حشيش أردني..!

[قاسم المومني]

المشاركة الأصلية كتبت بواسطة سميرة جوهر

النسور رفع نسبة خفة الدم عند الاردنيين..!!
وهذا المتصفح أكبر دليل..






يا ترى لو حكينا تضحك بلا اسنان !! بنكون بندعي عليه ولا بندعيله ..
لأنه في النهاية الكل رح يصفي بكبره بلا اسنان بس يمكن بكون وصل لمرحله من الكآبه انه مايضحك
فلما ندعيله بالضحك بهيك مرحله بنكون عم ندعيله بالسعاده الأبديه .. صح؟

مزبوط صحيح 100%صح
أنا ونا زغنون كنت مجنّن أمي الله يحفظها . كنت أقلّد -زي باقي ولاد الحارة- كنا نقلد ستيف أوستن وطرزان وسوبرمان، ومفيش غير الخزانة نطلع نقفز مظليين منها ..فكانت تدعي علي مثلاً : أقعد الله لا يقعدك..يحرق يهودك يا مقصوف الرقبة، ريتك تكبر !
اليهود إلهم المسبّات وأنا الي الدعوات الصالحات ..بيستاهلو أصلاً، حدا قلهم يظلّو كلاب ويحتلو فلسطين غيرنا !
فنعم طبعاً ..يضحك بلا اسنان هي دعوة لطول العمر بالرفاه والبنين !
بنتي الزغيرة بتدعي على أخوها نفس الدعوة بتفكرها مسبّة !
معصبة : "تضحك بلا سنان"
..بيحكيلها : "اسكتي وله"
..بتحكيله : "وبلا لسان كمان هِه !"
..وهنا لم اتمالك حالي من فقع ضحكة مجلجلة ..جديدة هاي بلا لسان !
النسور افندي الله يهديه ويريحنا منه بيذكرني بالمثل : "تجوزنا تا نِنسَتِر، سَقاالله ع أيا الفضيحة" !
لو ظل سمير وريث زيد وريث آل رفاعة اللهطاوي كان أرحم من ابو زهير الله يسعده ويبعده !
هو الواحد يحكي الصحيح، هاي اذني وهاي اذني، يعني بدهم يخترلعونا رئيس وزرا لطيف مع مديونية و مال سايب يا عفيف!
إضاءات رؤساء الوزارات تكاد تكون شكلية في أقصى مثاليتها عند وصفي و هزاع وسعد جمعه وشرف وعبيدات .. الباقيين على عينك يا هلا يا عين أبونا يا قمحنا يا خبزنا ..الخ !
يعني شو الفرق بين دياجير الستينات والسبعينات وبين هلائيات ؟
نت ثِنق !
جصت إنو بالأول متخوزقين وساكتين، وهسا متخوزقين وبنسولف وبنضحك !
يا لطيف..
شذينا عن تحريك النيع بالإبتسامة..مالنا وللحكام ورأس الفتنة والدولة !
شذينا عن الموضوع
أنا بحب أشكر الإتحاد الشركسي والسادة أعضاء المجالس النقابية الجداد الّي مش عارفين من أين تؤكل الكتف !
أكلتني البراغيث ع رأي أستاذ اللغة العربية ..
مسا الخيرات

[قاسم المومني]

[قاسم المومني]

"الموناليزيا الحالقِه" .. رؤية أردنية

[قاسم المومني]

بتصير برضو ..الله يرضى عليهن

[قاسم المومني]

وفطاحِل انجليزي تارينا الأردنيين !
تعليقات الأردنيين على صفحة لاعب الاوروغواي لويس سواريز... احنا شعب روحه رياضية جدا

[قاسم المومني]

حبنا نظيف ع فِكره !

[سميرة جوهر]

يا ترى زاكية قلاية الفراولة..؟؟

[راحيل الأيسر]

أنا لو صحيت قبل المنبه بدقائق
ما بتحرك من السرير قبل ما يرن
معلش النظام نظام :d :d

كفووووو كفووووو والله يالذيبة .. إي والله صدقت يا بنت الأجواد ويش هي الدنيا فوضى ولا فوضى ..
طب وهالمنبه المسيكين شو ذنبه لو حسسناه إنه ماله أي دووور بالحياة ، ليش نقطع برزقته يا ناس ؟

لو صحينا فرضا من قبل بنغمض عين ونفتح التانية نراقب المنبه عشان لو زعععععععععععععق ترن تررررن نعمل متفاجئين ونصحى ، نحسسه إنه أنجز شي استحال على فطالحة العيلة من أب وأخ وأخت إنه ينجزووووه ، حرااااام نكسر بخاطره .. مالمنبه كمان في النهاية كائن غير حي عنده أوتار وبكرات
يطنطن ويتحرك وقد تتقطع أوتاره ولا أحد من سريره يتحرك ..


مش كفاية هالمنبه المسكين كل يوم نعير فيه ونستهبل عليه وهو مطول باله علينا ، ولا عمره خجلنا واحنا بنعيره وقال لنا ، امش امش يا كداااااب يا منافق .. هادا وجهي لو صحيت ..



