يوم النسوان العالمي ..

[عبدالكريم قاسم]

اخواتي واخوتي الاعزاء
المطلوب تكملة الحوار بين عفيفة ومرزوق .... شاركونا لنخرج اجمل حوار وليكن ترفيهيا بامتياز لا نريده جديا ابدا
تنادي مكبرات الصوت (على النساء التجمع في مقر البلدية اليوم بمناسبة يوم المرأة العالمي ) هناك ندوة لجعل المرأة الريفية تطالب بحقها المستباح


سمعت عفيفة هذا النبأ وما كذبت خبر
-وين يا عفيفة
-رايح على البلدية
-شو بدك تعملي؟
- بدي احضر ندوة عن المرأة
-الله يستر من هاليوم بدون ندوات مش خالصين .كيف لما بندوات
راحت عفيفة وجلست مع هالنسوان وصارت الخطيبة تلقي بيانات التحريض على الرجال وتنصت عفيفة لكل هذاالتحريض
فقد مالت الخطيبة بالحديث الى ان الرجال استعبدوا المرأة . وعفيفة تسمع بشغف وتتوعد مرزوق صاحب المائة رأس من الغنم . فهي تحلب وتطعم وتنظف... طبعا ليست وحدها بل كل من في البيت يساعدون ولكن بادارتها
انتهت المهمة وعادت عفيفة الى البيت
-اهلا يا مرة.. الله يسعد هالطلة ..( عفيفة مكشرة ومبرطمة ومادة بوزها شبرين )
_.باين عليك مو مبسوطة من الاجتماع
- مين حكالك ؟؟ انا اليوم عرفت كيف لازم اعيش .. يقطع هالعيشة كلها تعب وشقا
- له له له طول هالوقت وانت ما بتعرفي كيف تعيشي ؟؟ روحي سويلنا كاستين شاي
- شو بتحكي؟؟ والله ما بعملك سم الهاري يهري معدتك .
- شو بتحكي يا مرة يخرب بيت اهلك هيك علموك قلة الادب . ول ول ول كلها ساعة الي غبتيها ورجعت مقلوبة وعقلها مفتول .
- بلا مقلوبة بلا مفتول بلا عدس بلا رز باللبن . من اليوم وطالع ما بشتغل هيك شغل ولا عندي استعداد اضل بين الغنم والحليب ..
*اخزي ابليس يا مرة وقومي اعملي كاستين شاي وتعالي نتخرف ..
_ اي شاي يخوي .. كان اول امبارح اليوم يوم النسوان العالمي وأنا بدي حقوقي ..
_ شو حقوق هاي .. شو هاض ؟؟ انت ناوية على تكسير راس ..

- ترى والله اذا بتمد ايدك لاسجنك وخليك تعفن بالحبوس . شو بتفكر ؟؟؟ النسوان اليوم غير عن زمان
احنا معنا كل المنظمات الدولية وتاعت حقوق المرأة الي بتقص خبر الزلام ....ها لعاد ......الله يرحم ايام ما كان ابوك يخلعك امك كف وتدشع اتبوس ايده ...
- اف اف اف ساعة الي غابتها هالمرة ورجعت تحكي نحوي ,,, حقوق وما حقوق ومنظمات ..
_طبعا مش عاجبك كلامي بدك اياني اضل مغمضه عشان أضل أشتغلك ولغنماتك ولك انت كاين تعرف حقوقي ومخبي علي؟؟؟
_حقوق شو آه آه بعرف انه من حقك تخدميني طول اليوم غيره في حقوق تانيه
_يا كشيلها عفيفه..هاض اللي فالح فيه...انت مش عارف انه من حقي أتعلم وأصير أعرف أكتب وأقرا
وأصير أفوت ع النت..
_وشو هاض النت يا حبيبي أكلنا هوا ..لايكون هاض مسلسل تركي لمهند
-اي مهند .. يا عيني عليه قديشه مهضوم ورومنسي ..

_شو شو وكمان ، عم تتغزلي فيه قدامي ، يخرب بيتك وبيت اللي جابوك ، هلأ هيك ربوك اهلك ..

