عطر الوقت....!

[د. محمود إسماعيل خليل]

عطر الوقتْ....!

ما بين
سجادة صلا
عـ َجبينها
و نبضْ العروق.....
بينزاح
محراب العشق
حرفين
بـ ِدفتر طفل
غفيان ...
من قبل الدني ما تفوق....
و شفافها
عطر الوقت
ضايع ما بين سطور
تمحي...
و تمحي جوعة الكلمات
اللي دبـّلوا
من رهجة الضّمات
و ترد شمس العمر
بـْ إيدها.... لشروق.....

طالع عـَ بالي
إرسمك بالضــّو
و خايف تإنسى
لون حبــّاتو...!
بريشة كنار
تعتـّقت بالنور
و قوس القزح
ساكن بـِ ريشاتو
و عم تسأليني ..!
كيف شكل بكون..؟
و قلـّك :
متل غمر القمح
بوهج الشمس محروق....!

و طالع عـّ بالي
رش عــَ جفونك
غفا تتنام ..
و يبقى القمر
بردايتك و الليل
يبقى حرام
و تلف خصرك
غابة الزيتون
و أنطر أنا
موسم.... متل مجنون
نتـّف زهر رمان
و اسرق زهر ليمون..
و ضمـّك
متل ما ضمّ
خيط الصـّبح
قدّك الممشوق.....

و جايي عـّ بالي
نسرق جنينة حلم
إنتِ و أنا
و نضيع ليليي
و بتسأليني: وين بدنا ننروح
عتمة الدّني
و بيوت منسيـّة
و حطّك ما بين جوانحي
و نطير...
و إبقى أنا العاشق
و تبقى إنتْ معشوق....

الدكتور محمود إسماعيل خليل

[عيسى عدوي]

الله الله أخي محمود ....هذا سحر وليس شعر ...

تحيتي لك ايها الفنان ...

قصيدة جديرة بالتثبيت

[د. محمود إسماعيل خليل]

الأخ العزيزعيسى عدوي
هذا فقط من ذوقك و إحساسك الرائعين
شرف كبير لي ما كتبت أتمنى أن أبقى قلما ينال إعجابكم
دمتم في حفظ الله و رعايته
مودة

[د. حورية البدري]

دُمت بخير وإبداع جميل د. محمود اسماعيل

تحية وتقدير

[محمد علي الصالح]

دكتور محمود، لك منـّي تحيّة.
أجل وألف منها على هذه الكلمات الساحرة.
قدماً وإلى الأمام.
(أبو إلياس)

[د. محمود إسماعيل خليل]

د حورية البدري
شكرا لمرورك الثر الذي يعطر كلماتي
مودة

[د. محمود إسماعيل خليل]

الغالي أبو الياس
نكبر بوجودك أينما حللت لك الصدر و لنا العتبة
(ترحيب شامي ) يليق بك أيها الكبير
مودة