الحملة الانتخابية الثانية ... لاختيار مختار حارتنا ... أقلام ..

أمل علي · 15-03-2010, 09:27 PM

طبعا وبطلب من مختار المخاتير ... الاستاذ نايف ، رح نعمل انتخابات ثانية ، بعد ما مختارنا القديم .. الله يذكره بالخير انسحب من تحتو الكرسي .. وكالعادة في منطقتنا العربية لما بيروح الكرسي صاحبو بيروح وما بيرجع ... لأسباب خارجة عن ارادته طبعا .

المهم .... اتمنى انو الاقلاميين يختارروا مختار جديد وفق المعاير المطلوبة ،
مختارنا ... بما انو من اقلام رح يكون غير شكل ، ورح نسلمو العهدة يلي ما سلمناها للمختار القديم بسبب ضغط العمل .
والعهدة طربوش ودفتر وختم ، واهم شي رح يعملو المختار انو رح يختلمي الالتماس يلي بدي اقدمو لمختار المخاتير ... حتى ما يخليني اعيد كتابة المواضيع يلي فيها اخطاء املائية ،
ويمكن يقدم الالتماس كمان لرئيس البلدية الموقر سامر سكيك .

بانتظار ترشيحاتكم ... وبعدها رح ننتظر من المرشحين خطاباتهم الانتخابية ، وبعدين رح يبدأ التصويت ... الترشيح بيبدأ الآن وبينتهي يوم الأربعاء ليلا اتمنى أنكم تتفاعلو معاه ...
حتى تصل أصواتنا ومطالبنا لرئيس البلدية يلي مطنشنا ...

تحياتي

سلمى رشيد · 15-03-2010, 09:45 PM

مساء الورد أمل
قلبي معكم وصوتي أيضا
المختار يمكن يكون مختارة متلا

حتى أحل مشكلة الصفحة التي تظهر يا أمل كلما اتنقل في أقلام سأدلي بصوتي

محبتي

أمل علي · 15-03-2010, 09:56 PM

أهلا وسهلا عزيزتي.... والله مابيمشي الحال المختار يصير مختارة ...
وهي شروط الترشيح من الحملة الانتخابية الأولى .....
وطبعا للتنويه المختار مافيه يحل مشاكل الا الاشخاص يلي شاركو بالموضوع سواء صوتو له او ضده

شروط الترشيح :
اختيار أي عضو أو مشرف (ذكر )
العمر لا يقل عن 18 سنة
ومع ورقة حسن سير وسلوك ( هههههههههههه )

ان يكون له القدرة على كتابة برنامجه الانتخابي وخطبه العصماء
أن يكون ( أصلع ) يعني حافي الرأس مع أمكانية تجاوز هذا الشرط
(عشان مختار حارتنا والله كان اصلع وما اتخيلو الا هيك )

سأقوم بتنبه المرشح برسالة خاصة
وله الحق بالقبول أو الرفض

اتمنى أنو تحبو المسابقة ...

تحياااااااااااااااااااااااااااااااااتي

عبدالكريم قاسم · 15-03-2010, 10:16 PM

انا خايف الي بصير بطير
ولكن اذا ما بطير انا برشح الاخ ياسر سالم لهذا المنصب الجديد واتمنى ان يكون اقرع حتى تنطبق عليه الشروط لان باقي الشروط موجودة فيه اصلا
فهو القادر على كتابة اي خطبة عصماء وعنده القدرة على تحقيق برنامجه الانتخابي
وكافة القدرات الاخرى
معذرة استاذنا الحبيب بنظري انت تستحق المنصب
انتخبو مرشحكم الجديد
الاستاذ ياسر سالم

راحيل الأيسر · 15-03-2010, 10:25 PM

شخصيا بحب أرشح الأستاذ والأخ الألمعي

هشام يوسف

أمل علي · 15-03-2010, 10:31 PM

يا سلام ... يا سلام .... الاستاذ ياسر سالم .. والاستاذ هشام يوسف
والله الظاهر نحن يلي بدنا نطير يا اخ عبد الكريم ..ههههههههههه

رح اخبرهن بالترشيح الآن ...

عبد الكريم .. راحيل
بشكر تفاعلكن

راحيل الأيسر · 15-03-2010, 10:44 PM

وسيكون شعار حملتنا الإنتخابية

( لا تفكر ، لا تحتار ... غير الألمعي لا تختار )

واتمنى الفوز لنا..

