|
|
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
 |
| مواقع النشر المفضلة (انشر هذا الموضوع ليصل للملايين خلال ثوان) |
| أدوات الموضوع | تقييم الموضوع | انواع عرض الموضوع |
22-11-2009, 01:55 AM
|
رقم المشاركة : 1 | |||||
|
يوميات العمده شليطة
[frame="7 80"]   يوميات العمده شليطه ( القصيدة العامية ) صلــــي وسـلــم عـــند القــــول واذكــر ربـــك قبــــــل النـــــوم بـــــطل القــــصه ذي الــغـــول تـفـني الــدنيا وخــيـرها يـــدوم ******************* أهـــل الــشر في كـــتره تحـــير والممنوع ف الكـون مرغـــوب ســــــرقــه ونهـــب ودم يغـــير شطر الخير صار مش محلوب ******************* نسمع قــــــصه عمــــــده كـــفـر مـــــلـك الــدنيا فـي ليـل ونـــهار غمس السلطــه بشــــده وكــفـــر حكم النـــاس بـــالــسوط والنـــار ******************* لمـــــا سكـــات الـــناس بيــــزيد عشــق السلــطه ســيف مســموم يـــقطع كـــــــل لســـــان بيـــعيد جــبـر الحـــاكم عــل المـــحكوم ******************* العـمده نسيـــتك ظـــالـــم امــــه العمـده حـياته عراك ومشـــاكل كاشـــف راسـه وقــــاتل عمـــه طـــالع واكــــل نـــازل واكـــل ******************* عامل نفــسه في عـصر الوالـي عـ الـــــدوان قاعــد مـــبــروش يحكم بـــــين النــاس بالغـــــالي عايـز يمــلي الجــيب قــــروش ******************* ربع جنيه بالعــــافـــيه بيـــطلع أبخــل خــلق الــله ف الـــكون باع الشعـــر واصبــح أقـــرع أخــــلاق زفــت ونــدل ودون ******************* حمام العمده فيه شطــــــــــا ف عمال فيه بيصول ويـــــــجول يدعك جسمه بليف كرنــــــا ف باقي الناس في الترعه تبــــول ******************* راس العمده مــــن شــقـــيــــن شق المتعه في ظلــــم الغـــــير واما يــــــهزر لـــه قـــــرنــين خفـــه دمه تلاعـــــب الطـــير ******************** هزر مره وعـــــــــض حماره قا م مرقــوع بحـــــــتة جـــوز رجع البيت ماســـــك مــنخاره منخـا ر العمـده كــــــد الكـوز *************** كلب العمده ف مــــــره عــــدي ضحك العمده بانت له ضروس أتاري العمده مركب عـــــــــده خدها الكلب فاكرها قـــــروص *************** أول مره أتجوز فيـــــــــــــــــها سكر العمده عشان الحــــــــرب شال الكيكه ونـــــــازل بيــــــها يقطم قطمه يشاركه الكــــــــلب *************** العمده حياته حمار في زريبــه ياكل عجل ياهوه عل القرمـــه 9فــي 10 عيــالــه كـــتيــــبه 6في 5 بي تلتين حرمــــــــــه *************** لنفسه بتاع الله خـــــــــــــلاه خد سخان الجامــع بيتـــــه حج العمـــــده وتـــــاب لله سرق العجل وقال ربيتــــــه *************** بات مغلوب تعيش منصــــــور اوعاك تظـــلم او تتــجـــــــــبر عيش لله تعيش مســـــــــــــتور الناس بالناس اوعاك تتـــــكبــر *************** مره سمعت العمده شلـــــيطــه جاب ف سيره ناس ابـ قرمــه قلبوا البيجو اتنين برويـــــطــه طبخوا السلمو جوه الــــبرمــه *************** طمع العمده ياهوه عرفينـــــوا خلي الناس عل المش اتحـــود غش العمده في عيشه الفيــــنو لوح الناس خلاها تـــــــــــدود *************** سبع سنين الناس بتـــــجـــــوع عند المخفي الخير مخـــــزون شعب العمده صار مفـجـــــوع شال الفاتحه ف اللي يـخـــــون *************** فــكرالعمده رزين وخطــــير خلي الكل في هم الننـــــه فت الحق في صحن فطـــــير دفن الصح وقال في الجنـــــه *************** عمرالحوت ما يخاف م الصيره قلب العمده مات من فتر ه أصل الظلم حباله طو يلــــه لكن اهل الخيــــــر في الــكتره *************** الخوف والجبن رفيق الــــناس كسر العين في عيال بالـــــكو م خلوا الواحــــــد من غير راس قووا الظالم عل المــــــــــظلوم **************** بكري العمده ود مــــــجنــــون جهل الناس يعـــمل له شحنـــه والمجنون يصبـــح فــرعـــون شعب اللقمه عايـــش في محنه **************** كد الغيمه الــطـــول والعرض تاني عياله راســـي وكـــــــان ينفع يطوي اهــــــــل الارض سبحان ربك ف الانســـــــــان **************** قال للعمده نهايتك ســـــــــوده فكر الود في الدين مشــــــدود موت محروق بالجاز والعوده حبسه العمده وقال محـــــسود **************** المخلوق مخـــــــــلوف الرب ربك قال في الخير وتــــروح مش في الابن يــموت م الأب مــــــــات الود والأم تــــنوح **************** دنيا وفيـــها تديـــــن تــــــدان تعـــــمل خير تلقــــاه قـــــدام حب الدنــــيا بيرمي سنـــــان أبدا فيـــها الـــــشر مــــــادام **************** من بين عياله بــنت وحــــيده انصح بنت فـي عــلم وديـــن أصــــــل بـــــلاد الام بعــيده ناس الام الناس