سلموا نفسكم أرحم لنا ولكم

[عبد الحميد بدوى]

سلموا نفسكم أرحم لنا ولكم
أية اللى يمنع أن قيادات الاخوان الابطال يسلموا نفسهم
بدل حرب الاعصاب ومسلسل الرعب والحفلات التنكرية
اللى هما عايشين فيها عشان حتى صورتهم قدام الناس
وقدام نفسهم أشرف لنا ولهم
وياريت حديأخدهم على جنب و يكلمهم ويفهمهم ويقولهم
كانوا أسود فى رابعة والنهضة أية بس اللى حصلهم ؟؟
وأعلنوا الحرب على الدولة والشعب وكأن مفيش حد فى الدنيا قدهم
ياريت يبقوا يسكتوا شوية ويرتحوا على وضعهم
وصفوت حجازى أكبر دليل على رعبهم
ياريت بعد كدا يعرفوا حجمهم ويسلموا نفسهم
ولو اتظلموا احنا برضة اللى هاندفعوا عنهم
أنا حزين على الاخوان أكتر من حزنهم على نفسهم
وعشان كدا بكتب ضدهم يمكن يفوقوا لنفسهم
ويحكموا عقلهم
ولازم يعرفوا ان خلاص انتهى امرهم
الاول كانت اجهزة الدولة والشرطة بس هى اللى ضدهم
دلوقتى بقى الشعب كله طبعا بعد ما قرف منهم
الرجولة مش بس على المنصة ولا فى الاعتصام
وعمر ما كانت الرجولة مجرد كلام
الرجولة فى كل مكان وزمان
وكل شوية نسمعوا ان اتمسك فلان وعلان
يعنى خلاص المكان كله محاصر ومفيش زوغان
وأنتهى عصر الاخوان
وطالما شوفنا صفوت حجازى بياكل
والبلتاجى بيضحك تبقى الدار أمان
الشاعر
عبد الحميد بدوى