_ اسم الله عليك حبيبي ،ما إنت رايح جاي تتغزل في مقصوفة العمر ( لميس ) وبتدوب بتسبيلة عيون ( نور ) .. هلأ لما أنا حكيك خربت الدنيا وصاروا أهلي ما عرفوا يربوا ..

_ اخزي الشيطان يامراة واخرسي ، خلي يومك يعدي ع خير ..
_ بالللا شو .. شو يعني، شو طالع بإيدك تعمل لو ما سكتت ؟؟

يللللا فرجيني مد إيدك لشوف ، والله ، وآآآآلله للي خلقني ما بعديها لك متل كل مرة ..

_لا حول ولا قوة إلا بالله ، هاااي المراة أكيد جنت
ولك إنت شو عملوا فيك في الساعتين اللي خرجت فيهن ..

_ ولا إشي ، وهلأ حلي عني يا مرزوق إنت وطلباتك وغنماتك وإلا .... ...
-يعني انا شو طالعلي من ورا غنماتك الا الريحة .. خليها مستورة عاد وخليني ساكتة
انا من اليوم وطالع غير.. رضيت ولا غضبت... قال النسوان كاعدات بطورن وبطالبن بحقوقهن وانت بتقولي غنم وشاي وعدس
-
-أنا مثلي متل نسوان هالعالم إلي حقوق من اليوم ورايح بدي أعمل بوديكير ومونيكير واعمل كريمات وحمامات زيت لشعراتي ، بدي جلسات مساج .. بدي خصص جزء من وقتي لشوف فيه حالي ، وبدك إنت كمان تخصص من مصاريك شوي لهاي الحقوق اللي كانت غايبة عني .. شو استفدت أنا من غنماتك وحظيرتك بلللااا ؟
_بودي شو وموني شو؟؟؟ مين هدول اولاد عمتش يا مقلعطة أي انتي شوية كاز عشعراتك كثير عليكي
_هاض كان زمان يا فصح قبل ما أحضر الندوة وأتنور..أقولك من الآخر بدك تعطيني مصار اتبهوق فيهن ولا لا؟؟
_أبيش مصاري ووريني شو راح تساوي يا ام الحقوق وروحي خلي اللي عطتش المحاضرة تعطيتش
_حسرة على حظي اي هي مرة (وبينها وبين نفسها والله لو شفتها يا مقلعط كان ريللت ) مثل كل النسوان حتى أنا أحلى منها بس جوزها مهنيها وعارف حقوقها مش مثل حظي طاح حظي...
-شوفو المرة شو بتحكي . تحول خرافها من الحكي عن الغنم والحليب والجبنة وصار احقوق وندوات والله نسوان اخر زمن . ولك وين الطيبة والكلام الحلو الي كنا نحكيه كل يوم واحنا راعيين بالغنم بالجبال ؟؟ نسيتي لما كنت تجيبي الزوادة وتلحقيني وتحكيلي شوف حياتنا ما احلاها وقديش كنت مبسوطة لما الغنم تخلف ونبيع الجديان واروح انا وانت ع المدينة واشويلك لحمة ونتفتل في السوق؟؟
- انا كنت مغمضة ...بسه عميا .. طول عمري اخدمك واتعب معاك بس انت ما بتقدر ..خلاص انا من اليوم وطالع كرهت ريحة الغنم وبدي عطر واروح كل جمعة ع الكوافيرة اصفف شعري واتجمل واتشلب ولا تفكر عشانك ولاجل عيونك .
- علشان مين لعاد؟؟ ليكون حبيتي علي يا مرة ..؟؟
