|
|
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
 |
| مواقع النشر المفضلة (انشر هذا الموضوع ليصل للملايين خلال ثوان) |
| أدوات الموضوع | تقييم الموضوع | انواع عرض الموضوع |
23-05-2009, 07:04 AM
|
رقم المشاركة : 1 | |||||
|
اسكتش . كراسة الشروط .عامية مصرية
المقدمة .......... فتح المزاد ع الصبايا قربوا يا شباب علام وخفة وادب شبكة وكتب كتاب *********** قبل المذاد انا عاوز اقول كلمة عشان نكون واضحين مش أي حد يقف هنا الا اللي احددهم انا وعشان نريح نفسنا عملنا كراسة شروط للمطلوبين *********** واهم حاجة في الشروط شباب يكونوا موظفين *********** عشان بيبقى دخلهم ثابت كدا طول عمرهم ومعاش بيبقى بعدهم والكشف والتامين *********** اما اللي لسه شغلهم مجاش لغاية عندهم القهوة تبقى احسنلهم لحين صدور قرار التعيين *********** قهوة بلدنا مركز شباب وعليها كل شبابنا اصحاب مستنيين م الدولة جواب لا مؤخذة يا اخواننا العاطلين *********** اللي الحكومة موظفتوش يطلب جواز هنقوللو ملوش سواء معاه او كان معهوش الرد واحد في الحالتين *********** صاحب الوظيفة مننا هو ده عريس الهنا لو سنو كان خمسين سنة ومرتبو ميه وخمسين *********** وانته اللي جابك ايه هنا هيه ناقصه مغفلين فلاح حقير هلفوت عويل مفيش جواز للفلاحين *********** فتح المزاد يا حضرات عاوزين مهور بقى بالملايين فتح المذاد على بايرة بالف حد فيكم قال الفين فتح المذاد على بايرة بالف حد فيكم قال الفين ********************************************* نص الاسكتش كراسة الشروط يجلس كل من الحاج قرني – ابو العروس - والحاج خليفة – عم العروس - وهم في حالة تاهب قصوى لاستقبال العريس المنشود لعروسهم "بايرة" الذي جاء لخطبتها فور حصوله على وظيفة . في احدى شركات النظافة. - قرني : يعني العريس أخر أوي مصيبة لا ميجيش والبت تقعد في ارابيزنا كده على طول دا احنا ما صدقنا إن فيه عريس موظف رضي يخطبها. - خليفة: يا جدع مية مره اقوللك متبقاش خفيف العريس جاي جاي دانا اكدت عليه النهاردة في الغيط . واللي مأكد لي انه جاي كمان اني شايفه بعنيه وهوه بيبيع البهايم في السوق يعني جاهز ومستعد . خليك تقيل امال عشان نعرف نجوز البت جوازه حلوه . يدق الباب فيقوم خليفة عم العروس ليفتح في حين يعتدل قرني في جلسته منتظراً دخولهم لينهض واقفاً - قرني : يا مرحب يا مرحب اتفضل يا معلم سداد اتفضل ادخل يا عنتر بيتك ومطرحك يصافح العريس وابوه عم العروس وابوها وياذنوا لهم بالجلوس فيجلسوا - قرني : مرحب ******** - سداد وولده : الله يرحببك - خليفة شرفتونا ******** - سداد وولده : يجعله عامر - قرني : منورين ******** - سداد وولده : دا نوركم - خليفة اهلا وسهلا ******** - سداد وولده : اهلا بيك - قرني : مرحب ******** - سداد وولده : الله يرحببك - خليفة منورين ******** - سداد وولده : دا نورك - قرني : انجزوا ******** - سداد وولده : اهلا بيك - قرني : ما تخلص يا عم انته تخشوا في الموضوع وتقولوا جايين ليه - سداد : احنا بالصلاة ع الحبيب كده جايين النهاردة نشرب معاكم الشاي عشان بصراحة كده احنا معندناش شاي ولا سكر في البيت والتموين راح علينا الشهر ده . * يقهقه سداد وولده بغباء - قرني : ايه ... طاب سكي ع الشاي ياوليه - سداد : قصدي يعني نشرب الشاي ونتكلم كلمتين كده - خليفة: ايوه كده اتعدل - سداد : بصراحة كده ومن الاخر احنا جايين نطلب ايد بنتك لابننا عنتر .