علم الفراسة .. يتدخل ليحكم ، فهل تقبلون حكمه ؟

[عبدالكريم قاسم]

المشاركة الأصلية كتبت بواسطة ثناء حاج صالح

يلا خلينا نتسلى شوي (فيكن ) لبين ما تجي راحيل ...
يا أصدقائي يا كرام!
..بالنسبة إلي أنا بعتمد على شيئين اتنين حتى أجيب قرار الشخص وأفهم هو شو...يعني شو هي الطينة اللي الله خالقه منها .. قراءة العيون من جوا يعني بغض النظر عن شكلها أو لونها ( بس على شرط يبحلق فيني وما يزيح بصرو عني لا يمين ولا شمال ..ويضل ساكت ما يفتح تمو .لو مهما حصل ..) ..وكمان بعتمد على قراءة الملامح العامة للوجه من أشكال الحواجب والجبين والخدين والأنف والفم والذقن واليد..وهون لازم يكون الشخص ع بيحكي وأنا وعم بقرؤه ..لأنو كلامو وردود أفعالو على كلامي هو المؤشر لاستمراري .
..صحيح أنو بيحكو على شكل الجمجمة وتدويرة الوجه ..والأكتاف وغيره ..بس أنا رأيي أنو أصدق شي وأقرب شيء لفهم الشخص هو العيون لأنو الأفكار بتلمع فيها وبتكشف صاحبها وحتى لو كان ع بيكذب ..عيونه رح تفضحه وتتلعثم بكلامها وتقول : لأ ..لأ ..لا تصدقو أدنيكن صدقوا عيونكن..
مثلاً ....ممكن الشخص يكون حزين ويحاول يمثل ويظهر أنو سعيد بس عيونو رح ترسل مسج سريع وتقول ...أوعى حدا يصدق ( كذااااااب كذاااااب والله العظيم كذاااااب ) ...وممكن هالمسج ينعكس على كل ملامح وتعابير الوجه من تحت الابتسامة الباردة ويكشف الحقيقة
يا لطيف ألطف ... على هيك مواقف ...الله يسترنا ..

اختي ثناء شكرا لك على تلبية الدعوة والشرح المستفيض
نفهم ان لغة العيون هي التي تكشف عن شخصية صاحبها
لكن يا ثناء في ناس ما اشطرهم بالتصنع ومو كل واحد بيقدر يعرف خداعهم . مدربين على التلون ويتقنون هذا الفن ويدخلون في قلوب الناس من اوسع ابواب حتى اذا ضربوا ضربتهم تركوا ورائهم اناس فاقدين الثقة بالناس .
اشكرك دكتور ثناء

[ثناء حاج صالح]

المشاركة الأصلية كتبت بواسطة عبدالكريم قاسم

اختي ثناء شكرا لك على تلبية الدعوة والشرح المستفيض
نفهم ان لغة العيون هي التي تكشف عن شخصية صاحبها
لكن يا ثناء في ناس ما اشطرهم بالتصنع ومو كل واحد بيقدر يعرف خداعهم . مدربين على التلون ويتقنون هذا الفن ويدخلون في قلوب الناس من اوسع ابواب حتى اذا ضربوا ضربتهم تركوا ورائهم اناس فاقدين الثقة بالناس .
اشكرك دكتور ثناء