- فشرت عينك ... تمني احبك اول مش احب غيرك..
له له له يا مرة .. خلص من اول ندوة كرهتيني وبطلت تحبيني ؟؟؟ هي حقوق المرة بنمردتها على جوزها وقساوة راسها ؟؟..الله يقطع هيك حقوق والي بطالبو فيها .. خربو بيت النسوان صار الزلمة يحكي يمين والمرة تحكي شمال .
_عفيفه اخزي الشيطان وروحي ساوي شاي وتعالي نتخرف
عفيفه تذهب بعصبيه وتعود بالشاي
_تفظل يا بعلي
_يا سلام شو هالغنج
شو هاي اول مرة اغنجلك يعني ناسي يوم ماطلبت مني اغنج هظاك اليوم وانت بتتفرج على ماليسا هذيك المغنية
لا مو اول مرة (آآآآخ سنحتش ليش ذكرتيني وكتها كلتيلي :بنتك ودها حفاية...بغنج...مثل الطلق طلعت من راسي آآخ بس)
_ها شو لعاد
هسه قوليلي وشو سمعتي في الندوة ؟؟
_والله الحرمة ماخلت حكت كثير وما قصرت اشي فهمتو واشي مافهمتوش
_مثل شو
_قالت لازم يكون النا بصمة في البرلمان ونروح ننتخب..مشان المساواع بين المرة والرجال
شو شو مساواع؟؟ (ياربي منين بليتني بهالمرة الجاهله)_اسمها مساواة يا عفيفة ها وشو قالت بعد
_قالت عن الكلوجيا
_التكنالوجيا
_ايوا هاظي هي بس بيني وبينك يا ابو مهاوش انا انتخزت من هالكلمة
ها لويش يا حرمة
قربت توشوشه عفيفه
_لانها قالت عنها التكلوجيا هذي طرحت في السوق بيدباد والوسواس
الترجمه(ان التكنولوجيا المعاصرة قد طرحت في الأسواق اجهزة حديثة مثل الاي باد
وخدمات متطورة مثل الواتس اب)
_والله ياعفيفه حسستيني انتش باقية بسينما مو بندوة.
_اسمع جاي ترى انا طلعت براسي خلص بدي اروح على نحو الأمية
مشان أصير اقرا واكتب
_العب العب ناقص تقوليلي بدي اروح أتمرجح بالمدينه
لحظة انس .......................................
- بتذكر يا مرزوق لما كنت بدار ابوي وانا عزبا
-طبعا بتذكر ..كنت تظلي واقفة على الشباك وتغازلي في
-ههههههه لع مش هاض الي بقصدو اول مرة كتبتلك رسالة بتتذكرها ؟؟؟؟؟
- ايه ... ما كانت رسالة هي كلمة وحدة
-اه كلمة . ما انا بعرفش اقرا تعلمتها من صاحبتي وظليت اتدرب عليها ايام ولما صرت اكتبها مليح بعثتها الك
-وانا لما فتحتها وقريت كلمة ( بحبك ) اااااااااه ما صدقت حالي انه رايح انحب بيوم من الايام ..
-مهو انت كنت سطيلة كليوم بطلع من الباب على جيتك وانت عامل حالك محترم ما كنت تطلع علي ....شو القصة؟؟؟ عامل حالك ثقيل . تمني ظليت وراك واتحبرم حوليك لما وقعتك بحبالي
- طيب صبي شاي خلينا نشرب بعد هالطوشة وقلة العقل ....
-ترجعش تقول قلة عقل والله بخلي ليلتك اسود من القطران ...