عبد السلام الكردي · 15-03-2010, 10:44 PM

شوفوا
أنا والله أصلع..يعني هاد الشرط متوفر فيني من زمان..
وحتى إني اختيار ..بس مو كتير يعنييييييي
اي
وللي بيرشحني..ترى إلو ميزات خاصة بالتعامل مع مكتب المخترة .
يمكن يحصل على عرض غذائي مع كل معاملة بيجيبلنا ياها..ومن تحت الطاولة..ما في شي بيمرق
ههههههههههه
بقى أنتوا شوفوا..
مصلحتكم وتعرفوها ويين
ونصوصكم بالنثر وبتحبوا الها الخير أكيد..هاد مو تهديد طبعاً أعزائي..هاي إشارة ..تنويه..يعني افهمومها باي شي أحسن من تهديييد.. هههههه

وعني أنا..فبرشح الـ د إيهاب أبو العون للمخترة..مبيتو أصلع ومناسب..

أمل علي · 15-03-2010, 10:47 PM

اقتباس:

المشاركة الأصلية كتبت بواسطة عبد السلام الكردي

شوفوا
أنا والله أصلع..يعني هاد الشرط متوفر فيني من زمان..
وحتى إني اختيار ..بس مو كتير يعنييييييي

اي
وللي بيرشحني..ترى إلو ميزات خاصة بالتعامل مع مكتب المخترة .
يمكن يحصل على عرض غذائي مع كل معاملة بيجيبلنا ياها..ومن تحت الطاولة..ما في شي بيمرق
ههههههههههه
بقى أنتوا شوفوا..
مصلحتكم وتعرفوها ويين

ونصوصكم بالنثر وبتحبوا الها الخير أكيد..هاد مو تهديد طبعاً أعزائي..هاي إشارة ..تنويه..يعني افهمومها باي شي أحسن من تهديييد.. هههههه

وعني أنا..فبرشح الـ د إيهاب أبو العون للمخترة..مبيتو أصلع ومناسب..

والله يأاخي الكريم كان على عينا والله ... بس حتى لو الأقمار الصناعية .. كشفت عن صلعة الاخ العزيز أيهاب ... بس ما بيمشي الحال لأنو من الهيئة الادارية العليا يعني من الحكومة
بعدين اذا صار ايهاب المختار .. عند مين بدنا نتوسط حتى ينفذلنا طلباتنا
حاول مرة أخرى ..\

عبد السلام الكردي · 15-03-2010, 10:55 PM

ايوااااااا
هاي ما حسبتها والله
مين بدو يتوسطلنا عندو بوقتها؟؟
لا ما بيمشي حالو الـ د إيهاب..

هلأ الأقمار الصناعية بتكشف أي شي ..بس ما بتكشف الصلعة طبعاً..لأنها بتعمل متل المراية وأنت بتعرفي يعني..
اممممممم
راح نحاول مرة أخرى ونشوفلنا شي أصلع مناسب..
هو الاستاذ عبد الهادي السابح شريكي بالصلع بيمشي حالو
بس ما عم يبين
وغذا بين أنا برشحه هو..لأنه اسلع محترف متلي..

أمل علي · 15-03-2010, 10:59 PM

اقتباس:

المشاركة الأصلية كتبت بواسطة عبد السلام الكردي

ايوااااااا
هاي ما حسبتها والله
مين بدو يتوسطلنا عندو بوقتها؟؟
لا ما بيمشي حالو الـ د إيهاب..

هلأ الأقمار الصناعية بتكشف أي شي ..بس ما بتكشف الصلعة طبعاً..لأنها بتعمل متل المراية وأنت بتعرفي يعني..
اممممممم
راح نحاول مرة أخرى ونشوفلنا شي أصلع مناسب..
هو الاستاذ عبد الهادي السابح شريكي بالصلع بيمشي حالو
بس ما عم يبين
وغذا بين أنا برشحه هو..لأنه اسلع محترف متلي..

هيك تمام .. بس هلأ لازم تدعي أنو شاعرنا الكريم عبد الهادي السايح يرد علينا
ويعبرنا
رح أخبروا بالترشيح عن طريق الرسايل الخاصة

أمل علي · 15-03-2010, 11:07 PM

http://www.youtube.com/watch?v=JL5T-Z9w6BU

وينك يا مختار المخاتير عنا ؟؟؟