خلص الكلام
خلص الكلام لما صحيت من المنام
حلم جميل كله خيال مش اوهام
خلص الكلام بعد ما كان كله سلام
كله فرحه كله بهجه و عيون طاله لقدام
كله بيهنى و مبسوط فرحان...
سقط النظام بس مش كل النظام
و فجأه خلص الكلام...
حد يقول حد يتكلم إيه اللى كان
إيه اللى هيكون بعد فتره من الزمان
هى الثوره خلصت ولآ هو خلص الكلام
لا الثوره مستمره زى ما بيقول الميدان
زى ما بيقول دم الشهيد من اعلى الجنان
ولا امه اللى حضنه صورته فى كل مكان
يبقى بعد كل ده خلص الكلام....
ويتقال كلام و ما اكتر الكلام
عن العماله عن الخيانه عن النظام
بقى هو ده دلوقتى الكلام
بلدنا طاله لامام عاوزه نهضه عاوزه سلام
عاوزه اولادها ياخدوا باديها للامام
ولا هقول خلاص خلص الكلام
عاوزين نظام غير النظام
عاوزين عداله عاوزين كرامه عاوزين امان
وناس شريفه ناس عفيفه همهم هو الانسان
واحنا كفايه بقى كتر الكلام
كتر التهم و الاتهام من غير دليل من غير بيان
ويالا نتحد و نبقى كيان
ولا خلاص خلص الكلام
لو حسابى كنت خلتنى احسن فى المنام
لما اصحى هقول ياه على الاوهام
و اخر الكلام خلص الكلام
29-02-2012, 09:21 PM
خلص الكلام
المواضيع المتشابهه
العرض العادي