الباب يطرق تفتح عفيفة ..
اهلا وسهلا تفضلوا ....مرزوق هاض اخوي علي ومرته .. تفضلو
- اهلا وسهلا مليح الي جيت غلبتني اختك يا بتعقلها يا بتروح معك
علي - ول ول ع الشيطان شو الي صار
- يا زلمة راحت نص ساعة على الندوة عند النسوان المدنيات الي جايات يخرطن حكي عن حقوق المرأة وكأنه المرأة مهضوم حقوقها واحنا بنستعبدها
- له يا اختي عفيفة بتصدقي هالحكي ... هاي وحدة بدها تصل للبرلمان طبعا الزلام ما بنتخبوها بتخترع قصة حقوق المرة وبتحاول تجذب النسوان وتسطعتفهن علشان ينتخبوها
زوجة علي - اه وانا بقول هيك هو احنا شو ناقصنا وين حقوقنا المهضومة ؟؟؟؟ شو حقوقي الي ناقصة ؟؟؟ انا وشطارتي اذا بدي اصير بالجامعة ما حد بمنعني واذا بدي انتخب كمان ما حد بمنعني لويش هاي جايه تصف خراف نصه افهمته ونصه ما فمته ؟؟؟
- بعدين يا عفيفة روحي ع السوق وع الشركات وشوفي النسوان الي شغلات اي بفوت المحل بلاقي بنتين او ثلاث وما بلاقي ولا شب . كمان شوي احنا بنصير نطالب بحقوقنا .لانه البنات ما شا الله شغلات وبارخص الاسعار وراتبها ما بكفيها حومرة وبودرة ومواصلات ...
عفيفة - انداري ......... صدقني سمعت منها كلام حسيت انا احنا ما النا قيمة عند الزلام .
-_هو بصراحة كلامكم مليح..بس انا اللي طير ظبان عقلي لبسهن وكشختهن يعني هني احسن منا بايش؟؟زوجة علي توشوشها_اهو اسكتي يا غبرانه لا تفتحي عينين رجالنا هسع مالنا احنا هينا تشنا البخت وكل راس مالها شوية بودرة والوان وشوية توتكس ولا شو اسمه هاظ اللي بقوله عليه (بوتكس) وبنصير احلو منهن.
_وكلامهن خرط مشطي بدي اتعلم يعني بدي اتعلم وانت يا مرزوق اذا مو عاجبك طق راسك بالف حيط
علي_شومالتش يا عفيفة ول لهالدرجة اسكتي عاد ولا تزوديها
_شايف اختك هاظ اللي ناقص علام ومدارس ومين اللي بده يدير باله ع الدار والحلال
علي _صلوا على النبي وبعدين معكم خلينا نشوف حل لهالمصيبة قبل ما تكبر
عفيفة _صحيح واللي اسمعتوا انه الوحده بتقدر تخلع الزلمه...بس مفهمتش كيف بدي أخلعك يا مرزوق
مرزوق_يخلع رقبتش قولي آمين هاظ الحكي كبير ياعفيفة لاتيجي فيه
عفيفة _كبير صغير خلص عشان اتنور خليني اتعلم وانت دبر راسك
علي_طيب هو في مركز محو اميه بالقريه شورايك يا مرزوق انخليهن يروحن شو بصير يعني
مرزوق - يا خوي انا ما بعارض انها تمحي اميتها . بلكي صارت تفهم شوي وتقري هالاولاد..
عفيفة -شو؟؟؟؟ هس انا بفهمش .. انا بفهم اكثر من خواتك ومن كل عيلتك .
- ولك شو جاب سيرة خواتي ولا بدك تحرضيهن كمان وتنغصي عيشتهن مثل ما نغصتي عيشتنا . اتلهمدي واسكتي ولا هس بروحك مع اخوك وبطلقك
علي - وحدو الله يا جماعة شو هالخراف . ولك عفيفة انخرسي واسكتي وضبي حالك ..خلص .
- اسمع يا خوي علي ... هذا اسمه قمع حرية التعبير وانت شو بتفرق عن مرزوق منت ظالم مثله
- قمع شو؟؟؟؟؟ منين جايبي هالخراف ؟؟
- هيك حكتلنا الست الي اجتمعنا فيها اليوم ..وقالت خراف كثير ما بدي احكيه
- ولك يا عفيفة افهمي هاي جاي علشان تكسب اصواتكم للانتخابات وبس .لحست عقلكم وانت مثل الطرش ركضتوا وراها
-لع يا خوي كمان في زلام بطالبه بحرية المرة وتفعيل دورها
- ههههههههه هضول الزلام الي بتحكي عنهم ضارب سوقهم ومش لاقييهم حد ينتخبهم علشات هيك دايرين ورى النسوان قليلات العقل الي مثلك .......
عفيفة_آه عسيرة المرشحين بقولوا انه في منهم مش مناح بشتروا أصوات الناس بالفلوس
وأنا اللي زعلني أنه في نسوان ببعن أصواتهن ياعيب الشوم عليهن،يعني الزلمه ماشي بظل زلمه لو باع صوتوا بهمش بس المرة عيب.
مرزوق_ها ولويش بس المرة عيب
_لأنه صوت المرة عورة يا فهمان
_وانت يا فهيمه شو فهمت كيف المرة بتبيع صوتها
_هذول ياحفيظ السلامة أكيد بسجلوا صوتها عشريط كاسيت وببيعوا ..فهمت؟؟
_يا ويلي أطخها هسه قولي يا علي اطخ أختك وأخلص منها
عفيفة ولويش اطخني روح طخ بنت خالتك نزيهة مهي نزلت عالانتخابات
علي_ههههههههههه ولتش قصدهم انتخابات نزيهة يعني انتخابات شريفة
عفيفة_ها ..وبنت عمي شريفة أخرى في الانتخابات .
مرزوق يجري خلفها ياويلي تعالي جاي صدقيني لتنكتلي على هالذكا سنحتش
وعفيفة تركض
علي_خلص يا جماعه روقوا عاد
عفيفة _كل هاظ عشان البرطمان شاد حيلك يا مرزوق حلوه ولا شدوه احنا شو جايينا يازلمه
مرزوق _آخ يا قلبي برطمان شو ياحرمه سكت اختك يا علي جلطتني ..ولتش هو برطمان مربى يا كشليييييييي..

