الرومانسية على الطريقة الأردنية ..

[راحيل الأيسر]

إنها قصة حب ولا أروع ولا أجمل ، قصة ولا قصص ألف ليلة وليلة ، قصة وليلة رومانسية ولا ليالي العاشقين الفاهمين العاقدين العزم على الفرفشة ، وفاء يجعل القلب ينزف ويذوب والعين تنهمر دمعا رقراقا سحيا .. معزوفة حب شجية هذه القصة التالية .. حضروا معكم مناديل لمسح الدمع المدرار القصة فيها شجن ووفاء منقطع النظير .. أترككم مع القصة ، وأنسحب بعيدا فأنا الآن أمسح دمعي الذي سال كالسيل الجارف ..
























خلف و شفيقة

خلف: ولك يا قردة شكلك ناسية انو مثل هاظ اليوم قبل سنتين كان اول مرة بشوف سحنـتك وبنحب بعض، يعدمني جدوقك(خدودك) شو ناسية؟!

شفيقة: والله جد!! بعدك متذكر يا مقلعط؟

خلف : هووووه، هو الي بشوف هالشكل الي بقطع الرزقة بنساه؟

شفيقة: هاهاهاهاهاهاهاها وهاظ الي معلقني فيك، تتذكر اول مرة تلقينا؟؟

خلف: هههههههه هو انا بنسى؟ يوم ما حطتلك رجل وانتي ماشية مع امك وقلبتي على بوزك؟

شفيقة: ولك الله يقطعك شو رومانسي، كيف هيك تجرأت واتخذت هاي الخطوة الجريئة؟ جد انا بحب الشب المبادر والقلبو قوي

خلف: يالله عاد هسه بدك تكبري راسي وتظلك تمدحي فيي؟ انتي كمان بزقتي علي يومها تتذكري؟ يومها عنجد عرفت انك بتحبيني ..


شفيقة: انا اليوم رح اخليها ليلة رومانسية بشكل.

خلف: شو رح تعملي؟

شفيقة: انت ما عليك بس حضر الشمع واشعله وسكر الضواو وهسه باجي ..






























وما ان اشتعل الشمع الا وخرجت شفيقة من المطبخ حاملة صدر كبييييييير منسف، رغرغت عيون خلف وإنغمرت بالدموع فرحاً، حمد ربه ووعد شفيقة بأن يبقى مخلصاً لها .. إنتهى




لك يقطع أم الرومانسية ، وهذا الكم من الوفاء من أين لنا بمثل هذه القصص أخبروني بربكم إييييييييييييه صحيح اللي حبوا واستهاموا ماتوا ..

[عبدالكريم قاسم]

اسهل الطرق لبلوغ قلب الزوج هو كرشششششششششششششششششششششششششششه
يا عيني على المنسف لما يكون بالسمن البلدي الكركي
رح يزعلوا الاردنية منك يا راحيل......... في حب ببلش بكعفلة على البوز والعرقلة ؟؟؟؟؟
مليح ما بلش بكسات وشلاليط .هههههههههههههه

[سحر الخطيب]

هههههههههههههه
صاروا سناني يتكتكوا منكتر ما قرأت رمنسيه
لا قيس ولا روميو و حتى تايتنك ههههههههههه

[سلمى رشيد]

يا راحيل يسعد صباحك
الرومانسية الفلسطينية امر من هيك
يعني متل هالحكي وأكثر

بدها المسألة دورات تدريبية ولو سألتيني ليش احنا هيك ما بعرف ،، يعني كلامنا دبش ؟؟

[راحيل الأيسر]

يسعد مساكم آل أقلام . يوم موفق وسعيد أخي عبد الكريم يعني حتى إنت مع جماعة الوصول إلى قلب الرجل معدته طيب واللي ما تعرف تتعامل مع كرش الرجل خلاص بلاش تفكر فيه من الأساس وده اللي أنا بعمله .

ههههه لكن راح أبشركم كلكم يوما ما إنني المرأة الوحيدة اللي وصلت إلى قلب الرجل دون المرور من كرشه .


ولاااااا للمطبخ .

امممممم بس فكرك بيمشي حالي من دون ما أتعلم طبخ ونفخ . أنا حاليا بينعمل لي الشاي ويجي لحد عندي وكل طلبهم بس إني أونسهم في جلستهم ويتونسوا بي هيك والله أهلي متقبليني ،اممم بس بلشتوا تخوفوني لكن هاا لااااكن مش هتنازل عن مبادئي وهفضل متمسكة بيه لو خللت عند أمي مو مشكلة بس لا للمطبخ والتوم والبصل ولا حتى شاي ويااا أنا يااا كرشه ههه

بس تدروا لازم أعيد النظر ،وأمري لله .