يا أخي يا كريم ..شكراً على الألقاب الرنانة يلي حضرتك ع بتتبرع لي فيها..يلا ما في شي بيضيع عند ربك ..بلكي الله بيبعتلك مين يقلك يا دكتور..يا بروفيسور ....المهم خلينا في المهم في ناس من تحت لتحت بيخططو للخديعة وبيتدربو فعلا ًعلى الإيقاع بناس تانيين من فوق لفوق ( طشمين ) ما عندهن خبرة في الحياة وما بيعرفو أنو الحياة فيها كذب وفيها غش وفيها تمثيل ...وطبعاً القانون لا يحمي المغفلين الطشمين ما حدا يزعل مني ها ..لو كنت أنا مكان هالناس كنت رح أوصف نفسي بإني غشيمة طشمة .ومستاهلة كل اللي يجرالي...لأ ...كنت رح أتمنى لو يجي شي حدا مفتح عيونو وفهمان ويصفعني على وجهي صفعة تصورني حتى أفيق وافهم غصب عني ..متل هيك مواقف ضرورية لهالأشخاص .. حتى يفهمو الحياة على حقيقتها وما يعطو ثقتهن لكل من هب ودب . .والفائدة بتجي من فقدان الثقة اللي رح تخلليهن يكونو حذرين فيما بعد .وما يكونو حيط واطي لكل من يحاول القفز من فوقهن ..
أصلاً الأشخاص الأغرار هنن يلي ع بيخلوا الغشاشين يشتغلو ..يعني وجود الغشيمين ضرر كبير على المجتمع وسبب لانتشار الغش وبنفس أهمية ضرر وجود الغشاشين ......وفقدان الثقة حالة صحية وطبيعية بعد التعرض لهيك مواقف ..وبتقدر تقول أنو فقدان الثقة مرحلة مهمة في صقل الشخصية ولازم يمر فيها الإنسان الفج حتى ينضج ويستوي ويصير مذاقه راكز على كيفك .....يعني أنا شايفة أنو لازم الواحد فينا يبدأ حياته بشي كم تجربة فاشلة .مو كتير يعني لأنو المفروض من أول مرة يتعلم ....بس إذا ما تعلم من أول مرة وسحبت معه لتاني مرة ..وتالت مرة ...لأ بقا زودها ..هادا ما رح يتعلم أبداً ..هاادا .. لازملو..شي فلقة تورمله رجليه وتحمر له عيونه ..ومن هون بتجي الخبرة والقدرة على قراءة العيون وفهم لغاتها حتى لو كانت ع بتحكي بالسنسكريتية ...أو بالألغاز ..أو كلمة أيه .. كلمة لأ..

[عبدالكريم قاسم]

اختي ثناء جمعة مباركة عليك وعلى احبائك
ليس المهم الالقاب دكتور او بروفيسور المهم احيانا انا برتاح لما بعطي الانسان قدره اتمنى ان تدفعك هذه الالقاب لمتابعة الدراسة والحصول فعليا عليها
المهم
التربية صعبه والمفاهيم التي يلزم ان تغرس في ذهن الابناء يجب ان تكون ايجابية . انا اعاني من الخوف على ابنائي من الوقوع في مأزق الطيبة والسذاجة حتى لا يقعوا فريسة لهؤلاء الخبثاء والمستغلين لذا اجد صعبا احيانا ان اجعل ابنائي في هذا السن ان يحذروا من الاخرين حتى لا الوث مفاهيمهم عن الحياة وحتى لا اعدم الفضيلة في نفوسهم لذلك اتجنب تحذيرهم مباشرة من افعال هؤلاء واكتفي بالتلميح ولا ادقق على الامر بعناية. بل استغل حديثهم عن طالب سرق قلم او ضرب طالب آخر او افسد كتبه او اي فعل ليس سويا وهنا اتدخل بالتحذير . هل هذا يكفي ام ان هناك طرقا اخرى تفيد في التربية دونما زرع عنصر الخوف من الناس في نفوس الابناء .
؟؟؟؟؟؟؟؟
باين دخلنا بالجد وما ضل ترفيهي
بس هالمرة وخلاص مش رح اعيدها

[ثناء حاج صالح]

المشاركة الأصلية كتبت بواسطة عبدالكريم قاسم

اختي ثناء جمعة مباركة عليك وعلى احبائك
ليس المهم الالقاب دكتور او بروفيسور المهم احيانا انا برتاح لما بعطي الانسان قدره اتمنى ان تدفعك هذه الالقاب لمتابعة الدراسة والحصول فعليا عليها

الله يبارك فيك يا أخي الطيب وإن شاء الله تكون هالجمعة جمعة الفرج والخير وإحلال العدل في الأرض .. يا رب !
الألقاب أخي عبد الكريم هي جزء من الرتوشات والماكياجات والإكسسوارات اللي بيستخدموها الناس الأولانيين ( اللي من تحت لتحت ) حتى يأثروا في نفوس العباد( اللي من فوق لفوق )..ويا ريت كانو بيستاهلو ...متل ما بيقول المثل ..من برا خام من جوا سخام ..وينك يا سمر ..الله يذكرك بالخير يا سمر عيد ..علوا تجي تشرحيلنا مصطلح ( من برا خام من جوا سخام )...

