هُمَه ليه ما بيستحوش

[سيد يوسف مرسي]

همه ليه ما بيستحوش
همه ليه مبيخشوش
همه ليه من غير وشوش
دا الكلاب عادتها تنبح
خلوا ايه من الأسطى بوش
التعيس يضحك بسنه
والسعيد تلاقيه بشوش
البحر واسع فوق ماترقب
فيه حيتان وفيه قروش
هو أحنا لما نسكت
الدجاج يصبح وحوش
والفيران تعمل أسوده
والقرود تعمل رتوش
وانت جاي تقولي حاسب
والعمر عدى في الفشوش
دا لقرود صارت خلايق
والكلاب 🐕عملت وشوش 😤
واللي عاش فالدنيا عاري
وعيشته كانت في العشوش
بات بيسكن في العلالي
وصار خبير في النفوس
واللي بقه كان فواضي
جاي يقولك متخفوش
همه ليه مبيستحوش
الحريم نازله تكايد
والرجال تنتف وشوش
واللي شبع بعد جوعه
بات خبير وف الكروش
وعجبي .....
بقلمي سيد يوسف مرسي الجهني

[أحمد فؤاد صوفي]

عزيزي ،،
هذه حال الدنيا الآن ،،
أحسنتم ،،
تحياتي ،،