لا تروحي

[ممدوح باجعفر]

يا حياتي بسألك باللي عيونه ما تنام
بسألك باللي خلق فينا
مشاعر ما هدت ساعة منام
بسألك .. يا نبض قلبي ..
لا تخليني لحالي ..
ما قويت الدنيا ساعات الظلام
و إنتي شمسي لا رحلتي
صارت دروبي مخيفة
و ضاع عن قلبي السلام ..
لا تروحي و تتركيني ما بين همي و بين ظني
حاير وما لي مقام .. و لا تروحي

كوني جنبي .. كوني قربي
نقسم اللحظه سعاده ونجعل البسمه
فشفايفنا ولاده ..
ما أظن بلقى فبعادك ياهوايا لفرحة
أيامي إعاده
صارحيني وكلميني و ازعلي
بس .. لا تروحي
وإنتي فرحه ما نساها القلب يا عمري وزاده
وإنتي في لوعات شوقه له
غطى و فرش و وساده .. و لاتروحي

الزعل بين الحبايب يا حياتي مختصر ..
زعلت ثواني ..
و للحبايب قلب أبيض مهما كانت من خطايا
تمتسح فيه الخطايا و مو أناني
سامحيني لا خطيت ..
سامحيني لا جفيت ..
وافعلي ما شئتي فيني .. بس رجاءا ..
لا تروحي و تتركيني في شقى وقتي أعاني
يا رجا نفسي و سما أرضي
مزاجي في رحيلك مستلب صدق الأغاني
و الفرح لو ما أشوفك
في زماني ذا نساني
ودمع عيني و الله يا عمري عماني
كنني يعقوب في حزنه
و سواد العين يا عيني جفاني .. و لا تروحي

لا تروحي .. منهو يملى دنيتي بعدك أمان
منهو يعطي باقي إحساسي حنان
لا تروحي .. و تقطفي زهره شبابي
زهرتي قبل الأوان
ودمعتي .. دمعة جمر ما شفتها بعيني زمان

لا تروحي .. معترف بغلطتي و ارجوك
يا عمري سماح
لا تروحي .. و سامحيني ..
من خطيت زادت جراح
و الألم في كل جسمي سايح
و فعله مباح
وكنني مسجون فيني وماني
مطلوق السراح .. و لا تروحي

لا تروحي