،، أنا مش آسف لحد..// أحلام المصري ،،

[أحلام المصري]

،، أنا مش آسف لحد..// أحلام المصري ،،


،
أنا مش آسف لحد باعني،
وانتظر إني أشتريه..
ولا آسف للي خدعني،
وما سألش نفسه ليه!

أنا مش آسف للي ظلمني،
وكان الحق عليه..
ولا آسف يوم لحد،
غلط فيّا وما جيتش عليه

أنا مش آسف للبيّاع،
اللي تغُرّه الألوان..
ولا آسف للخدّاع..
أبو مليون وش وجبان..

أنا مش آسف لكتير الكلام،
اللي بيهذي دايما بأوهام..
واللي سكت على ظلمي
وما شالش في يوم همي..

أنا مش آسف لحد..

[أحلام المصري]

افتكرت أصلي كنت ناسي،
آسف أنا لأهلي وناسي،
لما ما سمعتش كلامهم،
وعملت نفسي للنصح ناسي....

[أحلام المصري]

أنا مش آسف على كلمة
قلتها بسلم نية..
ومش آسف على غنوة
غناها الحب ليا..
لكني آسف ومش بشدة
ع اللي خاني وغدر بيا

[أحلام المصري]

أنا مش آسف لحد!
ولا آسف في يوم على حد..
بس آسف لضحكتي البريئة
اللي كانت ف قلبي حقيقة
وكانوا همة كدابين!

[أحلام المصري]

أنا آسف بس لنفسي..
يا ما قاتلني يأسي
بس صابر رغم الهموم
وكلها ضغطة تلضم يومي بأمسي

[أحلام المصري]

ولا آسف لصاحب مالوش أمان..
باعني ألف مرة، وياما خان..
أنا عمري ما أكون آسف،
لخاين الأمانة وبياع الاوطان

[أحلام المصري]

أنا مش آسفة على مواعيد كدابة،
لقلوب كانت تعشق ، ودايبة صبابة..
خدها الزمان وعاد، بقت قلوب قلابة
أنا مش آسفة لدنيا.. ملتها الديابة

[أحلام المصري]

أنا آسفة لنفسي وبس،
وكتير م العمر الضايع..
بتاخدني لحظة يأس،
دا الرايح عمره ما راجع