يسعد مساكم آل أقلام

[راحيل الأيسر]

شفت كيف أختي سحر . يعني يحق لي إني أفضل متأثرة من قصة الوفاء والاخلاص ده طول المدة اللي اتعيبتها . آآآه وآآآه ممكن منديل من فضلك ؟

القصة مؤثرة ودمعي مو راضي يوقف في نص الليل في سبيل الرومانسية دخلت المطبخ عشان تعمله الأكلة اللي يحبها وترضي كرش الرجل الشرقي .من وين نقدر نجيب متل هالقصص ومتل هالتضحية ؟

قال روميو وجولييت لك خليهم يحوا يتعلموا من هون

لك ودي وتقديري أختي بنت الخطيب

[راحيل الأيسر]

هو بس في الأردن وفلسطين أختي سلمى ، بل في أغلب البيوت والمناطق
الله يكون في العون ولازم خلاص نتقبل بعض زي محنا كده أفضل وأروق للراس والدماغ .أما نفضل ندور رومانسية نتعب وتتعب قلوبنا شوفوا شفيقة ياختي عليها كيف ولفت واتعودت على أسلوب زوجها وصارت متله وعاشوا في ثبات ونبات وتوتة تدوم أحلى حدوتة

وتسلملي أحلى ست سلمى بالمنتدى على هيك مرور متل روحها الحلوة .

[أميمة وليد]

عنجد رومانسية

من الآخر يعني

يسعد مساك رحولة

**********

[عماد الحمداني]

بصدق أختي الطيبه راحيل
في رجال كثير باب الرومانسيه لايفتح لديهم الا عن طريق
كروشهم ولااعرف لماذا ومن السبب في هذا
هل المراءه ام الرجل
ولماذا فقط نحن المسلمين والعرب بصوره خاصه
نمتلك تلك الصفه
من الرومانسيه الغريبه
مجرد سؤال الح علي وأنا أقرأ ماكتبتيه
تقديري لك أختي الرائعه

[منال علي عبدالله]

المشاركة الأصلية كتبت بواسطة عبدالكريم قاسم

اسهل الطرق لبلوغ قلب الزوج هو كرشششششششششششششششششششششششششششه
يا عيني على المنسف لما يكون بالسمن البلدي الكركي
رح يزعلوا الاردنية منك يا راحيل......... في حب ببلش بكعفلة على البوز والعرقلة ؟؟؟؟؟
مليح ما بلش بكسات وشلاليط .هههههههههههههه

ويه ويه ويه ويه عشتواااااااااا يا بوي ,راحلواااااااااااااااااااااااااااا,من بين مليار ونصف دوله,ما لفيتي غير النشامى تنتكتي عليهم؟؟؟؟؟؟؟؟؟؟انا اطالب بحذف الموضوع يا جماعه.

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه

يسعدها رحوله العسل ^_______-^.

[عبدالكريم قاسم]

المشاركة الأصلية كتبت بواسطة راحيل الأيسر

يسعد مساكم آل أقلام . يوم موفق وسعيد أخي عبد الكريم يعني حتى إنت مع جماعة الوصول إلى قلب الرجل معدته طيب واللي ما تعرف تتعامل مع كرش الرجل خلاص بلاش تفكر فيه من الأساس وده اللي أنا بعمله .

ههههه لكن راح أبشركم كلكم يوما ما إنني المرأة الوحيدة اللي وصلت إلى قلب الرجل دون المرور من كرشه .


ولاااااا للمطبخ .

امممممم بس فكرك بيمشي حالي من دون ما أتعلم طبخ ونفخ . أنا حاليا بينعمل لي الشاي ويجي لحد عندي وكل طلبهم بس إني أونسهم في جلستهم ويتونسوا بي هيك والله أهلي متقبليني ،اممم بس بلشتوا تخوفوني لكن هاا لااااكن مش هتنازل عن مبادئي وهفضل متمسكة بيه لو خللت عند أمي مو مشكلة بس لا للمطبخ والتوم والبصل ولا حتى شاي ويااا أنا يااا كرشه ههه

بس تدروا لازم أعيد النظر ،وأمري لله .


يسعد مساكم آل أقلام

انا بنصحك تخافي من اليوم وتعمل حساب للكرش لانه اذا ما برضي الكرش ما برضى العقل
شو المانع ما تكون الست متمكنة من كل شيء ؟
هناك فرق ما بين المرأة التي تجيد الطبخ والتي لا تعرف تقلي بيضة . يعني الاولى بضل الزوج مشتاق للبيت ولاكل البيت والتانية رح المسكين يضل يدور على المطاعم وشارد منها عند امه واخته وخالته وهي المسكينة الغلبانة تنتظر ليجي الاكل من المطعم . حمص .فول .فلافل . شاورما . حتى عدس ما في .
مين افضل
صحيح ممكن تونسيهم في جلستهم لكن لو كانوا جوعانين ما يهتمو بالوناسة ولا يسمعولك . يعني لو حكيتي قصة بوليسية وجبت هاي الكلمات . ( الحرامي شرد ولكن البوليس الشجاع كبس عليه ) هون رح يصحصحوا ويقولوا وين الكبسة اعملو كبسة حضروا اللبن .زز ههههههههههههههه

[سلمى رشيد]

يا منولة بدنا نثبت الموضوع
لانو حال النشامى من حال رجال أمتنا العربية من المحيط للخليج

وينها راحيل ساكتة ؟؟