طبق اليوم،الدعوة عامة..

[سمر محمد عيد]

مسا الخير يا أهل المحبة ووجوه الخير..
حبيت اجمعكن اليوم،واعزمكن على طبق طيب كتير،وبتمنى الكل يشاركنا،
حتى يصير في بيناتنا خبز وملح أو عيش وملح ..
وكمان يبطلوا يحكوا عني بالترفيهي،ومتل مابيقول المتل:ضربني وبكى ،سبقني واشتكى..المسامح كريم..
وعلى شرف المحبة،والود،بين الكل،رح نجتمع اليوم..
السفرة كبيرة،والوجبة الأساسية فيها ،طبق من المحبة،مكلل بورود التواصل والألفة،والسماح..
والمشروب الاساسي فيه كاسات الود والصدق والاخلاص ،والحلويات فيها مشكلة،وجوهكن الحلوة،وعيونكن اللي عم تقرا وتبتسم ،هاي أحلى وأطعم حلويات بالدنيا كلها..
وكاسات العصير طبيعي من فواكه بلادي،يلي المحبة بتغمرها وتزكيها..
أما القهوة ،فأكيد بهيل الشوق للّمة الحلوة ونكهة التفاؤل والأمل ببكرى أحلى وأجمل للكل..
على فكرة،السفرة بتتحمل الكل،لأن المنتدى الضيق بيسع ألف محب..
ومتل مابيقول المتل:اذا ما وسعتكن الحضون بنحطكن بالعيون..
مافي اعتذار وريجيم وما ريجيم..
الكل لازم يتفضل وياكل،والأكل على قد المحبة..
بتمنى تكونوا قضيتوا وقت ممتع برفقتنا..
ولاتنسوا :الأكل على قد المحبة
وعلى قد المحبة العتب كبير..

[هشام يوسف]

الله يسامحك يا أخت سمر !!!

دخلت بنفس مفتوحة، والجهاز الهضمي استنفر أعلى درجات الإستنفار، وكنت اظن إنك "ذبحتي" هالجاجة وجهزتيها في طبق شهي مع اللوز والبصل والذي منه.

على كل حال شكرا على الدعوة الكريمة والطبق المفيد وملحقاته الرائعة.

[عبدالسلام حمزة]

شو هاد سمر ؟
باينت ُ أكل صيني هاد , ما عرفت منه ولا شيء
اسمعي لحكيلك , مرة أولادي وزوجتي طلبوا ياكلوا صيني , ههههههههه , قلت لهم يا جماعة كلوا شيء بتعرفوا أحسن , أصروا على المطعم الصيني
فتنا يا محفوظة السلامة , وما بنعرف من الأكل شيء طلبنا حسب المنيو والصور , والأولاد مبسوطين على الأكل بالعصايتن تبع الصينين , المهم أجا الأكل , وبلشنا نذوق برأس اللسان , وصحنا للكرسون من شان يعمل لنا دورة سريعة ع الأكل بالعصي .
ما بديك بالطويلة , ظل الأكل على حاله , وما حدا أكل شيء طاول طاول , وكانت هاي فاطمة بنت فطوم .
وأنت شايف حكياتك ظراف كثير , بس شو هاد يلي بالطبق الله عليم .... ههههههههه
ميت هلا سمر , نورت الترفيهي من جديد , كنا راح نسوق لك جاها أنا وثناء وعبد الكريم .
بس طلعت أكرم منا ..