[سلمى رشيد]

يسعد مساك اخوي عبد الكريم

- بلا مقلوبة بلا مفتول بلا عدس بلا رز باللبن . من اليوم وطالع ما بشتغل هيك شغل ولا عندي استعداد اضل بين الغنم والحليب ..
_ اخزي ابليس يا مرة وقومي اعملي كاستين شاي وتعالي نتخرف ..
_ اي شاي يخوي .. كان اول امبارح اليوم يوم النسوان العالمي وأنا بدي حقوقي ..
_ شو حقوق هاي .. شو هاض ؟؟ انت ناوية على تكسير راس ..

[عبدالكريم قاسم]

المشاركة الأصلية كتبت بواسطة سلمى رشيد

يسعد مساك اخوي عبد الكريم

- بلا مقلوبة بلا مفتول بلا عدس بلا رز باللبن . من اليوم وطالع ما بشتغل هيك شغل ولا عندي استعداد اضل بين الغنم والحليب ..
_ اخزي ابليس يا مرة وقومي اعملي كاستين شاي وتعالي نتخرف ..
_ اي شاي يخوي .. كان اول امبارح اليوم يوم النسوان العالمي وأنا بدي حقوقي ..
_ شو حقوق هاي .. شو هاض ؟؟ انت ناوية على تكسير راس ..

اهلا اختي سلمي بس ما يزعلو النسوان
- ترى والله اذا بتمد ايدك لاسجنك وخليك تعفن بالحبوس . شو بتفكر ؟؟؟ النسوان اليوم غير عن زمان
احنا معنا كل المنظمات الدولية وتاعت حقوق المرأة الي بتقص خبر الزلام ....ها لعاد ......الله يرحم ايام ما كان ابوك يخلعك امك كف وتدشع اتبوس ايده ...
- اف اف اف ساعة الي غابتها هالمرة ورجعت تحكي نحوي ,,, حقوق وما حقوق ومنظمات ..

[سميرة جوهر]

المشاركة الأصلية كتبت بواسطة عبدالكريم قاسم

اهلا اختي سلمي بس ما يزعلو النسوان
- ترى والله اذا بتمد ايدك لاسجنك وخليك تعفن بالحبوس . شو بتفكر ؟؟؟ النسوان اليوم غير عن زمان
احنا معنا كل المنظمات الدولية وتاعت حقوق المرأة الي بتقص خبر الزلام ....ها لعاد ......الله يرحم ايام ما كان ابوك يخلعك امك كف وتدشع اتبوس ايده ...
- اف اف اف ساعة الي غابتها هالمرة ورجعت تحكي نحوي ,,, حقوق وما حقوق ومنظمات ..