اصل العيال بيحبوا نفسهم من زمان . بيحبو نفسهم اوي . واحنا قلنا ندخل الباب من شباكو واهو برضو يبقى زيتنا في دقيقنا ونعمل قرصتين وناكلهم وجحا برضو اولى بلحم طوروه . * يقهقه سداد وولده بغباء . ويضحك الحاج قرني ضحكة نفاق صفراء. - قرني : ومالوا داحنا نلبسها بنطلون جينس وبدي ونوصلها لحد باب البيت ولو الباب مقفول ننططها من الشباك كمان . - سداد : ما اهو دا عشمنا برضو . - قرني : بص انت دخلتو قلبي من أول . امبارح . بس اني راجل ديموقرطي . ايوه انا ابو العروسه بس اللي يحل ويربط في الموضوع . هوه خليفة اخويه . خال العروسة . والراي في الاول والاخر ليها هيه برضو. - سداد : معلوم برضه معلوم .... طاب ناديها لنا كده ناخد رايها . - قرني : نادي عليها يا خليفة يا اخويا - خليفة: انتي يا بت يا "بايرة " . انتي يا بنت ال.. * تدخل العروس "بايرة" مسرعة تلقي السلام على عمها خليفة والتي تظنه خالا لها باعتبار انه اخا لابيها . ثم تهرول في اتجاه العريس لتصافحه . - بايرة : ايوه يا خال .... سلام عليكم ازيك يا عنتر - قرني : خدي هنا يا بت - بايرة : حاضر يا باه - قرني : بوسي على ايد عمك يا بنت * تقبل يد عمها - بايرة : اوامرك يا خال - خليفة: بصي يا بت الواد عنتر ابن عمك سداد جاي يطلب ايدك انتي رايك ايه ياللي يجيكي مصيبة تاخدك. - بايرة: بحبو يا خال بحبو. بحبو يا بايه . بحبو . ويلي ويلي من سمارو ........ يكوي قلبي يذيد في نارو بحبو . - قرني : السكوت علامة الرضا غوري ادخلي جوه . - خليفة: ومدام البت موافقة يبقى مبروك عليكم . - سداد : نتكلم في المهم انتو طلاباتكم ايه بسرعة كده و نخلص قوام قوام عشان فيه " معزة " شرق البلد عاوزين نروح نخلص فيها . - خليفة: بالنسبة" للمعزة " بتاعتنا قصدي . يعني العروسة ... قلبت دماغي. احنا ما عندناش طلبات كتير احنا زينا زي اهل بلدنا وبنتنا ما تقلش عن أي بنت في البلد . - قرني : اسملله عليها حلاوة وادب وعلم وفن وهندسة . حافظة الاغاني كلها وتقعد قدام التليفيزيون كده تسمع المسلسلات تسميع والافلام عربي وافرنجي وما بتقراش الترجمة . مش عشان بتفهم انجليزي لا سمح الله لا عشان نظرها ضعيف حبتين وعندها حول مزمن . وبله منغولي .والكلب عضها من اسبوعين. - خليفة: وخللي بالك بنتنا شغالة وبتجيب عيال واللي عاوزها يتاقلها بالمال . * يقول خليفة هذه الجملة في حين يخرج قرني كراسة الشروط من اعماق السديري الذي يرتديه تحت جلبابه. - قرني : وادي طلباتنا.خد يا خليفة يا اخويا قرا لهم كراسة الشروط . * يتناولها خليفة منه ويبدأ بأمطارهم بالطلبات وكانها طلبات الاحاطة السنوية بمجلس الشعب. ************************************************** ******** وبعد قرائة كراسة الشروط - سداد : كفاية يا جماعة ابني تعب من قولة موافق وانا تعبت من قولة سداد . انا عندي سؤال ليك يا حاج قرني لو انته مكاني دلوقت وبتخطب للبقف ابنك ده هتقبل ان حد يشرط عليك كل الشروط دي . في زمتك انته ساعت ما جيت تتجوز جبت واحد من الالف من الحجات دي . * وقبل ان ينطق الحاج قرني ياتي " رويتر" من خارج الدار وصوته يسبقه - رويتر : الحق يا حج قرني . الحق يا حج قرني . بنتك متجوزه عرفي - قرني : بتقول ايه يا وله - رويتر : البت "سهتانة". بنت المعلم " طناش " قفشوها مع الواد كوكو بتاع الدوكو . وطلعت متجوزاه عرفي ولما اتكشفت قرت على كل زمايلها . البت شربات متجوزه الواد سكر عرفي وبيدوبو في بعض . والواد نور متجوز البت نجفة عرفي ومعلقين مع بعض وبنتك بايرة متجوزة الواد عدول العسول عرفي - قرني : هيه حصلت لحد عدول العسول اني لازم اشرب من دمو ودمها اني هقتلهم هماالاتنين سيبوني - خليفة: يا حج قرني هدي نفسك - قرني : عرفي الزاي حد يفهمني - خليفة: عرفي يعني سرقه . يعني جواز في الضلمه يا حج قرني - قرني : اعوز بالله . لا حول ولا قوة الا بالله - خليفة: بس تعرف ياحج قرني انته السبب - قرني : أني - خليفة: ايوه انته . - قرني : ابوس على ايدك فهمني اني السبب الزاي - خليفة: ايوه انته السبب. دا النبي عليه الصلاة والسلام قال "اذا جائكم من ترضون دينه وخلقه فزوجوه " وانته الفلوس عمت عينك وقلبك ... بناتنا مش لعبه بناتنا مش تجارة . وانته استغليت بنتك للي يشيل ويحمل ويدفع اكتر. طول ما فيه كراسة شروط هيبقى فيه خراب بيوت . - قرني : ملعونة كراسة الشروط .ملعونة كراسة الشروط .ملعونة كراسة الشروط .ملعونة كراسة الشروط . ***************** ستار *************** |
