ولسة عايقة يام احمد
ولسة عاشقة للفارس
ولد خيال لكن حارس
............وشكله بديع
...........واسمه ربيع
ولسه راخية ف القُصة
.............على القورة
مداين زينه ف الصورة
وليكى ف الزمن قصة
ومليون درس ف الحصة
تملى كنتى منصورة
ومهما ان كنتى مقهورة
ماشفتك مرة مكسورة
عنيكى النور على بنور
.............مدن وقصور
..............داير مايدور
...........قلاع وحصون
وجوه منها كان ساكن
...............ولد خيال
.............وشكله بديع
............واسمة ربيع
ولسة وشك الباهى
......... قمر زاهى
كما لون الحليب الابيض
بخيرة مش لبن رايب
............وانا الدايب
ف حنية سما عنيكى
ساعة ما الفجر
........مايقرب
ويحلب نورة ف ايديكى
ولمسة ايدك الدفيانة
والمليانة حنية
صباح النور
ياضى الحب ف عنيا
.............ياحلم بديع
...............يام ربيع
وشمس الصبح ف عنيكى
................امل وزهور
..................وطاقة نور
سنابل قمح دهبية
وخيرها كلها ليا
وضحكة صافية ع الشفة
وقلب برىء
ف وقت الضيق
بيبدر حزننا افراح
ليالى ملاح
يداوى جراح
بكت من نزفها الدنيا
............يافرح بديع
...............يام ربيع
ياقلب الحب ياصافى
يابدرالطيبة ف اوصافى
انا المفتون امل دافى
شايل حملك على كتافى
................ولا كافى
وعايز ميت جبل وافى
يشيلو الحمل من تقله
اللى مايقدر عليه شيال
ياقلعة الياس من جدره
يارضعه الصبر من صدره
ياقلب الخوخه والرمان
ياصدر حنان
................وقلب بديع
................. يام ربيع
04-03-2007, 09:49 PM
ام ربيع
المواضيع المتشابهه
العرض العادي
