شعري عن صاحبي

[احمد نور الدين]

القصيدة الفتها عن واحد هو اعز صاحب عندي اسمه عبد الرحمن بس انا بقوله يا عبدو ممكن تقروها وتقولو لي ارائكم فيها
---------------------------------
عبدو يـا صـاحب عمري *** مـاشفت زيـه في يــوم

يـامـا خنقتني وورتنـي *** في عـز الضـهر نجـوم

تخليني اقـوم من ع الـنت *** وانـا لسه مش عـاوز اقوم

او تتصل بيـا ع التـليفون *** تصحيني وانـا في عز النوم

بـاكرهك يـا واد ياعبـدو *** كـرهـي لـمـادة الـعـلـوم

مـادة رذلـة وغلـسـه *** وقـال ايـه كـبـد وبلـعـوم

اوعـى تصدق ياعبـدو *** اني ممـكـن اكـرهـك في يـوم

والله انت عنـدي اعـز *** من كـل البـشر اللي في الكون

وعارف لو تفكر تسيبني *** لازهقك زي ما جيري بيزهق توم

وهاروح وراك في كل حتة *** لو رحت اسوان او حتى الفيوم

او حتى سافرت المريـخ *** هـاجيبك لـو رحـت اخـر الكـون

انا مخي صعيدي ودماغي ناشفة *** واعمل اللي ماعملوش هتلر ولا نابليون

عشان كدا بقولك نصيحه *** ايـاك تفكـر تبعـد عنـي فـي يـوم

ولـو مش عـاجبك كلامي *** عنك بـدل الحيطـة مليـون

اخبط دماغك في اي واحده *** ولو مش عاجبك اعصر على نفسك لمون

دا انـا حيـاتي من غيـرك *** زي السما وهي مليانه غيوم

حيـاة كـلهـا كـآبـة *** وحـزن وزعـل وقـرف وهمـوم

عمرك شفت الاهلي بيلعب *** مـن غيـر فـانلة فودافـون

صوتك دايمـا بيوحشني *** عشان عـامل زي صوت البوم

آسف ماكـانش قصدي *** كـان قصدي صـوت ام كلثـوم

دا انت لـو بعـدت عني *** هتخليني اعيش حياتي مجنون

ولو الزمن فرق بيننا ابقى *** ( كلمني شكرا ) ع الـتليفون

وادعي ربنا انه من تاني *** يجمعنـا دا ربـك حـي قيوم

وهو يقدر انـه يرجعنـا *** دا بس يقول للشئ كن فيكون

ماتنساش كلامي ياعبدو *** وحطه في دماغك الفاضية زي البالون

عبدو يـا صـاحب عمري *** مـاشفت زيـه في يــوم

يـامـا خنقتني وورتنـي *** في عـز الضـهر نجـوم

-------------------------------------

الردوووووووود لو سمحتو

[عبد العظيم هريرة]

هي حلوة وجميلة جدا بحيث تحس فيها نوع من الدعابة والفكاهة والسخرية في نفس الوقت، أفكارها جد معقولة وهي بتصور مدى محبتك لصاحبك ذا، بس والله احترت وين اصنفها إن كان في الشعر العامي فذا خطأ والله والمشرفون المتمرسون أعلم. على كل فهي بالحق جميلة ... على فكرة أنا كتبت على صاحبي بس صاحبي اللي خان الصحوبية وعض الإيد إللي كانت ممدودة لو على طول يمكن تمر عليها هي بعنوان " كنت نحسابك من لخيار"
بالتوفيق يا صاحبي
عبد العظيم هريرة

[أحمد الكردى]

جزاك الله خيرا أخى أحمد نور الدين

وإن شاء الله سننتظر منك المزيد والكثير من النجاح والتوفيق

وان تكون علما من أعلام الشعراء العصريين

أخوك أحمد الكردى

بهديك الحب الصادق

أجمل معانى الحب الصادق من القلب بقولها لإخوانى
إن الحياه ويا الأخوه بتقوى الدنيا بإيمانى

مين فى فرحى ولا حزنى بيحس بيا ويبقى جنبى
إلا صاحبى هوه أغلى الناس عليا ............