|
|
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
 |
| مواقع النشر المفضلة (انشر هذا الموضوع ليصل للملايين خلال ثوان) |
| أدوات الموضوع | تقييم الموضوع | انواع عرض الموضوع |
16-06-2008, 03:50 PM
|
رقم المشاركة : 1 | |||||
|
مانيش ندمان
مانيش ندمان *** وفاكر ياأمه من صغري ولد طايش ولد مجنون ولد عاوز يهد الكون ولو ممكن يعيدهولك يشيل الحزن من عينك ويرسم ضحكتك خضرا يحقق كل آمالك تشوفى حلمك الماشى على رجلين يحط الخطوة بسَّامه ف سنه أولى وأول يوم يروح الصبح مدرسته ودمعه سارى فوق خده وحاطه ف شنطة أحلامه رغيف الحب وكتابه وقلم مبرى وكراسه ودعا و حجاب وآية الكرسى تقريها على رأسه وتدعيله يكون دكتور وعز الدمعه ماهى نازله يقول طيارْ تقولى مصر محتاجه لأىِّ نهار متفرقشى وبعد محايله ومناهده يقوم رايح على حلمه يفسَّر فيه ويتهجى ويكتب حرف والتانى تيجى ماما تيجى بابا تيجى تصقيفه يسمعها وبرافو عليك وياخد النجمه والعشره فى كراسته وآخر يومه يرجع لك وشوقه كبير تمدى القلب لاحضانه يورى لك فى كراستهُ توريله فى أحضانكْ طريق الحب مرسوم له قلم وكتابْ وخطوه بعدها خطوه بقى دكتور ف أحلامه بقى طيار بأشعاره، بقى شاعر، بقى فنانْ عشان قلبك حكى له كتير عن الحريه للأوطانْ وعن ميناوعن رمسيس وعن إبليس إذا جالنا فى توب دوله وحاربناه فى يوم عشره لشهر الصوم وقيدناه وقلت ِ له عن الكلمه؛ وتأثيرها إذا إنقالت طبيعيه؛ تكون دانه على الضلمه؛ تكون طاقه لحريه؛ تكون بستانْ ولو كانت خيال ماشى على الجدرانْ *** أنا هوَّ الولد اللى فضل عايش ف أحلامه ولىَّ شنطه بملاها وأنا مروَّح ْ بدل ماآخد لأولادي كيسين فاكهةْ آخد ليهم كيسين تصقيفْ وييجى الواحد الجاهل يقول لى بكام؟ وإدوك كام؟ إذا نزلت لى فى الجرنان قصيدة عن هوى الأوطان000 وأتعجب! يقول لى ما تكتب الهايف، على مطرب يكون هايف ، يغنى لك، وتتريشْ وأفتكرك وأقول له أصل أنا أمي قالت لى_ من زمان_ يا ابنى مينزلشي سوى نبضك على ورقكْ وأنا طول عمرى ابن أمِّى وأتريق على مفهومه للدنيا ويتريق على تقديرى للأشياء *** أنا يا أمَّه بقيت تايه فقولى لى بحق الطيبه ف عنيكِ مين الغلطان ؟! ومين خَرْفان؟! ومين عايش فى سجن المال بلا سجَّان؟! ولكن يا أمَّه واللهِ برغم التوهه فى العنوان مانيش ندمان مانيش ندمان على حاجه ويكفينى أكون إبنك ويكفينى أكون شاعرْ ويكفينى أكون إنسان ! *** |
|||||
|
|
16-06-2008, 09:09 PM
|
رقم المشاركة : 2 | ||||||
|
مشاركة: مانيش ندمان
اقتباس:
أرحب بقدومك أولا قنديلاً جديدًا ومناره تنير سماء مجلتنا الحببيبه أقلام ثانيا ..مانيش ندمان قصيده جميله شديدة الإنتماء لمصريتك سلسه وراقية المعاني إستطعت الإنتقال فيها بعذوبه من الماضي إلي الحاضر بوصفك الرائع الذي إعتدنا عليه تعرضت أيضا لمعاناة الشعراء الشرفاء وجاء ختامها أروع في قولك.. ويكفي إني أكون إنسان! محبتي وتقديري |
||||||
|
|
|
16-06-2008, 10:44 PM
|
رقم المشاركة : 3 | |||||
|
مشاركة: مانيش ندمان
ويكفينى أكون إبنك |
|||||
|
|
|
17-06-2008, 12:21 PM
|
رقم المشاركة : 4 | ||||||
|
رد: مشاركة: مانيش ندمان
اقتباس:
الرائعة و الأخت الصديقة وفاء أمين شكرا على ترحيبك بى و شكرا لمرورك الطيب و كلماتك الرقيقة دمت رائعة كما أنت بك الوفاء و الأمانة مودتى لعبير حرفك |
||||||
|
|
|
17-06-2008, 12:25 PM
|
رقم المشاركة : 5 | ||||||
|
رد: مشاركة: مانيش ندمان
اقتباس:
شكرا أخى الصديق الشاعر إبراهيم خليل على مرورك الطيب و كلامك شهادة أعتز بها مودتى |
||||||
|
|
|
20-06-2008, 10:33 AM
|
رقم المشاركة : 6 | |||||||
|
رد: مانيش ندمان
تحياتي للشاعر المبدع عاطف الجندي
|
|||||||
|
|
|
24-06-2008, 02:41 PM
|
رقم المشاركة : 7 | ||||||
|
رد: مانيش ندمان
اقتباس:
شكرا لروعة مرورك و يسعدنى وجودك دائما و أنتظره دمت مبدعة كبيرة مودتى |
||||||
|
|
|
29-06-2008, 02:20 PM
|
رقم المشاركة : 8 | |||||
|
رد: مانيش ندمان
بدل ماآخد لأولادي |
|||||
|
|
|
|
|
العرض العادي