_طبعا مش عاجبك كلامي بدك اياني اضل مغمضه عشان أضل أشتغلك ولغنماتك ولك انت كاين تعرف حقوقي ومخبي علي؟؟؟
_حقوق شو آه آه بعرف انه من حقك تخدميني طول اليوم غيره في حقوق تانيه
_يا كشيلها عفيفه..هاض اللي فالح فيه...انت مش عارف انه من حقي أتعلم وأصير أعرف أكتب وأقرا
وأصير أفوت ع النت..
_وشو هاض النت يا حبيبي أكلنا هوا ..لايكون هاض مسلسل تركي لمهند

[عبدالكريم قاسم]

المشاركة الأصلية كتبت بواسطة سميرة جوهر

_طبعا مش عاجبك كلامي بدك اياني اضل مغمضه عشان أضل أشتغلك ولغنماتك ولك انت كاين تعرف حقوقي ومخبي علي؟؟؟
_حقوق شو آه آه بعرف انه من حقك تخدميني طول اليوم غيره في حقوق تانيه
_يا كشيلها عفيفه..هاض اللي فالح فيه...انت مش عارف انه من حقي أتعلم وأصير أعرف أكتب وأقرا
وأصير أفوت ع النت..
_وشو هاض النت يا حبيبي أكلنا هوا ..لايكون هاض مسلسل تركي لمهند

هههههههههههههههههههههههههههه
روعة جميل ان ينسجم الكاتب بالشخصية التي يجسدها
اهنئك يا سمير على هذا الذكاء
اكيد في النهاية رح تطلع مسرحية ممتازة
اعود اليكم

[راحيل الأيسر]

المشاركة الأصلية كتبت بواسطة عبدالكريم قاسم

اخواتي واخوتي الاعزاء
المطلوب تكملة الحوار بين عفيفة ومرزوق .... شاركونا لنخرج اجمل حوار وليكن ترفيهيا بامتياز لا نريده جديا ابدا
تنادي مكبرات الصوت (على النساء التجمع في مقر البلدية اليوم بمناسبة يوم المرأة العالمي ) هناك ندوة لجعل المرأة الريفية تطالب بحقها المستباح


سمعت عفيفة هذا النبأ وما كذبت خبر
-وين يا عفيفة
-رايح على البلدية
-شو بدك تعملي؟
- بدي احضر ندوة عن المرأة
-الله يستر من هاليوم بدون ندوات مش خالصين .كيف لما بندوات
راحت عفيفة وجلست مع هالنسوان وصارت الخطيبة تلقي بيانات التحريض على الرجال وتنصت عفيفة لكل هذاالتحريض
فقد مالت الخطيبة بالحديث الى ان الرجال استعبدوا المرأة . وعفيفة تسمع بشغف وتتوعد مرزوق صاحب المائة رأس من الغنم . فهي تحلب وتطعم وتنظف... طبعا ليست وحدها بل كل من في البيت يساعدون ولكن بادارتها
انتهت المهمة وعادت عفيفة الى البيت
-اهلا يا مرة.. الله يسعد هالطلة ..( عفيفة مكشرة ومبرطمة ومادة بوزها شبرين )
_.باين عليك مو مبسوطة من الاجتماع
- مين حكالك ؟؟ انا اليوم عرفت كيف لازم اعيش .. يقطع هالعيشة كلها تعب وشقا
- له له له طول هالوقت وانت ما بتعرفي كيف تعيشي ؟؟ روحي سويلنا كاستين شاي
- شو بتحكي؟؟ والله ما بعملك سم الهاري يهري معدتك .
- شو بتحكي يا مرة يخرب بيت اهلك هيك علموك قلة الادب . ول ول ول كلها ساعة الي غبتيها ورجعت مقلوبة وعقلها مفتول .
- بلا مقلوبة بلا مفتول بلا عدس بلا رز باللبن . من اليوم وطالع ما بشتغل هيك شغل ولا عندي استعداد اضل بين الغنم والحليب ..
*اخزي ابليس يا مرة وقومي اعملي كاستين شاي وتعالي نتخرف ..
_ اي شاي يخوي .. كان اول امبارح اليوم يوم النسوان العالمي وأنا بدي حقوقي ..
_ شو حقوق هاي .. شو هاض ؟؟ انت ناوية على تكسير راس ..

