مختاراتي من الشعر العامي

[align=right]مختارات لطلال حيدر[/align]

[align=right]قومي اطلعي ع البال

بِغيبتِك نزِل الشتي
قومي طلعي ع البال
في فوق سجادة صلا
والعم بيصّلوا قلال
صوتن متل مصر المرا
وبعلبك الرّجال
ع كتر ما طلع العشب بيناتنا
بيرعى الغزال
وَدّيت مع راعي حماه
يشفلي الطقس شمال
قللي السني جايي هوا
بيوَقّع الخَيّال
ياريت
ما سرجت الفرس
ولا بْعَتْ [/align]هـ المرسال

[إبراهيم محمد شلبي]

حبيب قلبي يا قمر دمشق،

والأجمل بأنّك افتتحتها بـ"طلال حيدر" ملك العامية الرائع بلا منازع.

في انتظار المزيد.

هلا ابراهيم حبيب القلب



نون.. إلى فيروز

مشتاق
إيديّي غمر مفتوح متل النون
معجّل
متل جملة ما فيها سكون
ولا بنهدى
والوقت ما عنده وقت ينطر حدا
يمكن أنا مجنون

هيّ ِ
متل شي خط بريشة قصب
وهوّ ِ
متل حرف العرب
مرفوع بالضمة

منصوب بالفتحة
وبالفتحة هرب

بس يكتروا ببالُه
بيصير واو ونون
وبس يسكن بحاله
بيصير همزه
أو بيصير سكون

قرآن مفتوح بهدا
متل المصلاّية
نقّوا شي سوه هينه
تنبلش قرايه

وعبله على ضهر الفرس
حلوه متل آيه

كل الحروف منكسّه
إلا الألف رايِه
ألله شو حلوه الألف
بس تنحكى حكايه

سبعه لغات العرب
عندي مخباية
ع كتر ما القوس انحنى
صار السهم غايه
هـ الأرض
اسوارة دهب
زينه مضوايه

جبلي بطريقك حلق
إدني.. معرّايه

وصيت صايغ حلب
قللي الحلق جايي
وضاعت
يا مين يلاقيا
وياخد هـ المرايه

[إبراهيم محمد شلبي]

[align=justify]رائعة مختاراتك ربيع، وهي لا شك من درر الشعر العامي، خاصة حين يكون كاتبها طلال حيدر.. لكن لي عندك طلب: حبذا لو ذكرت اسم الشاعر عند كل اقتباس لقصيدة، فليس الجميع يعرف لمن تكون، وطلب آخر، لو أسعفتنا بمعلومات عن الشاعر أيضا ليتعرف عليه من لا يعرفه.

دمت.[/align]

تكرم عيونك خيي برهوم

النص السابق لطلال حيدر كمان

وبظن طلال عني عن التعريف

في شي غلط
كِلْشي غلط يِمْكِنْ
بسِّ الْغلط فوق الغلط خلاّني لاقي الصحّ
خلاّني أعرف ليشْ جِلْجامِشْ سَلَكْ درْبِ الْعَتِم
تَ بْقلبو لاقى الضوّ
إنتي بتعرفيني إذا بدّي لَبَنْ عَصْفور رَحْ لاقي
وقت الْ مَ بدّي موت رح بِبْقى، وْأنا باقي
لكن إذا بلّش حنين الغيم ينساني
وِتْحَرْطَموا مْواجي ع صخْرات الصَّبِرْ
ما ضلّ ع كْمامي عِطِرْ
وقتا رَحِ بْقلِّك خلص
ما عاد بقّى بهالعُمِرْ
إيّام تستاهل غلط


طيِّب إذا إنتي مَ عد بدِّك حدا حدِّك
حتى اللّي كانوا يصابِروا قدِّك.. مَ عَدْ بدِّك
شو بسوّي بِشْروشي لَكَنْ
شو بِعْمُلِ بْكفّي اللي ما لاقت قمِح
شو بعْمُلِ بْدمِّي اللي ما لاقى جرِح
شو بعمل بليلي اللي ما لاقى الصِّبِح
مو باقي إلاّ صوت دعْساتي لآخرْ هالعَتِم
ماشي ع ضوّ نْجوم ذاكرْتي
صفِّط صُوَرْ وِذْنوب ومشاوير
وِعْيون مَ تْشتّي


حزني أنا بهالليل من حزنك
خوفي مِتِل خوفك
نبضي صدى نبضِك
سامع أنين الريح ع بْوابي
شفتي إذا ما تْسَكَّرِ الشِّباك ع الآخر
كيف الهوا بيئِنّ ع طْرافو
متل الولد ياللي انسرق منّو الفرح
صفّي نهر
مالو أرض، مالو سما، مالو حدا
حتى الحضن، بعدو الحضن، بعدو الحضن
يِصْفى صَخِرْ داشر بِهالنهر اللي ما بيعرف مدى



علي الرقماني
شاعر سوري مقيم بالبرازيل
عيونو خضر

[إبراهيم محمد شلبي]

المشاركة الأصلية كتبت بواسطة قمر دمشق

علي الرقماني
شاعر سوري مقيم بالبرازيل
عيونو خضر

هههههههه
هاد اللي طلع معك ربيع!!!
يحرق حريشك!

[عماد رجب]

استمتعتم فامتعتمونا
جزاكم الله خيرا على هذه الاختيارات الرائعة

[صباح حسني]

قمر دمشق
اختيارات موفقه جدا تنم عن ذائقة ادبية راقية
جميل ان تمد منتدى الشعر العامي بهذه المختارات لشعراء بهذا الجمال
لك تحيات منتدى الشعر العامي ونتمنى المزيد وحبذا لو قمت بوضع نبذة عن الشاعر لو ممكن كما نوه الاخ ابراهيم لذلك

شكرا لإختيارتك المتميزه

تحياتي

صباح حسني

[د. حورية البدري]

وما نحن إلا بعض اختيارات
تدُل علينا
إضاءات تحدّد شكل ملامح أرواحنا
؛؛؛

جميلة هذه الاختيارات الأخ الفاضل قمر دمشق

دمت بخير

تحياتي

[ابراهيم خليل ابراهيم]

أختيار موفق
تحياتى
و
تقديرى