هز الهلال ياسيد

[د. فوزى ابودنيا]

زرعت بذرة السكات
نبتت ف ارضك حنضلة
طرحت ثمار الانكسار
احصد بقى
ياشعب ياساكن قبور الصمت
انت اللى سلمت الزمام
ورفضت تمشى للامام
وانت اللى بعت
عوصت ليه المسئلة؟
تعبان انا
جى النهاردة بتشتكى
والدمعه فوق خدك طوفان
وتقولى هات ايدك – غرقان انا
تعالى وشدنى
غرقان يشد فى غرقان..!
انا همى واصل للودان
ياحافرين الارض
حبة صبر
خلو القبر يهضمنى
بلدى انا اللى شاريها
وهى بتضنى
ارفع قيمتها ف كل ارض
وهى بتهينى
اموت فداها شهيد
تنزع قميص الشهادة
وترفض تكفنى
تنهش ف لحمى الديابة
ورفضة تدفنى
وازرع جناين الامل
تطرح محبة
تحصدها منى
تمد ايدها للغريب
وانا تهملنى
متعودين ع الجرح منك ياوطن متعودين
ان قلت حق نقول امين
وان قلت زور بنقول امين
واحنا تملى المخلصين
نرويك عرق
واحنا اللى فيك المظلومين
والمطحونين
والمقهورين
والمعجونين مية نكد
ونعيش الم
ونموت كمد
ناخد بايدك للعلا
وانت تاخدنا لاسفلين
طب يرضى مين؟
طحين المر للغلابة اصبح عجين
واحنا اللى ليه الاكالين
وانت بتشرب دمنا
وانت بتطحن عضمنا
اخلصنا ليك
وانت اللى سافح دمنا
تطرح همومنا زهرنا ف قلب الحياه
انت بتيجى ف بختنا
ورضينا بيك
وانت اللى لم ترضى بنا
احنا اللى ليك
وانت ماكنت يوم لنا
بنمد ايدنا تعضنا
فرعون زمان
جاب القيود
ضفر لنا قيد الوعود
والشعب طيب
راضى يتقيد
قيد وقيد
والكل بيئيد
الكل عزا ف الوطن
وهو بيعيد
(وهز الهلال ياسيد
فرعونا هو السيد)
من يومها راكب ع الكتاف
والشعب نازل فيه هتاف
طوح عصايته الكل خاف
واللى افتكر
يعمل دكر
حطوة ف قلب المعتقل
الكل قام
يهتف بانه اولعوبان
موتور بيدن الادان
ف غير ادان
وبيختصم سيدنا الولى
سيدنا الهمام
الكل اصبح ليه جبان
الكل يجرى ع القدم
الكل بيبوس القدم
يبدو الندم
شفاعه سيدنا المفترى
انا قلبى يصرخ بالقوى
الصوت ترتد يموته
زكانت كل بلوته
انه فيوم قالى وطن
ضهرى انقطم
ماخلاص بقى
انت اللى راضى بالهطل
تسكن وتشرب ف العطن
كل اللى رايح واللى جاى
يقول دا مين ؟
واحيات نبى المرسالين
خجلان وانا بنطق وطن

[إياد حياتله]

يااااااااه
يا فوزي
كلّ ده كاتم في ألبكْ
إحنا برضه هنفهمك
لمّا تفضفض حرقتك
وهنبقى جنبكْ
والأهم
نفضل نحبّكْ

وإسمح لي أن أثبّت هذه الصيحة لعلها تصل

[د. فوزى ابودنيا]

بوركت اخى اياد
ودمت لى نعم الاخ ونعم الصديق

محبتى لك دوما
واشكرك على تفاعلك الجميل

[عيسى عدوي]

رائعة من روائعك أخي فوزي ....لقد غلبني الحزن ..وأنا أقرأ مقدار القهر الذي تحتويه ...ولكن الأمل في الله كبير ..,ويومئذ يفرح المؤمنون ....

[د. فوزى ابودنيا]

المشاركة الأصلية كتبت بواسطة عيسى عدوي

رائعة من روائعك أخي فوزي ....لقد غلبني الحزن ..وأنا أقرأ مقدار القهر الذي تحتويه ...ولكن الأمل في الله كبير ..,ويومئذ يفرح المؤمنون ....

