قولى لـ سعد

[إكرامي قورة]

قولى لـ سعد



سابوا الحمار يجرى لجهاتنا الأربعة
واتشطروا ع البردعة !
هيه كده
فيه ناس نصيبها الزغزغة وْ
فيه ناس تصيبها الزعزعة !!
وف وسط وسط المعمعة
خايف عليكِ يا منال
نخلك بِموت والبخت مالْ
خايف يميل الزير ومانلقاش نواية تسنده
حتى ولا ربطة عقال !
واقفة على سكة أمل
بتكفنى بشالك على خد الطريق مليون سؤال
إمتى يجيكِ النصر ؟ والرؤية معادها فات
ولا هلش على عيونك هلال !
آه يا منال ...
يا ام العيون فيها التاريخ نايم ف تعسيلة
بدون حيلة
يبكى على ست المحاسن والجمال
واقفة وكلاب الأرض تنهش لحم عزّك
نبض قلبك ينجرح ينزف يهزّك
والسكوت ف عيون ولادك
يترسم ف الضلمة شيخ
بيهز عمة ضعفنا ويقول : حلال !!!
....
آه يا منال
والكل نال منك نصيب
بيزيد على وصف الخيال
والمشكلة تلقى خيوطها ف جملتين :
" مين خاف سلم "
" واللى اختشوا ماتوا " ... وخلاص
ولأننا .. ما نخافش لكن نختشى
بنموت كمد
لكنهم .. جُبَنا .. يخافوا ما يختشوش
كاتمين على نفس العباد زى الوحوش
قتلوا ولادك يا منال
ولا قامش واحد م الرجال
علشان يحوش
الكل خايف إن شمس الحرب تلسع سِحنته
يسقط قناع الجعجعة عن خلقته
يصغر .. يبوووش
يصرخ يا بوووش !!
ولا يسمعوش
كل الوشوش نظرات تنافق بعضها علشان ريال !!
مش قلت لك : نخلك بِموت والبخت مال
والترس دار
وف كل لفة يدور ف دار
ويعود إليكِ ف لفته
قولى لـ"سعد" يفوت بجلده
" سعيد" ف جلده بموت ولا حدش بيسمع صرخته
قولى لـ" سعد"
"الثور"أبو "أبيض" كالوه
لما لقوه واقف لوحده ف دخلته
يا حسرته
اللى يشوف موت الصديق ولا يتعظ من خرجته
يا حسرته ..
يا حسرته ..

[د. حورية البدري]

آه م الألم
لو يتنسَج في طريقنا نار
والحُر قلبُه يِنعِصِرْ
خوف م البَوارْ
والبوم بيِحرَق في الحمامْ
وبيِطْلِقُه
يِتْحَوِّل الوطن الأصيل
إلى مَحْرَقَه ! ..
...
كان نِفسي أقول للصُبْحْ شقشق بالأمَل
لكني رايحه لاجتماع
وح اشوف وشوش البوم في عِز الضُهْر
وصكوك المُبايعَه
واللي باع
وامّا أعود
وأصَلِّي فرضْ الضُهر ح ادعي ربِّنا
وأطوف ببيت الله بقلبي
وانتظر
ساعِة مقاومه إيجابيه
تِتْجَمَّع الأُمَّه عليه
يَد واحده
وتحقق الحِلْم اللي أصبح من تشتتنا خيال

**

تحية مباركة د. إكرامي

دمت مُبدِعاً مُبارَكاً

[عيسى عدوي]

[frame="7 80"]المشكله لا سعد ينفع او سعيد
الأتنين عبيد
لازم تشوفلك حد تاني من بعيد
يمكن يفيد

أو إنك انت تتولد هنا من جديد
والله أعلم إن ميلادك قريب
واليوم ده قرب
أنا شايفه والله مش بعيد
وحيبقى عيد
يوم ما العبيد الي ف بلادنا ينتهوا
والنخل يطلع من جديد ...
شماريخ حديد[/frame]

[إكرامي قورة]

المشاركة الأصلية كتبت بواسطة د. حورية البدري

آه م الألم
لو يتنسَج في طريقنا نار
والحُر قلبُه يِنعِصِرْ
خوف م البَوارْ
والبوم بيِحرَق في الحمامْ
وبيِطْلِقُه
يِتْحَوِّل الوطن الأصيل
إلى مَحْرَقَه ! ..
...
كان نِفسي أقول للصُبْحْ شقشق بالأمَل
لكني رايحه لاجتماع
وح اشوف وشوش البوم في عِز الضُهْر
وصكوك المُبايعَه
واللي باع
وامّا أعود
وأصَلِّي فرضْ الضُهر ح ادعي ربِّنا
وأطوف ببيت الله بقلبي
وانتظر
ساعِة مقاومه إيجابيه
تِتْجَمَّع الأُمَّه عليه
يَد واحده
وتحقق الحِلْم اللي أصبح من تشتتنا خيال

**

تحية مباركة د. إكرامي

دمت مُبدِعاً مُبارَكاً

الحلم لا يمكن يضيع
حتى لو الوطن الأصيل بقه محرقة
قولي لصبحك بالأمل علّي موسيقى الشقشقة
بكرة الحصان اللي صبح فينا خروف
يرفض يعيش المأمأة
ويعود لمضمار السباق
ويسيب عنانه للمدى
ويدوس على أرض العدا
فيعود حمامنا للسما
يفرد جناحه بالهدى
وتقول حروفنا كلمة الحق اللي ضاعت بين كلام التأتأة
الحلم بالوحدة هيتحقق ونخرج للحياة
حتى ولو طبقت إيدهم فوق جدار الشرنقة


..........

