية علينا ليالي حزينة كل تراب الحلم يِكَبَّر اللهُ أَكْبَرْ ترجع تاني تِجَمَّعْ فينا ننسى الفُرقة ونار الْحُرقَة ننسى خلافنا ونرسم لوحة لجامع واقف جنب كنيسه ينادوا يا مصر تعالي خُدينا ....................... عمرنا يوم ما عرفنا البُعْدْ وعمرنا يوم ما لغيرنا شكينا ولا عايزين حد يفرقنا ولا هنسيب للفتنة مدينة مصر بلدنا هترجع تاني خطوة بخطوة هترجع لينا يا سنة جديدة ممكن كلمة بالراحة علينا شوية شوية إحنا يدوب سنة أولى حرية إحنا يدوب نبتدي خطاوينا شعر د. هاني أبوالفتوح |
|||||
|
|
|
|
العرض العادي
