مساكين

[د. جمال مرسي]

مساكين

شعر د. جمال مرسي

جاءت هذه القصيدة ردا على قصيدة للشاعر الفلسطيني لطفي زغلول

[frame="2 80"]يا ويلهم ويل
كلاب صهيون
و أطول ديل
بيزحف خلف مستر بوش
و خايف من حبش رومي بريش منفوش
يقوله يمين
يقول حاضر
يقوله شمال
مهوش ناكر
و مش فاكر
غير التبن اللي يملا كروش
و خايف لو يضيع كرسِي
و ياخد بالعصا دايما يقول "ميرسي"
يا ويلهم ويل
و كل شيطان
يبيع غزة وْ ربوع لبنان
و يقبض بالدولار اجرة فقير غلبان
و لون الدم ما يهمه
و لا لاقِي اللي بيلمه
كما الخفاش بيعشق عيشة الضلمه
في كل مكان .
يا ويلهم ويل
نهارهم من جحيم قانا هيصبح ليل
و ليلهم مش طالع له نجوم
كفاية إن عينهم يوم ما داقت نوم
صواريخ البطولة تطيرْ
عشان تهدم صياصيهم
و تصبغ لون لياليهم
بدم و نار
و ترهبهم .
يناموا في مخابئهم
كما الفيران
و تفضل شامخة أمتنا فْـ ربوع غزة وْ
رُبا لبنان
[/frame]

[زاهية بنت البحر]

[poem=font="Traditional Arabic,6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
العم بوش ماتخالفوهوش=وان قال كلام ماتكذِّبوهوش
لحسن ياعيني يغضب علينا=وفي أي لحظة يهجم علينا
بيقتل ولايا مالهومش ذنب=بيسجن برايا مايخافش الرب
والناس وراه تطمع بقربو=ومافيش بلاد تقدر تحاربو
ده العم بوش معاه وحوش =تمص دمك زي القروش

[/poem]

بارك الله فيك أخي الكريم
شاعرنا الكبير د.جمال مرسي
نطقت بالحق أدعو الله أن
ينتقم من الظالمين
إنه يمهل ولايهمل

دمت بخير
أختك
بنت البحر

[د. حورية البدري]

يا ويلهم .. ويل ..
طيور الضلمه وكلابها
ديابه ما بيننا خَوَّانَه
لا تعرف نور لحَق وصدق
ولا مِلَّه ولا ديانه

كلاب تسرق أمان روحنا
للحظه
وبعد لحظه نفوق
نبُصْ لفوق
ومن أمل الإيمان يبزغ في غزّه شروق
وفي الرَملَه
وفي الجولان
وفي عكا
وجنوب لبنان
وفي بغداد
نهار حتماً يعود
والليل يموت والبوم

***

تحياتي د. جمال مرسي

دمت بخير