عربي وما بحكي عربي

[أحمد قدورة]

( عربي وما بحكي عربي ) بقلم احمد قدورة
____________________
يعني اليوم حبيت أكتبلكم بالعامّية
ما بعرف ليش ؟؟ هلأ هو الأفضل نكتب بالفصحى ,, بس في ناس ما عمتفهم بالفصحى
واذا كتنبنا العاميّة بيحكولنا لك شو عامل بحالك , حاسينك عمبتبيع بندورة بسوق الخضرة
يعني بحيروا الواحد , شو ما عمل بحكولوا غلط
هي المشكلة إننا منسمع لأي حدا
والمشكلة الأكبر أنو كل الناس حدا
بس في كم شخص منستثنيهم
وعمرهم ما طلبوا منا نكتب بالعامّية لحدا
كمان ممكن بالعامية كتير ناس ما يفهموا الحكي
ممكن بعض الشعوب العربية تفهم حكيي وممكن بعضها الآخر يحكي شو بخبص هاد
كتير عال ,, يعني كمان العامية ما كل الناس بتفهمها
طيب رجعنا للبداية نحكي بالفصحى
تعالوا نتخيل كل الشعوب العربية بتحكي بالفصحى
صدقوني بدنا سنين لنفهم على بعض
بتعرفوا ليش ؟؟ لاننا بعيدين كتير كتير عن الفصحى
جرّب اقرأ بيت شعر لعنترة رح يطلعلك بالبيت الواحد عشر كلمات بالفصحى ما بتعرف معناهم
معقول العرب ما بعرفوا معنى الكلمات العربية
صدقوني معقووووول
هلأ ليش وكيف ومين اللي وصلنا لهون ما رح نفوت بهالتفاصيل
بس الكل بعرف انها حرب غربية ضد اللغة العربية
لأ والمشكلة الأكبر إننا نحنا العرب ما منشجع بعض لنحكي بالفصحى
يعني جرب احكي مع رفيقك يومين بالفصحى وشوف كم انتقاد رح يجيك
أتحداك اذا ما بتقرف العربية والفصحى لأجل حكيهم
يعني الحل انضلنا متخلفين نحكي كلمات شي عربي وشي مش عربي
واحنا مكتوب على هويتنا عربي ابن عربي
ويا ريت في من هلحكي , والله حكي جرايد
انا هلأ بكفيني حكي , حكيت كتير عن موضوع البعض بفكروا انه ما بستاهل
وما بدي احط خاتمة لكلامي , لانو ما بتلزم بالعامية , المهم تحكي وتحكي وتحكي والكل عمبسمع
ولما تكتب بيت شعر بالفصحى العربية بتلاقي ما حدا بيسمع ويمكن بصفقلك واحد او تنين

بقلم العربي : أحمد قدورة
12-5-2012

[سمر محمد عيد]

معك حق يا أحمد،،
واذا كتبت بالفصحى أوحكيت بالفصحى بيقولوا :
-شو عن تتفاصح علينا اليوم؟؟
-شرّف عبقرينو زمانك
-حاج فلسفة...

والأخطر من هالشي..محطات تلفزيونية واذاعية بتحكي مو بس بالعامية..وبالأجنبي كمان..
مرسي لألكن حبيباتي ..بردون عيوني..بونجور...سي يوووو

والأخطرين كمان ...أنو ماحدا رد وشارك معك ووافقك عالفكرة أبو حميد...ولايهمك..كلامك وطرحك رائع..
بارك الله بك على غيرتك للغة العربية،،يابن فلسطين الرائع..

[سلمى رشيد]

مساء الخير أخي أحمد
ومساء الخيرات للحبيبة سمر
هناك اخي احمد من تكون هوايتهم تصيد اخطاء الغير وعرضها على العلن وكأنا في حصة لغة عربية مع استاذ مخضرم ..
نحن هنا في منتدى وهناك جوانب مشرقة في المواضيع ولا مانع من سؤال عن شيء مبهم او عبارة عليها تحفظات .. ولكن ان ندخل المواضيع لنقيم ونتفلسف ونعطي علامة من عشرة .. ماذا نقول ؟؟
على كل الأحوال تبقى اللغة العربية هي السيدة والمعشوقة ومين حابب يتفلسف يتفلسف !!