- ترى والله اذا بتمد ايدك لاسجنك وخليك تعفن بالحبوس . شو بتفكر ؟؟؟ النسوان اليوم غير عن زمان
احنا معنا كل المنظمات الدولية وتاعت حقوق المرأة الي بتقص خبر الزلام ....ها لعاد ......الله يرحم ايام ما كان ابوك يخلعك امك كف وتدشع اتبوس ايده ...
- اف اف اف ساعة الي غابتها هالمرة ورجعت تحكي نحوي ,,, حقوق وما حقوق ومنظمات ..
_طبعا مش عاجبك كلامي بدك اياني اضل مغمضه عشان أضل أشتغلك ولغنماتك ولك انت كاين تعرف حقوقي ومخبي علي؟؟؟
_حقوق شو آه آه بعرف انه من حقك تخدميني طول اليوم غيره في حقوق تانيه
_يا كشيلها عفيفه..هاض اللي فالح فيه...انت مش عارف انه من حقي أتعلم وأصير أعرف أكتب وأقرا
وأصير أفوت ع النت..
_وشو هاض النت يا حبيبي أكلنا هوا ..لايكون هاض مسلسل تركي لمهند

_إي مهند .. يا عيني عليه قديشه مهضوم ورومنسي ..

_شو شو وكمان ، عم تتغزلي فيه قدامي ، يخرب بيتك وبيت اللي جابوك ، هلأ هيك ربوك اهلك ..

_ اسم الله عليك حبيبي ،ما إنت رايح جاي تتغزل في مقصوفة العمر ( لميس ) وبتدوب بتسبيلة عيون ( نور ) .. هلأ لما أنا حكيك خربت الدنيا وصاروا أهلي ما عرفوا يربوا ..

_ اخزي الشيطان يامراة واخرسي ، خلي يومك يعدي ع خير ..
_ بالللا شو .. شو يعني، شو طالع بإيدك تعمل لو ما سكتت ؟؟

يللللا فرجيني مد إيدك لشوف ، والله ، وآآآآلله للي خلقني ما بعديها لك متل كل مرة ..

_لا حول ولا قوة إلا بالله ، هاااي المراة أكيد جنت
ولك إنت شو عملوا فيك في الساعتين اللي خرجت فيهن ..

_ ولا إشي ، وهلأ حلي عني يا مرزوق إنت وطلباتك وغنماتك وإلا .... ...
( التكملة للي بعدي ) .



موضوع لذيذ يسعد مساك أخي الكريم ..

[سلمى رشيد]

-يعني انا شو طالعلي من ورا غنماتك الا الريحة .. خليها مستورة عاد وخليني ساكتة
انا من اليوم وطالع غير رضيت ولا غضبت قال النسوان كاعدات بطورن وبطالبن بحقوقهن وانت بتقولي غنم وشاي وعدس ..
طيب تنشوف يا مرزوق .
( ايوه شدو حيلكن يا صبايا اقلام
موضوع حلو كتير وعليكم التنسيق .. يسعد مساكم )

[راحيل الأيسر]

[quote=سلمى رشيد;417438]-يعني انا شو طالعلي من ورا غنماتك الا الريحة .. خليها مستورة عاد وخليني ساكتة
انا من اليوم وطالع غير رضيت ولا غضبت قال النسوان كاعدات بطورن وبطالبن بحقوقهن وانت بتقولي غنم وشاي وعدس ..
طيب تنشوف يا مرزوق .