[حنين يوسف]

اييييييييييييييي والله الله يسامحك بس
انا جووعااانه وجاية ركض
على مبدأ العين تأكل قبل الفم أحيانا



بس وماله شبعتينا أكل قصدي كلام حلو
شكرا شكرا

[ثناء حاج صالح]

مسا الخير ..
امممممم
لك شو هادا يا سمر .؟
ونحنا اللي كنا مفكرينك زعلانة وعم نقول وينك يا سمر.....ها... هلأ فهمت كنت قاعدة ع بتحضري لهالعزيمة الملوكية ...هلأ قفشتك ..بس عن جد شو هالأطباق اللذيذة يلي عم بشوفها على الطاولة ؟ وشو هاالترتيب ...وهالأزهار فعلاً إنك مزوقة سمر .. ...شو هادا الطبق هونيك سمر؟ . هونيك هونيك جنب كاسات عصير الإخلاص والوفاء ..؟ نعم ؟ هادا طبق الحب .؟ عن جد منظرو كتير حلو ...معليش لا تقوليلي هلأ طريقة تحضيره .بس خليني أدوق لقمة وحدة منه قبل ما يجتمعو المعازيم ....ليش ع بتطلعي فيني سمر ...شو خايفة أنزعلك زينة الطبق قبل ما حدا يأكل ..خلص رح أصبر شوي... طيب وينكن يا جماعة ...تفضلو بقا ..ها ..هي هشام وحنين وعبد السلام وصلو . .سمورة حبيبتي أنا ما ضل عندي صبر ..قربيلي من جنبك صحن المحبة ...أيه شو هالطعم الطيب .يا عيني عليكي شو إنك خبيرة في فن الطبخ .ولا هالطبق المودة يا سلام شو زابط معك أممممم...بس بتعرفي كأنو مكترتيلو الملح شوي ..لأ لأ ...كتير طيب ملحو راكز فعلاً...بس أنا يبدو إني هريت عليه ملح لما كنت عم برش ملح على لقمة الصداقة ..وجبة دسمة .بس ليش الواحد ما عم بيحس أنو متغلب .أنا شخصياً لسا في عندي مكان في قلبي آكل الحلويات ...فشو محضرتيلنا يا أكرم سمر ...نعم ؟ ..كنافة بالحنان ..؟؟ ..كتير لذيذة وأنا من زمان مشتهية عليها
كلو حيتاكل يا سمورة ..ليش عم تطلعوا فيني هيك ؟؟؟!!...شو مفكريني صار لي يومين بلا أكل؟ ...يا جماعة ..والله أنا في الأصل كنت شبعانة بس لما شفت هالأطباق اللي محضرتها سمر فقدت المقاومة ..طيب والله خجلتوني ..خايفين ما أترك شي لغيري خلص رح أشرب عصير الشوق واللهفة وأنتظر لبين ما يجو كل المعازيم ..

[خديجة التازي]

الله يسامحك
زيي زي الاخوان دخلت وانا كلي شهية للاكل
وماوجدت الطبق كله اشواك من اين هذا الطبيخ ؟؟؟؟؟؟؟
اكيد من بلاد العجائب
(اقصد عجائب سمر)
تسلمين على خفة دمك
هههههههههههههههههههههههههههه

[اكرام كوثري]

سمورة احلى طبق اكلت في حياتى و احلىى كلام سمعته من اختى سمر
المقادير والطريقة من احلى ما يكون ومممممممممممممم لذيذ جدا مع تحلية المحبة والود دمت بخير و محبة متبادلة يا اختى سمورة وربي احلى طبق ;تستاهلي احلى طبق البسطيلة

[عبدالكريم قاسم]

كم لذيذ هذا الطبق . كنا بحاجة اليه من زمان
طبق من المحبة،مكلل بورود التواصل والألفة،والسماح..
انت طاهية ماهرة حتى في صياغة الكلام . جميلة هذه العزومة
اهلا بك اختي سمر نورت المنتدى من جديد
اطبخي المزيد فالكل سيحضر بافواه فاغرة وبطون فارغة .
اهلا بك مرة اخرى كنا نريد ان نأتي بجاهة وواسطة حتى نعيدك الينا ونحمد الله انك عدت .