:

- شو بتدرس
:- هندسة ميكانيك
:- ههههههههههههههههههه ، يعني عامل في ورشة =))

بطريقة أخرى ( طريقة متحضرة )



:- شو بتدرس
:- mechanical engineering
:- وااااااااو شكلها صعبة

شو إسمك ؟
: مريم

: إي تمام متل اسم جدتي .

شو إسمك ؟

: ميريام

: أوووووه كثير نايس هالاسم ، شكلك كيوت واسمك بيجنن ..

[راحيل الأيسر]

المشاركة الأصلية كتبت بواسطة قاسم المومني

آمين..وبارك الله فيك وجزاكِ خيراً
والله يا أخت رانيا ما بعرف كيف يعني ..هيك اجت معي !
تربية وتعليم وعطلة ومستبعد تكوني زغنوطة بالمدرسة .. فاستنتجت -بذكائي الخارق- إنك معلّمة، كل يوم والثاني فطور جماعي .. قد ما بيفطرن سوا هالمعلمات !
..يلا ما بعّدنا كثير..بالتعليم العالي، إن شاء الله تتخرجي وتزيدي بالعلالي .
وبالنسبة للعطلة فإحنا ويا سلام على كلمة إحنا الأردنيين بدنا عطلة قبل العطلة نستعد فيها للعطلة وعطلة بعد العطلة نرتاح فيها من العطلة !
خيط حرير على حيط خليل
أو : خشبات الحبس خمس خشبات
احكوها 10 مرات وتعالوا يوم الثلاثا خذو صورة للأشعة !

رانيا الشاعرة الجميلة كتبت هون بالمنتدى مرة إنها من مواليد 1993 .. قبل خمس سنين كان عندها 15 سنة الله يبارك بعمرها ويقر عين والديها بيها .. وبحسبة بسيطة لو حسبنا السنة اللي فيها 12 شهر والشهر اللي فيه 4 اسابيع والاسبوع اللي فيه 7 أيام واليوم اللي فيه 24 ساعة والساعة اللي فيها 60 دقيقة والدقيقة اللي فيها 60 ثانية والثانية اللي فيها بييسي ولا ما بعرف ميرندا أو فيمتو كما يقول الزويل لاستنتجنا أنها الآن 107 سنوات بالكمال والتمام الله يعطيك طولة العمر تيتا رانيا وهاي عكازتك بلا ما تتعبي حالك ..

ونا كنت انولدت زمان في أواخر أيام سنة 86 م بس يبدو البيانات قدمت ولما عملنا فرمتة وتحديث اتضح اني مواليد 1999 يااااي قديشني حلوة قمورة صغننة فديتني والله أصغر البنات بهالمنتدى ..


أصلا من غير هيك كمان لو قمنا بعملية حسبة بسيطة جدا قبل خمس سنين كان عمري 22 سنة
اطرح 14 عدد سنوات الما بعرفشي شو من 22
ثم اقسم 107 عمر الما بعرفشي مين من 45 ثمن الـــ( ويش هو ) من 37 عدد دقات قلب الضفدع في الثانية ثم طلع الجذر التربيعي للعدد 60 وطبق نظرية فيثاغورس ومحيط الدائرة ستكتشف تلقائيا مع حسبة بسيطة إني 14 سنة بالتمام والكمال

وعلى هذا فالمعلقة الطللية التي كتبتها يوما ثم تناقلتها فطالحة الشعر من بعدي والتي أقول فيها وبلا فخر ( أنا بنت صغننه ، حلوة مزركشة ، تحب الفرفشة ، تشيل شنطتها تروح المدرسة ، وتحبكم ومنتداكم وفقرات الهشتكة ، ولولا ظروفي لكنت معاكم آخر نعنشة ، مساكم شكشكة خخخ )

كانت نابعة من صميم تجربة بشرية خاضتها صبية قمورة فوقعت من السامعين موقعا صادقا خلده التاريخ ..


إيييييييييييه شو أعمل إذا الله خالقني سبع مواهب من ضمنها وليس آخرها الشعر ..

[قاسم المومني]

المشاركة الأصلية كتبت بواسطة سميرة جوهر

:d يا ترى زاكية قلاية الفراولة..؟؟

زاكية كثير، لكن بدل الزيت مي، وبدل الملح سكّر، وبدل الفلفل والتوابل، ماء ورد..وساعة زمن ع النار، بتعقد..وتطلي !

[قاسم المومني]

المشاركة الأصلية كتبت بواسطة راحيل الأيسر

كفووووو كفووووو والله يالذيبة ..

ذيبه !

[قاسم المومني]

المشاركة الأصلية كتبت بواسطة راحيل الأيسر

قبل خمس سنين كان عمري 22 سنة
اطرح 14 عدد سنوات الما بعرفشي شو من 22
ثم اقسم 107 عمر الما بعرفشي مين من 45 ثمن الـــ( ويش هو ) من 37 عدد دقات قلب الضفدع في الثانية ثم طلع الجذر التربيعي للعدد 60 وطبق نظرية فيثاغورس ومحيط الدائرة ستكتشف تلقائيا مع حسبة بسيطة إني 14 سنة بالتمام والكمال

..