أنا مثلي متل نسوان هالعالم إلي حقوق من اليوم ورايح بدي أعمل بوديكير ومونيكير واعمل كريمات وحمامات زيت لشعراتي ، بدي جلسات مساج .. بدي خصص جزء من وقتي لشوف فيه حالي ، وبدك إنت كمان تخصص من مصاريك شوي لهاي الحقوق اللي كانت غايبة عني ..

شو استفدت أنا من غنماتك وحظيرتك بلللااا ؟

[سميرة جوهر]

[quote=راحيل الأيسر;417439]

المشاركة الأصلية كتبت بواسطة سلمى رشيد

-يعني انا شو طالعلي من ورا غنماتك الا الريحة .. خليها مستورة عاد وخليني ساكتة
انا من اليوم وطالع غير رضيت ولا غضبت قال النسوان كاعدات بطورن وبطالبن بحقوقهن وانت بتقولي غنم وشاي وعدس ..
طيب تنشوف يا مرزوق .

أنا مثلي متل نسوان هالعالم إلي حقوق من اليوم ورايح بدي أعمل بوديكير ومونيكير واعمل كريمات وحمامات زيت لشعراتي ، بدي جلسات مساج .. بدي خصص جزء من وقتي لشوف فيه حالي ، وبدك إنت كمان تخصص من مصاريك شوي لهاي الحقوق اللي كانت غايبة عني ..

شو استفدت أنا من غنماتك وحظيرتك بلللااا ؟

_بودي شو وموني شو؟؟؟ مين هدول اولاد عمتش يا مقلعطة أي انتي شوية كاز عشعراتك كثير عليكي
_هاض كان زمان يا فصح قبل ما أحضر الندوة وأتنور..أقولك من الآخر بدك تعطيني مصار اتبهوق فيهن ولا لا؟؟
_أبيش مصاري ووريني شو راح تساوي يا ام الحقوق وروحي خلي اللي عطتش المحاضرة تعطيتش
_حسرة على حظي اي هي مرة (وبينها وبين نفسها والله لو شفتها يا مقلعط كان ريللت ) مثل كل النسوان حتى أنا أحلى منها بس جوزها مهنيها وعارف حقوقها مش مثل حظي طاح حظي...
ان شاء الله ما كون عكيت بكفيني هيك كملوا حضراتكم هههه

[سلمى رشيد]

أنا مثلي متل نسوان هالعالم إلي حقوق من اليوم ورايح بدي أعمل بوديكير ومونيكير واعمل كريمات وحمامات زيت لشعراتي ، بدي جلسات مساج .. بدي خصص جزء من وقتي لشوف فيه حالي ، وبدك إنت كمان تخصص من مصاريك شوي لهاي الحقوق اللي كانت غايبة عني ..


( ايوه هيك يا راحيل نسيت قصة الباديكير والمانكير ذكريني كمان عشان افرجيهم )
على هامش الحوار

[سلمى رشيد]

[quote=سميرة جوهر;417444]

المشاركة الأصلية كتبت بواسطة راحيل الأيسر

_بودي شو وموني شو؟؟؟ مين هدول اولاد عمتش يا مقلعطة أي انتي شوية كاز عشعراتك كثير عليكي
_هاض كان زمان يا فصح قبل ما أحضر الندوة وأتنور..أقولك من الآخر بدك تعطيني مصار اتبهوق فيهن ولا لا؟؟
_أبيش مصاري ووريني شو راح تساوي يا ام الحقوق وروحي خلي اللي عطتش المحاضرة تعطيتش
_حسرة على حظي اي هي مرة (وبينها وبين نفسها والله لو شفتها يا مقلعط كان ريللت ) مثل كل النسوان حتى أنا أحلى منها بس جوزها مهنيها وعارف حقوقها مش مثل حظي طاح حظي...
ان شاء الله ما كون عكيت بكفيني هيك كملوا حضراتكم هههه

الله يسعدك يا سميرة
ضحكتيني من كل قلبي

[سميرة جوهر]

ههههه
انشاء الله تدوم الضحكة اخت سلمى
كتبتها وهربت بسرعة قبل ما يجي الأخ عبدالكريم ويشوف شو عملنا بالنص