ساعة قلق
حاسس بعمره الغالى بالغصب اتسرق
آمن بأن ف ضلمته
ف دقيقه ممكن يتخنق
لمح الشعاع ..فجأة اندفع
للنور وناسى ف نشوته
أن الفراش لو يوم وصل
نور الحقيقه ..حايتحرق
* * *
لما انحصر بيا الطوفان
ووصلت بالناس البريئة الطيبة
لجودى الامان
حكم الزمان
ما أشوفش فوق ضهر السفينه
ألا الفيران
* * *
كسرت سكوت ساعة الوداع
بتقوله خايفة هناك..تموت
مسكينة مش فاهمة انها
كات واقفة بتودع تابوت
* * *
انا الدمعة اللى تتمنى ف لحظة تموت
وتخرج من عيون قاسية
ف ليه تسألنى ع الأيام
برغم مرورها بالعافية
و لو راح تنسى مره انا مين
انا خيبة أمل ماشيه
03-05-2007, 03:32 PM
فتافيت قصايد
العرض العادي
