يحكى أن وكان ياما كان

[عبد الحميد بدوى]

يحكى أن
وكان ياما كان
فى جماعة وجمعية وحزب
وتنظيم دولى
موجود فى كل مكان
من الاخر
كلهم على بعضهم
اسمهم اخوان

كان كل هدفهم يوصلوا للحكم
واتحققت المعجزة
بعد ما الشعب قام بالثورة
والثورة طوفان
ركبوا على الثورة وعملوها جمل وحصان

ووصلوا بدعوة التقوى والدين
والرحمة والايمان
وبعدين اكتشفنا كلنا
بعد اخر صبرنا
أن كل ده كلام فى كلام
وشفنا منهم الذل والغلب والقهر
اشكال والوان
والنفاق والكدب كانوا لهم عنوان

قام الشعب عليهم
مكملوش العام
بعد ما كان عندنا أمل فيهم
يخلوا مصر تسابق الزمان
رجعونا أعوام ورا أعوام
وكان لازم واحد من الاتنين يبقى
يا مصر يا الاخوان
ومصر لازم تبقى مهما كان

وعلى قد ما الشعب المصرى
صبور وطيب وعلى قد حاله وغلبان
الا أنه أثبت للعالم وخصوصا الامريكان
أنه يقدر يفجر من الغضب بركان
من النهاردة مفيش حاجة اسمها أخوان
من النهاردة مفيش حاجة أسمها أخوان
هما اللى حكموا على نفسهم بنفسهم
وكل شىء أنكشف وبان

كل أما يزيد حرصهم على الكرسى
الشعب يكرهم كمان وكمان
منهم دلوقتى اللى فى السجن
ومنهم اللى مستنى السجان
وده مش ظلم ولا عدوان
دا أقل واجب
لان اللى ما يحترمش الشعب
لازم الشعب يعلمه الاحترام
صح ولا أنا غلطان
المشكلة لحد الان
انهم عايشين فى التوهان

وبيقولوا اللى حصل ده انقلاب
طيب أنا عايز أعرف فين الانقلاب
ومين اللى عمل الانقلاب
وياترى اية الاسباب
يا اللى وصلتوا البلد للخراب

الشاعر
عبد الحميد بدوى