واصـــــــلين *************** خيبه العمده الخلفه الطــــــين ناهد بنـــــته ليهــــا حكايــــه حبت جابـــــر ود حســــــين خبر وراح للعــــمده وشايــه *************** عايز يخنــــق عشق الــــــروح هربت مـنه معـــاهــــــــــا الأم قال اتروح مطرح مــــا تروح واللي اتكــب ماعـــاد يتلـــــــم **************** بين العمده وناس ابــــقـــرمــه عرف النــــاس حتــقوم النـــار رح تتـــــــكسر فيها الحــرمــه بعد النـــــــوم رح يصحي التار **************** ود حسيـــن حيـــروح يتعــلــم خا ف الـــعمده يــوقف ضـــده أصل الـود لمــــا حيـتكـــلـــــم كل الناس في الكفــر تعـــــــده **************** غفر العمـــــده فوق الـــــراس بين الناس الخوف مـــــزروع لما تقــول الرحمــه يا نـــــاس بالكرباج تصبــــح ملســـــوع **************** مش يكفيه مستضعف نا ســـه شا ل ف نفسه عمله جابــــــر حب وعلم وعمده ف راســــه فاض الكيل بالود مش صــابر **************** جهل وعند العـــمده خـــراب ونهايه العند طـــريق مــسدود واما الجهل حـــيبقي ســــراب عل اللي يعيش من غير حدود **************** جابر ود حسين مش ناســــي يوم ما العمده عري اخــــــوه بل الارض بد مه القا ســــي فضح الدنيا وقــا ل غــطــوه **************** هاج العـــمـــــده وذي الــــــــتور نجح الود ف الجامعــــه وعـــدي أصل الود اســـــتـــــاذ دكـتــــور جات له النا س مـــــن اسنا لجده **************** المأمور عايـــــــــز يتـــــعرف كله بيهتـــف دكـــتــــور جابـــر فيـــن الــعمده لسه مـا شــــرف وقــف العلــــم ف وش الفاجـــر *************** ركب الناس مركـــب غرقانـــه من فوق الراس ركب الفراعين والفرعون مســـنود بــبطانــــه تكبس جــوه ودانــــه الطيـــــن **************** كرش ولكــــن راس حربيــــــه طلقه ان طلعت مـــات دكتــور زرعه بانجـــو في الـــعربيــــه جـوه الحبـــس يـــشوف النــور **************** جات مستشفي لاهــــل الكفـــر راح يــــبارك قا لــــب وشـــه وف أرض المخفي كان الحفر دخل العمــده مادد كـــرشــــه **************** عايز يبعــــد شــــك النــــاس واللي حيضرب مش حيجلـي يسقي الموت للناس بالكـــاس عل المجهول خليها تــولــــي **************** كانت لحظه وطــلقه تصيـــب بعد اللحظه يبــات منصــــور راحت تسري في قلب غريب جات في ضابط كفـر الخــور **************** ف القلب الظلم كتاب ولا سـنه ربك وحــــده رب قــلـــــــوب والشيطان عشمان ف الجنــــه فعل الناس ف الارض ذ نوب ***************** دنيا وما شــيه با لمـــقلــــوب جايز بــكره الخــــير يــــعود قبض العسكر عل المطــلوب صرخ العمده وقال مقـــصود **************** قلب الدنيا الساس والــــراس عمده وجاب لبلا د ه العـــار خيبه وحطت فـوق النــــاس ليل مش طالــع ليــه نهــــار *************** أرض الخير في الشر بتعزق دنيا وتفني في خبر ها لــــك لما بيغـــضب ربــك يــرزق واما يزيد الســـحت يبـــارك ************** راح المركز يشــــهـــــد زور لكــن ربــك با لــمرصـــــــاد تهمه وتاخد ميت دكتـــــــــور حق وتاه في الأخــر عـــــــاد ************** ف ودان العمده طين وعجين يوم ما تعوزه قال مش سامع يسأل اقرب جــا مع فيـــن يدخل يركع حول في الجامع ************* لكن ربك مش رح يهـــمـــــل المطلوب قا ل عل التكــتيـــك مرض العمده وقالوا بيسهــــل جات له الحمي في قلبه شريك ************** رقد العمده الحيل متكـســــــح فكوا المجلـــس جــاهــم بيـــن جابر ضده صار مترشــــــح دنيا وتفضل سـلــف وديــــــن **************** دكتور ناجح شــرف أهــلــــه سقط العمده في يوم مشهـــور رسم الكفر نها يـــه جهـــلـــه جات له الجلطه وقالوا يغــور *************** عاش العمده مات العمــــــده الناس رح تهتف ليه ولغيــره عل الطبله تغني الفرح بشـده ينعل شره ينصر خيــــــره ************** قصه قتل العمـــده أ ريـــــت بالســكيــن وسيـــــح دمـــــه جــزرالعــمـــده جوه البيــت تار وخـلـص فيـه ود عـمــه ************** مات العمده وتحيا ذنـــــوب قبر الظــــا لم مســـتنـــيــــه زين نفسه بنار وطــــــــوب ويلك يا للي تسكن فيـــــــــه ************** من افعاله الناس تتبــــــاكــــــي المرحوم كان يدعي شليطــــــه ف الازمان تحكي وتتحاكـــــي المرحوم يشبع ف الزيـــطــــه **************** مات العمده وقال سامحونــــي وصي العمده الناس ف الشاهد جهلي وعندي النار ودونـــــي جابر ود حسين جوز ناهــــــد **************** مهما يكون الخير حيســـــــود نفس القـــصه با لتـــفـصيــــل أوعي تـــفـكـر مـش حـتـعـود الخير والشر في حرب طويل يوميات العمده شليطه(النهايه) عبد الجابر الجوهري   [/frame] |
|||||
|
|
|
|
العرض العادي
