ضو القمر

[زاهر علي]

سهران..
ابعت على جنح الهوى..موّال..
يحكيني..
و يحكي لأم الورد..عن قلب بخطر..
قلنا ابعتي من عطر شعرك..وردتين.
بلكي السهر بيهون..
يا حلم السهر..
قالت ورد؟؟
من وين؟؟
والدنيي شتي..!
قللويا قلبي ان كان ماعندك خبر..
زر الورد غفيان..
ما بيسمع حدا..
و الا لنسمة صيف..ما بيوعى..عطر..
قللو ابعتلي من كلامك جملتين..
حطّون عنار الشوق..
و اغمرهن غمر..

قلنا شعر؟؟
من وين؟؟
و الدنيي شتي..!
والغيم عم يدعك تيابو على وجع هالقلب..
و مخبي القمر..

قالت اتغطى ..ونام..
ما هيئتو الليلة بيخلص غسيلو ...
غيمك..
وزخ المطر..
بس الوعد ..سهران..
لا تواعد حدا..!
بسهر أنا وياك مع أول قمر..
حضر وراقك..تا اجي..
والليل..
بضفرو.. كرمال عينك..زنبق وريحان..
بيتي و بيتك خاطري..
و انتا العمر..


سهران..
يا ضو القمر سهران..
و يا غيمة اغسلي..
بكرا بيجي نيسان....
و بتوعى..
صور..