اشكر لك مشاعرك الطيبة وحسك المرهف
واشكر لك مرورك الكريم على احد اعمالى المتواضعة

[سعيد حامد شحاتة]

واحيات نبى المرسالين
خجلان وانا بنطق وطن
_____________
خجلان وأنا بنطق وطن
لا أجيد التعليق فى مثل هذه المواقف
ولكن أجيد التعليق عى قصيدة من أجمل ما قرأت
القصيدة جميلة ومتماسكة وبها فنيات عبقرية

[د. فوزى ابودنيا]

المشاركة الأصلية كتبت بواسطة سعيد حامد شحاتة

واحيات نبى المرسالين
خجلان وانا بنطق وطن
_____________
خجلان وأنا بنطق وطن
لا أجيد التعليق فى مثل هذه المواقف
ولكن أجيد التعليق عى قصيدة من أجمل ما قرأت
القصيدة جميلة ومتماسكة وبها فنيات عبقرية

اتفهم ذلك ولكن الامر ليس بهذه الدرجة بالنسبة لى ولكنها لمن يعيش العمل ويشعرة ومن عبرت عنهم
فالشاعر مراة الناس

تقديرى لمرورك الكريم

[آمال محمود كحيل]

المشاركة الأصلية كتبت بواسطة د. فوزى ابودنيا

متعودين ع الجرح منك ياوطن
متعودين
ان قلت حق نقول امين
وان قلت زور بنقول امين
واحنا تملى المخلصين
نرويك عرق
واحنا اللى فيك المظلومين
والمطحونين
والمقهورين
والمعجونين مية نكد
ونعيش الم
ونموت كمد
ناخد بايدك للعلا
وانت تاخدنا لاسفلين
طب يرضى مين؟
طحين المر للغلابة اصبح عجين
واحنا اللى ليه الاكالين
وانت بتشرب دمنا
وانت بتطحن عضمنا
اخلصنا ليك
وانت اللى سافح دمنا
تطرح همومنا زهرنا ف قلب الحياه
انت بتيجى ف بختنا
ورضينا بيك
وانت اللى لم ترضى بنا
احنا اللى ليك
وانت ماكنت يوم لنا
بنمد ايدنا تعضنا
فرعون زمان
جاب القيود
ضفر لنا قيد الوعود
والشعب طيب
راضى يتقيد
قيد وقيد
والكل بيئيد
الكل عزا ف الوطن
وهو بيعيد
(وهز الهلال ياسيد
فرعونا هو السيد)
من يومها راكب ع الكتاف
والشعب نازل فيه هتاف
طوح عصايته الكل خاف
واللى افتكر
يعمل دكر
حطوة ف قلب المعتقل
الكل قام
يهتف بانه اولعوبان
موتور بيدن الادان
ف غير ادان
وبيختصم سيدنا الولى
سيدنا الهمام
الكل اصبح ليه جبان
الكل يجرى ع القدم
الكل بيبوس القدم
يبدو الندم
شفاعه سيدنا المفترى
انا قلبى يصرخ بالقوى
الصوت ترتد يموته
زكانت كل بلوته
انه فيوم قالى وطن
ضهرى انقطم
ماخلاص بقى
انت اللى راضى بالهطل
تسكن وتشرب ف العطن
كل اللى رايح واللى جاى
يقول دا مين ؟
واحيات نبى المرسالين
خجلان وانا بنطق وطن

ليه يا بلد
نبض الأمان فيكي اتـوأد
والظـلم ســاد بين العبـاد
والوضع ليه فيكي اتقلب
كان الأمــل ، يوم يتعـدل
حالك ، واجيلك من جديد
من غربة القلب اللي داس
فــــوق الجـــراح
وحلف ليــوم حتمًا يعـــود
يزرع في أرضك
جنته ، ورغم الريـــاح
يفرش دروبك بالورود
كان فيه أمل ييجي الصباح
ويشق ليـــل
خيم على الناس والوجــود
آه يا بلد
فيكي ارتأيت حلمي العنيد
بيمـوت ما بين
شكوى وهموم
آه يا بلد
بابكي وانا في إيدي الحديد
وباشــوف ملامحــك
وسط أسراب الغيوم
يا هل ترى
الحلم ليه أصبح بعيــد ؟
يا هل ترى
الحقد ليه يملا القلوب ؟
دمعي اللي سال فوق الخدود
مين سـيِّله غير الألــم ؟
دمــِّي المبعــتر فـي الدروب
كان نزف قلبي اللي انصدم
وناديت بصوتي اللي اتنـبح
ضاع الصدى ف دنيا العدم
آه يا بلد
ليه الضباب غطى الطريق
ليه الأمل أصــبح طريــد ؟
ليه تدبحي القــلب البريء
بالشك وتقيدي اللهـــيب ؟
من وسط أشــباح الظـــلام
بانده يا شوق
مالي الضلوع
رغم القيود ، رغم الدموع
إياك تحس بالانهزام
إياك يموت حلم الرجــوع
آه يا بلد
آه يا بلد
آه يا بلد