يا ريــــــــــح يا زفـــــــــزاف
يا ريح يا زفزاف .....غير أنت لي باقي
نبعث فيك السّلام.....نرسل فيك شواقي
لهلي اللّي تربيت .....في سطهم ورفاقي
تبينلهم وحشي..... لي مضيتو في وراقي
وصّل هــاد لكلام.....وبلّـــغو بـــالـــتّمام
قـوللــــهم مازالني.....علــــعاهد التّــــام
قوللهم ما نســـيت .....الدّيـــن او لعــلام
وولادي ربيــتهم.....عالشــّرع والاسلام
خــبّرهم يا الـرّيح .....بلّــي راني مليــح
لا تبــيّن لخــاوتي..... بلّي راني جريــح
ساعفـني يا الرّيح ....وكون معايا سميح
أنـت اذا تســــافر.....ما لازم تســـريــح
يا ريح يا زفزاف .....غير أنت لي باقي
نبــعث فيك السّلام.....نرسل فيك شواقي
كلمات...أحمد كرشوش
جانفي 2013
24-01-2013, 07:29 PM
يا ريــــــــــح يا زفـــــــــزاف
العرض العادي