[عبدالسلام حمزة]

والله قضية حسّاسّة , وطرحها ذو قيمة عالية
وأسلوب الطرح جاء ساخرا ً قاذعا ً , وهذا حق الكاتب .
نحن فريق نشعل شمعة يا أحمد , يكفي ما نعانيه من إحباط في وسائل الإعلام , ليبق َ الإنسان العربي بعيدا ً عن ذاته وعن تاريخه وعن مستقبله ..
كثير ٌ هم الذين يلعنون الظلام , ونحن تحتاج إلى من يشعل شمعة يا أحمد .
شكرا ً لك .

[أحمد قدورة]

المشاركة الأصلية كتبت بواسطة سمرعيد

معك حق يا أحمد،،
واذا كتبت بالفصحى أوحكيت بالفصحى بيقولوا :
-شو عن تتفاصح علينا اليوم؟؟
-شرّف عبقرينو زمانك
-حاج فلسفة...

والأخطر من هالشي..محطات تلفزيونية واذاعية بتحكي مو بس بالعامية..وبالأجنبي كمان..
مرسي لألكن حبيباتي ..بردون عيوني..بونجور...سي يوووو

والأخطرين كمان ...أنو ماحدا رد وشارك معك ووافقك عالفكرة أبو حميد...ولايهمك..كلامك وطرحك رائع..
بارك الله بك على غيرتك للغة العربية،،يابن فلسطين الرائع..

أشكر قراءتك لما بين السطور صديقتي سمر
وأشكر غيرتك ايضا على اللغة العربية بردك الرائع
وربما هناك حرب باردة بين العامية والفصحى قليل من يكتشفها
اشكر صيحتك التي تضميها لصيحتي ,,, لنقول في وجه الغرب
قفوا ,, فلن تستطيعوا مسح اللغة العريقة من صدورنا

[أحمد قدورة]

المشاركة الأصلية كتبت بواسطة سلمى رشيد

مساء الخير أخي أحمد
ومساء الخيرات للحبيبة سمر
هناك اخي احمد من تكون هوايتهم تصيد اخطاء الغير وعرضها على العلن وكأنا في حصة لغة عربية مع استاذ مخضرم ..
نحن هنا في منتدى وهناك جوانب مشرقة في المواضيع ولا مانع من سؤال عن شيء مبهم او عبارة عليها تحفظات .. ولكن ان ندخل المواضيع لنقيم ونتفلسف ونعطي علامة من عشرة .. ماذا نقول ؟؟
على كل الأحوال تبقى اللغة العربية هي السيدة والمعشوقة ومين حابب يتفلسف يتفلسف !!

صديقتي واختي الكريمة سلمى
أنا بموضوعي لم اتقصد هذا المنتدى بحد ذاته ,, بل اني اعتبره من افضل المواقع وهو المنتدى الاول لدي ,, وانما غيرتي على اللغة هي التي جرتني لكتابة هذا النص وبالعامية كي يفهمه دعاة العامية

صدقوني انه سخرت مني انسانة لاني كنت أراسلها بالفصحى ,, فكانت اخر كلماتي لها سطرا طويلا من اشارات التعجب ,, لعل اللغة العربية صارت غريبة بيننا
مع العلم اني ضعيف باللغة العربية ولم اتعلم ذلك بشكل اكاديمي لكني احاول جاهدا ان اصل الى ما اريد

[أحمد قدورة]

المشاركة الأصلية كتبت بواسطة عبدالسلام حمزة

والله قضية حسّاسّة , وطرحها ذو قيمة عالية
وأسلوب الطرح جاء ساخرا ً قاذعا ً , وهذا حق الكاتب .
نحن فريق نشعل شمعة يا أحمد , يكفي ما نعانيه من إحباط في وسائل الإعلام , ليبق َ الإنسان العربي بعيدا ً عن ذاته وعن تاريخه وعن مستقبله ..
كثير ٌ هم الذين يلعنون الظلام , ونحن تحتاج إلى من يشعل شمعة يا أحمد .
شكرا ً لك .

اشكر ردك الراقي صديقي حمزة
اقتبست من نار شمعتك شعلة اوقد بها عصاة أتوكأ بها على سطور الكلمات ,,
لقد زاد نور شموعك طريقي ضياء
شكرا لك صديقي