|||||
|
|
25-05-2009, 02:53 PM
|
رقم المشاركة : 2 | |||||
|
رد: اسكتش . كراسة الشروط .عامية مصرية
الأخ الأنيق , سامي التهذيب , رفيع الخلق / عبد الحليم مدكور |
|||||
|
|
|
25-05-2009, 05:59 PM
|
رقم المشاركة : 3 | ||||||
|
رد: اسكتش . كراسة الشروط .عامية مصرية
اقتباس:
منذ ان طرقت باب هذا المنتدى الراقي : وانا اتعلم شيئا لطالما بحثت عنه الا وهو التفاعل والنقد وتلقي التوجيه . لذا من واجبي . ان احترم كل من يعلمونني بكلماتهم . ويعزفون على وتر موهبتي بأقلامهم وسأبقى دائما اناديهم اساتذتي . دون اعتبار للسن أو الاتجاه الفكري او اي اعتبار اخر فكل فكر جدير بأن يحترم . لابد وانك تعرفين قصة (الحسن والحسين بن علي ) رضي الله عنهما حين علما شيخا كبير السن . كيفية الوضوء . اسعدني مرورك استاذتي وافر الشكر والتقدير |
||||||
|
|
|
26-05-2009, 02:35 PM
|
رقم المشاركة : 4 | |||||
|
رد: اسكتش . كراسة الشروط .عامية مصرية
-------------------------------------------------------------------------------- |
|||||
|
|
|
27-05-2009, 08:09 AM
|
رقم المشاركة : 5 | |||||
|
رد: اسكتش . كراسة الشروط .عامية مصرية
أستاذتي : وفاء امين |
|||||
|
|
|
14-06-2009, 12:52 AM
|
رقم المشاركة : 6 | |||||
|
رد: اسكتش . كراسة الشروط .عامية مصرية
اخي العزيز ( عبد الحليم مدكور ) |
|||||
|
|
|
22-06-2009, 01:00 AM
|
رقم المشاركة : 7 | ||||||
|
رد: اسكتش . كراسة الشروط .عامية مصرية
اقتباس:
بداية : آسف لتأخري في الرد على مشاركتك . مرورك عطّر النص ، كن بالقرب دائماً . مودتي |
||||||
|
|
|
26-06-2009, 05:35 PM
|
رقم المشاركة : 8 | |||||
|
رد: اسكتش . كراسة الشروط .عامية مصرية
الاستاذ الشاعر عبد الحليم مدكور انت زجال رائع وتعرف ماهية الكلمه وتعى تماماّ حرفية الصياغه الزجليه جميل يا { حُلم }هذا العمل الإجتماعى الواقعى والذى يعتبر الآن مشكله إجتماعيه خطيره سلمت يداك ايها الشاعر الرائع . وتقبل مرورى المتواضع مع خالص تقديرى ... |
|||||
|
|
|
27-06-2009, 10:43 AM
|
رقم المشاركة : 9 | |||||
|
رد: اسكتش . كراسة الشروط .عامية مصرية
الشاعر الموهوب / عبد الحليم مدكور رأيت المسرح فى قصيدتك هذه وفى سخريتك هذى التى تناولت فيها أكثر من قضية تشغل الشباب وتعوق تفاعلهم مع المجتمع الذى إنقلب ميزان نظرته للأمور .. فأصبحت المادة هى لغة الحــــــوار والتفاهم تمتلك الكاميرا التى تساعدك وستساعدك فى القريب العاجل إن شاء الله على أن تكون شاعراً وزجالا ناقداً ... خاصة وأنك تمتلك موهبة الحكى . دمت مبدعاً وداد الهــــــــــــوارىِ |
|||||
|
|
|
28-06-2009, 10:27 PM
|
رقم المشاركة : 10 | ||||||
|
رد: اسكتش . كراسة الشروط .عامية مصرية
اقتباس:
أشكر مرورك الذي عطّر المتصفح غمرتني سعادة غير عادية وأنا بين كلماتك الطيبة كلمة ( حُلم ) جعلتني أحس أنّي أعرفك منذ طفولتي . كن بالقرب دائماً لك المودة والإحترام |
||||||
|
|
|
29-06-2009, 12:22 AM
|
رقم المشاركة : 11 | ||||||
|
رد: اسكتش . كراسة الشروط .عامية مصرية
اقتباس:
محاولتي للرد على مروركم الكريم أصعب من إنشاء ملحمة من الآف الأبيات أيتها الشاعرة : عالية القامة . أحمد الله -تعالى- : أن رقت هذه الزجلية المتواضعة إلى مستوى استحسانكم لا حرمنا الله من رئيكم ونقدكم البناء . لك الإحترام والتقدير |
||||||
|
|
|
|
|
العرض العادي