بالنسبة إلي أنا همي فعلاً آخد الدكتوراة وصدقني مو كرمال اللقب....كرمال إني أقول كلمتي وأخلي الكل يسمعوها حتى لو كانو طرشان ...( في الوسط العلمي طبعاً ) على كل حال شكراً لتشجيعك وإطراءك.

المشاركة الأصلية كتبت بواسطة عبدالكريم قاسم

المهم
التربية صعبه والمفاهيم التي يلزم ان تغرس في ذهن الابناء يجب ان تكون ايجابية . انا اعاني من الخوف على ابنائي من الوقوع في مأزق الطيبة والسذاجة حتى لا يقعوا فريسة لهؤلاء الخبثاء والمستغلين لذا اجد صعبا احيانا ان اجعل ابنائي في هذا السن ان يحذروا من الاخرين حتى لا الوث مفاهيمهم عن الحياة وحتى لا اعدم الفضيلة في نفوسهم لذلك اتجنب تحذيرهم مباشرة من افعال هؤلاء واكتفي بالتلميح ولا ادقق على الامر بعناية. بل استغل حديثهم عن طالب سرق قلم او ضرب طالب آخر او افسد كتبه او اي فعل ليس سويا وهنا اتدخل بالتحذير . هل هذا يكفي ام ان هناك طرقا اخرى تفيد في التربية دونما زرع عنصر الخوف من الناس في نفوس الابناء .
؟؟؟؟؟؟؟؟
باين دخلنا بالجد وما ضل ترفيهي
بس هالمرة وخلاص مش رح اعيدها

