هيفا سرها باتع

[عبد الحميد بدوى]

هيفا سرها باتع

هيفا قمرها ساطع

هيفا مية على مية

هيفا مش مجرد مطربه

ولا حتى مغنية

ولا ممثلة فى دكان شحاتة

ولا حتى فى فرن العباسية

هيفا من السما للارض اجمل هدية

هيفا فخر الصناعة العربية

هيفا طاقة نور و شعاع حرية

مين اللى قال ان العرب

معندهمش سلاح نووى

ولا حتى قنابل زرية

ولا اسلحة دمار شامل لكل الاجيال العربية

أدعو معايا ربنا يخلى هيفا

أجمل هدية للكرة الارضية

[عادل عوض سند]

الاستاذ الشاعر
عبد الحميد بدوى
لى شرف المرور الاول على قصيدتك .
وسعيد لقراءتى لنصك الباسم . وعلى فكره
{ بكلامك ده ممكن قوى دلوقتى تتحل القضيه الفلسطينيه لو هيفا طرف فيها }

[عبد الحميد بدوى]

اكيد ومش بس القضية الفلسطنية وكل القضايا العربية وياريت كمان يلغوا المجالس النيابية والقمم العربية
اشكرك واشكر مرورك بس رغم الضحك الوضع يبكى وربنا يرحمنا برحمتة