[وائل سبعاوي]

؛؛

الكريمة سمر عيد

عيدكم وخيركم وصل

وسننتظر عيد المحروسة

أتمناه , ان يكون عيدااا غير عيد

نحبكم في الله أختاً عزيزة كما الشيماء

بوركتم ورعاكم الله حيثما كنتم

أخاكم في الدين والعروبة والوطن

شكراااُ لكم شُكرااا

//

[سمر محمد عيد]

صباح الخير والعطر لكل الموجودين..
طليت المسا من نافذة المنتدى ،وفرحت بقبولكم الدعوة وحضوركم السريع..
بغض النظر انو حضرتنا عرب وبنحب العزايم وبنهتم بالأكل كتير،لكن حضور العزيمة يعني الجاي كريم،
وما في أكرم من هيك أخوة وأخوات..
ليش مابتردوا علي..
صحيح نسيت أنو (عند الغدا ماحدا أخو حدا..)
و(عند البطون غابت الذهون..)
طيب شوي شوي،وبلا فضايح قدام الناس..
الله جعله مية صحة وهنا،ومطرح ما يسري يمري..
نورتونا وشرفتونا..

[سمر محمد عيد]

المشاركة الأصلية كتبت بواسطة هشام يوسف

الله يسامحك يا أخت سمر !!!

المشاركة الأصلية كتبت بواسطة هشام يوسف

دخلت بنفس مفتوحة، والجهاز الهضمي استنفر أعلى درجات الإستنفار، وكنت اظن إنك "ذبحتي" هالجاجة وجهزتيها في طبق شهي مع اللوز والبصل والذي منه.

على كل حال شكرا على الدعوة الكريمة والطبق المفيد وملحقاته الرائعة.

صباح الخير أخي هشام
مية هلا ومرحبا بحضورك الكريم..
أنا من زمان قلبي حاسسني أنو عينك عالجاجة،وحاطّها ببالك..
وديتها شرق وجبتهاغرب،تروح وترجع عليها،
وناوي تذبحها وتاكلها كمان..
هالجاجة مو للأكل،هي رمز لعبور الطريق..
،خليها تمر بحالها..
أنت قيمتك عندنا كبيرة كتير،ومادمت أول الحاضرين،فدغري بوجهك عالصدر
والصدورة للقدورة ،مد ايدك وغمّس من هالطبق الجميل..
مية صحة وهنا أخي هشام ..

[سمر محمد عيد]

المشاركة الأصلية كتبت بواسطة عبدالسلام حمزة

شو هاد سمر ؟
باينت ُ أكل صيني هاد , ما عرفت منه ولا شيء
اسمعي لحكيلك , مرة أولادي وزوجتي طلبوا ياكلوا صيني , ههههههههه , قلت لهم يا جماعة كلوا شيء بتعرفوا أحسن , أصروا على المطعم الصيني
فتنا يا محفوظة السلامة , وما بنعرف من الأكل شيء طلبنا حسب المنيو والصور , والأولاد مبسوطين على الأكل بالعصايتن تبع الصينين , المهم أجا الأكل , وبلشنا نذوق برأس اللسان , وصحنا للكرسون من شان يعمل لنا دورة سريعة ع الأكل بالعصي .
ما بديك بالطويلة , ظل الأكل على حاله , وما حدا أكل شيء طاول طاول , وكانت هاي فاطمة بنت فطوم .
وأنت شايف حكياتك ظراف كثير , بس شو هاد يلي بالطبق الله عليم .... ههههههههه
ميت هلا سمر , نورت الترفيهي من جديد , كنا راح نسوق لك جاها أنا وثناء وعبد الكريم .
بس طلعت أكرم منا ..

صباح الخير أخي عبد السلام..
بوجهك عالصدر كمان،على يمين الأخ هشام حتى تشجعه ،وتدعمه،تراه جاي ومتعني من فلسطين الغالية وواجبه عنا كبير..
لقيت هالوردات أجمل ، صافية و رايقة متل طلتك علينا دايما
الأكل الصيني ،الله لايوريك اياه ،مابدي اتوسع فيه حتى ماانزع القعدة الحلوة..
أمانة لاتخجل وتاكل،ترى العزيمة، طال عمرك،على الغدا،مو العشااا،حتى تاكلوا براحتكن..
مية السلامة خيو عبد السلام..