ولا يهمك أخي العزيز ...الأولاد بيستاهلو تدخل في الجد كرمالهن ...خود راحتك وإدخل في سابع جد ...
أطباء الصحة العامة ( الجسدية ) بيقولو أنو ضروري تعرض أولادك لشوية أوساخ ..حتى يكتسب الجهاز المناعي عندهن القوة على مقاومة الجراثيم ( الله يفرجينا فيك يوم يا جرثومة ) ..لا تواخذوني ..انقطع الإرسال شوي ..راجعين
.................
عودة الإرسال : والعوامل الممرضة بأنواعها المختلفة ..وأنا شايفة أنو هالكلام صحيح وبينطبق على اكتساب مناعة للصحة النفسية ضد الجراثيم النفسية متل الغش والكذب ..وغيره وسواته ..مثلا ً إذا وقعت التفاحة من إيد ابنك الصغير على الأرض شو لازم تكون ردة فعلك ؟ ما تقلو روح كبها أو تولول عليه ...لأ.. بيكفي أنو يغسلها لإزالة الأوساخ الظاهرة ويقضمها بالهنا والشفا وما في داعي للوسوسة أو تقلو أكل منها الشيطان لازم نكبها .....أما الجراثيم اللي علقت فيها فهي طيبة المذاق ( بروتين ) خليه ياكلها ..وتوكل على الله ..
العناية الزائدة من الآباء والأمهات متل التعقيم للأيدي والملابس وكتر الوسوسة غلط ..لأنو بتخلي الجهاز المناعي ضعيف والطفل رهيف تجاه العدوى بأي نوع من الأمراض ..والصحة النفسية نفس الشي كمان بدها اكتساب مناعة ...لذلك مو غلط إنو ابنك يكون في عنده أصحاب وأصدقاء من شرائح مختلفة ...بس طبعاً بإشرافك ودرايتك ...
والشي يلي ع بتعملو حضرتك باستغلال الفرص للتوجيه كتير كويس هاي عين العقل ..بس صدقني تأثير الكلام من غير التجربة بيضل أضعف ...وطبعاً المجتمعات يلي عايشين فيها مو معقمة أبداً والحمد لله الذي لا يحمد على مكروه سواه ...يعني إنت ما إلك خبر أنو إبنك ع بيسمع الكلام الفاحش من غير أطفال ...وع بيكتشف أنو في سرقة وفي كذب وغش واحتيال وفي ناس طيبين وفي ناس خبيثين وشريرين ..لا تفكر أنو أولادك مقروئين بالنسبة إلك بوضوح متل ما بدك ...الأطفال اللي ما بيحكو مع أهلهن عن كل شي بيصير معهن بتتفاجئ لما رح يحكو بأنو وعيهن أكبر بكتير من توقعاتك .. ...و لأنو نفوسهن صفحات بيضا فأي تلوث رح يترك أثر فيها ..
المطلوب في التربية الصحيحة زرع القيم الإسلامية الصحيحة والتعامل مع كل شيء في الحياة على أساس القيمة الإسلامية ..
وأهم قيمة إسلامية في تربية الأطفال هي الحلال والحرام والحسنات والسيئات ..قصدي يعني لازم الطفل يتعلم يقيّم سلوكه وسلوك غيره لازم يفهم أنو أي سلوك أو تصرف منه أو من غيره رح تسجله الملائكة في كتاب أعمال الإنسان ويتحول إما إلى حسنات أوسيئات ...وأنو الجنة والنار نتيجة للسلوك ...والنجاح والفشل في الدنيا والآخرة كمان نتيجة للسلوك ..
الأولاد لما بيتعلموا يقيّمو كل شيء حواليهن ويصنفوه إلى حسنات وسيئات ...صعب يقعوا فريسة للأشخاص الخبيثين ...وبقدر أقللك أنو الحدس العاطفي الداخلي عند الأطفال بيخليهن ياخدو انطباعات صحيحة عن الأشخاص الاخرين وحتى لو كانو غرباء وبتكون هالانطباعات صحيحة ودقيقة اكتر من الكبار
أنا أحيانا بحس أنو الطفل بيشوف الشي اللي ما بيشوفو الكبير لذلك هذا النوع من الفراسة الصادقة عند الأطفال بتحميهن لدرجة كبيرة ..
على كل حال ..
متطلبات الأطفال في الحياة الاجتماعية بتكبر معهن وبتفرض نفسها عليهن وعلى اللي خلفوهن ....
ولازم تتقبل أنو النمو النفسي بيكون مرافق للنمو الجسدي ..ومهما حاولت ما رح تقدر ترسم الحالة النفسية المثالية لإبنك متل ما إنت بدك ...هادا مستحيل ....في كتير كلام الأهل ما بيعرفوه عن أولادهن بس الأولاد بيعيشوه وبأثر في نفوسهن حتى يصيرو كبار ....
لا تخاف وحط رجليك بمي باردة ..تذكر حالك لما كنت صغير ...وتذكر حدسك الداخلي واعتدادك بنفسك ..أولادك أكيد متلك ..
أهم شي يتعود الطفل يعبر عن رغباته ويحكي لأهله مشاكله ...ولازم الأهل ما يعّودو الطفل أنو يعتمد على أهله في اتخاذ قراره ...لأ...لازم
أهله يساعدوه على التفكير ويوجهوه حتى ياخد القرار بنفسه ...لازم يشعر أنو أهله متعاطفين معه ...لكن هو اللي رح ياخد قراره .
الله يخليهن ..زينة الدنيا ومتعتها ...والله يحفظهن ويرعاهن برحمته...

[سلمى رشيد]

المشاركة الأصلية كتبت بواسطة عبدالكريم قاسم

اختي ثناء شكرا لك على تلبية الدعوة والشرح المستفيض
نفهم ان لغة العيون هي التي تكشف عن شخصية صاحبها
لكن يا ثناء في ناس ما اشطرهم بالتصنع ومو كل واحد بيقدر يعرف خداعهم . مدربين على التلون ويتقنون هذا الفن ويدخلون في قلوب الناس من اوسع ابواب حتى اذا ضربوا ضربتهم تركوا ورائهم اناس فاقدين الثقة بالناس .
اشكرك دكتور ثناء

طلعت انت الدكتور يا عبد الكريم مع محبتي وتقديري لحبيبتي ثناء
وكم خدعنا من اناس يتقنون فن التلون وعيونهم تبدو صادقة ولكن عالفاضي

[سلمى رشيد]

ثناء الغالية
يحيرني امر هنا
كيف نربي اطفالنا حتى يواجهوا امثال هؤلاء المتلونين الذين يجملون انفسهم والله اعلم ما في القلوب؟؟
كيف نحصنهم من الوقوع في تلك المطبات ونحن نزرع فيهم الأخلاق الطيبة وصورة الحياة الجميلة ؟؟
الأمور بحاجة الى موازنة وصراحة حتى نريهم الجانبين .