تقديري لمرورك د. حورية
وتحياتي لك ولحرفك الرائع أيتها الأديبة الفاضلة

[زاهية بنت البحر]

[poem=font="Traditional Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
كلام جميل زي العسل=يشفي الكريم اللي انخذل
لكن بقي إيه العمل=الناس تحب التأتأة؟[/poem]

[إكرامي قورة]

المشاركة الأصلية كتبت بواسطة عيسى عدوي

[frame="7 80"]المشكله لا سعد ينفع او سعيد
الأتنين عبيد
لازم تشوفلك حد تاني من بعيد
يمكن يفيد

أو إنك انت تتولد هنا من جديد
والله أعلم إن ميلادك قريب
واليوم ده قرب
أنا شايفه والله مش بعيد
وحيبقى عيد
يوم ما العبيد الي ف بلادنا ينتهوا
والنخل يطلع من جديد ...
شماريخ حديد[/frame]

كان نِفسي سعد يفوق وبس
أو حتى باللي صاب سعيد جاره يحس
الترس داير ع العرب والمسلمين
في كلّ فجر بيتولد مسلم حزين
بيروت مزلزلها الدمار
والقدس عايشة العمر نار
والأمس بغداد اتكوت
وعمى عنيها الدمع من طول الحصار
طب بكرة مين ؟؟
كل العرب مستنين
عارفين بإن الدور هييجي بعد حين
كل الشموس واقفة بتستنى الأفول
بس الأمل هيعيش ويتحقق ولو
متنا ضحايا بكف غول

.....

تحياتي لروعتك أبا تامر وفي انتظار عودتك الكريمة

[إكرامي قورة]

المشاركة الأصلية كتبت بواسطة زاهية

[poem=font="Traditional Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
كلام جميل زي العسل=يشفي الكريم اللي انخذل
لكن بقي إيه العمل=الناس تحب التأتأة؟[/poem]

[poem=font="Traditional Arabic,6,red,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بكره اللي نايم راح يفوق=والشمس تضحك للشروق
و مزاج عصافيرنا يروق= وتعود لأحلى زقزقة[/poem]

تقدير أخيك

[د. حورية البدري]

بِنْمِدْ إيدنا لِلأمَلْ لَمّا يِلوحْ
يا هَلْ تَرَى
راحْ تِنْدِمِلْ في قلب أُمِّتنا الجروح ؟

يا هَلْ تَرَى فيه يوم ح يغلِب نورُه بَغي الظالِمين
والمُعتَدين راح يِصبَحوا كما أَبْرَهه
والصالحين نورهم يِبان ؟
وتعود أمانينا بثِقه
تِرفع أدان
يا هَلْ تَرَى المسلمين ح يْوَحِّدوا صَف المعارِك للعَدو
راح يِرهبوه بالعروة الوثقى وتماسكهم كما أمَر الإله ؟

" الله أكبر فوق كَيد المُعتَدين "
والله أقدَر م البغاة المُفسدين
يا رب ثبِّتنا على الحق المُبين
وَحّد صفوف المسلمين
وارْهِب عَدوّ الدين بسيف المؤمنين
واهلِك بفضلَك كل أعداء الحياه

**
دمت أخي الفاضل د. إكرامي بخير وسلامة وإبداع جميل

تحياتي

[عيسى عدوي]

المشاركة الأصلية كتبت بواسطة إكرامي قورة

كان نِفسي سعد يفوق وبس
أو حتى باللي صاب سعيد جاره يحس
الترس داير ع العرب والمسلمين
في كلّ فجر بيتولد مسلم حزين
بيروت مزلزلها الدمار
والقدس عايشة العمر نار
والأمس بغداد اتكوت
وعمى عنيها الدمع من طول الحصار
طب بكرة مين ؟؟
كل العرب مستنين
عارفين بإن الدور هييجي بعد حين
كل الشموس واقفة بتستنى الأفول
بس الأمل هيعيش ويتحقق ولو
متنا ضحايا بكف غول

.....

تحياتي لروعتك أبا تامر وفي انتظار عودتك الكريمة

لوإن سعد يفوق لنفسه
وينتبه م الخداعين
يعرف مصالحه مش معونه
ومعكرونه وكيس طحين
عمر الخواجا ما دفع قرش بسلامته
غير ما ياخد شيء ثمين
وأثمن ما في أيدينا الوطن
والعرض واحنا مسلمين
جانا الخواجا ينفرد بالمخدوعين
ويقسم الأرض اللي لينا ..لمين ومين
وأحنا يا عيني في العسل متلقحين
فاكرين مدام الست كوندي تبتسم لينا بحنين
إحنا القرايب والحبايب والولاد الطيبين
ناسيين مرارة حقدهم ع المظلومين
ناسيين فعايل جندهم في كل حته من بلاد المسلمين
يا رب نظف أرضنا من كل حاكم
خان ضميره وباع بلاده والأمل والمحرومين
قولوا آمين

[د. حورية البدري]

وان غِبْت ؛ مينْ ح يقول لِسَعد

الكلمه توصَل .. رَغمْ بُعْد

وتقول لأسعاد العرب

يفتكروا يوم كُنّا في سعد

&

تحياتي أخي الفاضل د. إكرامي