[راحيل الأيسر]

وهلأ صار لازم تجي الجنتل ليدي راحيل ..حتى نشوف مين يلي مخليها تعصب ....ولا تنسو أنو هي صاحبة المكان ولازم نستأذن منها قبل ما نصول ونجول على كيفنا ...يعني مو حلوة ..شو هيي وكالة من غير بواب ؟؟


ههه الله يسعد قلبك ثناء .. الجنتل الليدي / راحيل عادت بعد الفاصل الاعلاني الطوييييييييييييييييييييييييل ..

يخليك يا راجحة العقل وصائبة الفكر .. البيت بيتك .. وكل ما يخص راحيل يخصك إنت بالذات تدخلي وقت ما بدك ، وتتحكمي في أنا وفي كل متعلقاتي متل ما بدك ( ده احنا بيناتنا محبة ووداد .. ولا نسيتي انك معترفتلي أكثر من مرة إنك بتحبيني .. الله يسامحك .. خليتي قلبي يتعلق فيكي .. ونا خفيفة خلقة بعيد عنك ..

ههه وبالنسبة للي عصبني ماحد يقدر ع الجنتل ليدي وأخي عبد الكريم ياحرااام كان ضحية افتراءاتي .. اتبليت عليه هيك بدي اتشاكل معه من غير ولا شي .. نكد بعيد عنكم وافتراء ..


شكرا لمرورك الغالي أستاذتنا الرائعة / ثناء .. حماك الله ورعاك ..

[راحيل الأيسر]

المشاركة الأصلية كتبت بواسطة عبدالكريم قاسم

اختي ثناء جمعة مباركة عليك وعلى احبائك
ليس المهم الالقاب دكتور او بروفيسور المهم احيانا انا برتاح لما بعطي الانسان قدره اتمنى ان تدفعك هذه الالقاب لمتابعة الدراسة والحصول فعليا عليها
المهم
التربية صعبه والمفاهيم التي يلزم ان تغرس في ذهن الابناء يجب ان تكون ايجابية . انا اعاني من الخوف على ابنائي من الوقوع في مأزق الطيبة والسذاجة حتى لا يقعوا فريسة لهؤلاء الخبثاء والمستغلين لذا اجد صعبا احيانا ان اجعل ابنائي في هذا السن ان يحذروا من الاخرين حتى لا الوث مفاهيمهم عن الحياة وحتى لا اعدم الفضيلة في نفوسهم لذلك اتجنب تحذيرهم مباشرة من افعال هؤلاء واكتفي بالتلميح ولا ادقق على الامر بعناية. بل استغل حديثهم عن طالب سرق قلم او ضرب طالب آخر او افسد كتبه او اي فعل ليس سويا وهنا اتدخل بالتحذير . هل هذا يكفي ام ان هناك طرقا اخرى تفيد في التربية دونما زرع عنصر الخوف من الناس في نفوس الابناء .
؟؟؟؟؟؟؟؟
باين دخلنا بالجد وما ضل ترفيهي
بس هالمرة وخلاص مش رح اعيدها

أخي الطيب / عبد الكريم ..


أنا رأيي أسلوبك جدا مثالي .. في عندكم مثل يقول ( امش عدل يحتار فيك عدوك ) بالنسبة للنماذج اللي ذكرتها صحيح موجودة وفي الآونة الأخيرة بالذات السيء طغى على الجيد وبات المعدن الأصيل نادرا ..


خليهم على سجيتهم في التعامل مع البشر الله ما يضيع الطيب أبدا ..

أسسهم صح وربيهم ع الفضيلة وأطلقهم في الحياة وانت بتدعي لهم وخلي هدا الدعاء دايم بلسانك ( اللهم اني استودعك أبنائي فاكلأهم بحفظك ورعايتك ) طبعا إنت هيك بتستودع ربك دينهم ، وأعمالهم وكل ما يتعلق بهم .. أطلقهم وخليهم يجربوا ويتعاملوا ويكتشفوا الدنيا بأنفسهم ومن تجاربهم الشخصية ، لا تسهب في شرح الجوانب السيئة والصور القبيحة للبشر ، يكفيك مجرد التلميح والتطرق العابر كما أسلوبك أخي ..



كل التقدير لمن كانوا هنا .. ثناء ، سلمى ، أخي / عبد الكريم .

[ثناء حاج صالح]

المشاركة الأصلية كتبت بواسطة راحيل الأيسر

وهلأ صار لازم تجي الجنتل ليدي راحيل ..حتى نشوف مين يلي مخليها تعصب ....ولا تنسو أنو هي صاحبة المكان ولازم نستأذن منها قبل ما نصول ونجول على كيفنا ...يعني مو حلوة ..شو هيي وكالة من غير بواب ؟؟


ههه الله يسعد قلبك ثناء .. الجنتل الليدي / راحيل عادت بعد الفاصل الاعلاني الطوييييييييييييييييييييييييل ..

يخليك يا راجحة العقل وصائبة الفكر .. البيت بيتك .. وكل ما يخص راحيل يخصك إنت بالذات تدخلي وقت ما بدك ،

رحول ...!
إنت في عندك أملاك كتير ...؟ يعني فيلات ومزارع وسيارات والذي منه .. ولا إنت فقيرة ..؟

المشاركة الأصلية كتبت بواسطة راحيل الأيسر

وتتحكمي في أنا وفي كل متعلقاتي متل ما بدك

الله اكبر .... دي السنارة علقت يا ولاد ...!

المشاركة الأصلية كتبت بواسطة راحيل الأيسر

( ده احنا بيناتنا محبة ووداد .. ولا نسيتي انك معترفتلي أكثر من مرة إنك بتحبيني ..

بحبك أنا ...بعترف وما بنكر ...ونا حنكر ليه ..هوا في حد طايل ..دنا قلبي طاير فيكي ..ولا بد يوم ح يجيكي ..

المشاركة الأصلية كتبت بواسطة راحيل الأيسر

الله يسامحك .. خليتي قلبي يتعلق فيكي .. ونا خفيفة خلقة بعيد عنك ..

إنت دمك خفيف... شربات ..عسل فعسل...قشطة على مربى الكرز ...على معرفش إيه..( شوية جبنة وزيتون ) ...يا خواتي عليها !

المشاركة الأصلية كتبت بواسطة راحيل الأيسر

ههه وبالنسبة للي عصبني ماحد يقدر ع الجنتل ليدي وأخي عبد الكريم ياحرااام كان ضحية افتراءاتي .. اتبليت عليه هيك بدي اتشاكل معه من غير ولا شي .. نكد بعيد عنكم وافتراء ..

ولا يهمك حبيبة قلبي ..شو عليه ..؟ إذا كنت بتنبسطي بإنك تفتري على عبد الكريم قاسم ...وين المشكلة يعني ..؟ خلص افتري عليه ونكدي عليه قد مابدك ...أنا ما عندي أي مانع... أنا كل اللي بيهمني هو إنك تكوني آخر انبساط ..وآخر فرفشة وزقططة ...خلص رحوولة ...نكدي وافتري على عبد الكريم ولا يهمك ......تسلملي هالضحكة ما أحلاها ....يسلمولي صفين اللولي ..عسل يا خواتي ..

[عبدالكريم قاسم]

ولا يهمك حبيبة قلبي ..شو عليه ..؟ إذا كنت بتنبسطي بإنك تفتري على عبد الكريم قاسم ...وين المشكلة يعني ..؟ خلص افتري عليه ونكدي عليه قد مابدك ...أنا ما عندي أي مانع... أنا كل اللي بيهمني هو إنك تكوني آخر انبساط ..وآخر فرفشة وزقططة ...خلص رحوولة ...نكدي وافتري على عبد الكريم ولا يهمك ......تسلملي هالضحكة ما أحلاها ....يسلمولي صفين اللولي ..عسل يا خواتي ..

يا عيني عليك يا ثناء منحتيها التصريح بالافتراء علي . يا حرام ما في حد يدافع عني ههههههههه
شو عامل انا يا ناس ؟؟؟؟؟؟؟؟؟؟ والله ما الي غير اختي سلمى هي تاخذ حقي منكن واذا ما قدرت رح استدعي البلدوزر علا الياس وقفوا بوجهها اذا قدرتو ..........

[عبدالكريم قاسم]

المشاركة الأصلية كتبت بواسطة راحيل الأيسر

أخي الطيب / عبد الكريم ..


أنا رأيي أسلوبك جدا مثالي .. في عندكم مثل يقول ( امش عدل يحتار فيك عدوك ) بالنسبة للنماذج اللي ذكرتها صحيح موجودة وفي الآونة الأخيرة بالذات السيء طغى على الجيد وبات المعدن الأصيل نادرا ..


خليهم على سجيتهم في التعامل مع البشر الله ما يضيع الطيب أبدا ..

أسسهم صح وربيهم ع الفضيلة وأطلقهم في الحياة وانت بتدعي لهم وخلي هدا الدعاء دايم بلسانك ( اللهم اني استودعك أبنائي فاكلأهم بحفظك ورعايتك ) طبعا إنت هيك بتستودع ربك دينهم ، وأعمالهم وكل ما يتعلق بهم .. أطلقهم وخليهم يجربوا ويتعاملوا ويكتشفوا الدنيا بأنفسهم ومن تجاربهم الشخصية ، لا تسهب في شرح الجوانب السيئة والصور القبيحة للبشر ، يكفيك مجرد التلميح والتطرق العابر كما أسلوبك أخي ..



كل التقدير لمن كانوا هنا .. ثناء ، سلمى ، أخي / عبد الكريم .

شكرا اختي راحيل على هذه النصائح المفيدة
وانا اعتقد انها الطريقة المثلى للتربية لان اسلوب التخويف لا احبه ولا ارغب ان اضع القيود الصارمة في ارشاد الابناء بل دعهم يجربون.. واستغل اخطائهم وتدخل بالنصيحة بقدر الحدث
شكرا راحيل ....

[ثناء حاج صالح]

المشاركة الأصلية كتبت بواسطة عبدالكريم قاسم

ولا يهمك حبيبة قلبي ..شو عليه ..؟ إذا كنت بتنبسطي بإنك تفتري على عبد الكريم قاسم ...وين المشكلة يعني ..؟ خلص افتري عليه ونكدي عليه قد مابدك ...أنا ما عندي أي مانع... أنا كل اللي بيهمني هو إنك تكوني آخر انبساط ..وآخر فرفشة وزقططة ...خلص رحوولة ...نكدي وافتري على عبد الكريم ولا يهمك ......تسلملي هالضحكة ما أحلاها ....يسلمولي صفين اللولي ..عسل يا خواتي ..

يا عيني عليك يا ثناء منحتيها التصريح بالافتراء علي . يا حرام ما في حد يدافع عني ههههههههه
شو عامل انا يا ناس ؟؟؟؟؟؟؟؟؟؟ والله ما الي غير اختي سلمى هي تاخذ حقي منكن واذا ما قدرت رح استدعي البلدوزر علا الياس وقفوا بوجهها اذا قدرتو ..........

هههههههه
شو ع بتطلب النجدة من سلمى ومن علا ...؟
والله وجّعتلي قلبي عليك يا عبد الكريم ..يا حرام مالو حدا يدافع عنه ! .... ..
بصراحة أنا ما كنت عرفانة أنو إذا راحيل حاولت تنكد عليك إنك رح تتنكد فعلاً ...
بعدين فكرك يعني أنا ليش ع بسمحلها تنكد وتفتري عليك ؟ كله لمصلحتك إنت..فكر في الموضوع شوي ..؟
يعني بيهون عليك أنو راحيل تنقمع وتنكبت وما تعبر عن رغباتها بالنكد والعفرتة ..وبعدين الله لا يقدر يصير معها شي مرض نفسي وتتعقد ...ويوم القيامة ...الله رح يحاسبك كرمالها لأنو أنت السبب ويدخلك على النار ..هيك أحسن يعني ؟؟
يلا جاوب لأشوف ......شايف ؟ كله كرمالك وكرمال مصلحتك ..
بعدين وين المشكلة إذا رحولة حبيبتي تغالظت عليك شوي . مو إنت رجال وبتتحمل ..يلا يلا ..برّد أعصابك ..؟ ويا جبل ما يهزك ريح ..؟ وشو ما عملت راحيل تحملها ...وطول بالك عليها ..وأوعى تزعلها أحسن ما تتعقد البنية يا عيني عليها ..
وأحسن ما يقولو عليك إنك خايف من النسوان..
وع بستنجد بالنسوان كمان .....