بيرم يحذر المصريين من انتخاب الفلول

[هشام النجار]

بيرم يحذر المصريين من انتخاب الفلول

قصيدة لبيرم التونسى عن البرلمان اللى فات بمثابة عنوان فى تحذير شديد اللهجة للناخب المصرى حتى ( لا يُلدغ فى نائب مرتين ) .
بيرم هنا كأنه يحذر: اياكم يا مصريون من الفلول ، وما مارسوه من تغليب لمصالحهم الشخصية على حساب مصالح الشعب المقهور !
بيرم يقول لكم يا مصريون : اذهبوا الى الصندوق بعقل واع وذاكرة فولاذية ، ولا تنسوا أبدا ما جرى فى ( البرلمان اللى فات ) :

فى البرلمان اللى فات عدينا كام سمسار
السمسرة صنعة أصلى والنيابة ستار
سمسار معاه الحصانة والحصانة جدار
يستر جرايم تدخل مرتكبها النار
سمسار فى جيبه قضايا الناس فى أجندة
عن عمدة ينشال وغيره يتعمل عمدة
ومهندس الرى يترحل لأوغنده
واذن تصدير يصدر ألف طن خضار
سمسار وكرامة يدخل الوزارات
يقضوا له صفين من بهوات ومن بشوات
ويعين ابنه الجهول فى أرفع الدرجات
ولا يقول الحكومة موظفيها كتار
قالوا انتخابات حرة لازمة للبلد فورى
كدا الدساتير تقول والمدة دستورى
علشان تقوم لك مظاهرة فى أربعين لورى
يستنخبوا المحترم بالطبل والمزمار

النائب الذى لا يستحق صوت الناخب هو الذى لا يحترمه ولا يقدر مشاعره ، بحيث يجلس فى كل مرة أمام التلفاز يتفقد الحضور فلا يجده ؟
أين ( ذهب بسلامته هذا المساء وكل الأماسى ) ؟
لماذا لا يراه جالسا على أى كرسى من الكراسى ؟
لماذا لا يقدم استجوابات وطلبات احاطة ؟ لماذا لا يرفع صوته ويطالب بسحب الثقة من وزير مهمل أو آخر فاسد ؟
مما جرى فى ( البرلمان اللى فات ) لابد أن يتعلم الناخب ، فلا يُعطى ثقته وصوته ل( اللهو الخفى ) الذى يتكرم عليه بالحضوره كل سنة مرة .
يقول عمنا بيرم :

فى البرلمان اللى فات اللى امتلا محاسيب
كان يجرى قدام عنينا كل أمر عجيب
فيه لما كان الوزير يشخط ما يلقى مجيب
واحنا اللى ياما هتفنا لهم وصوتنا
نايب حارتنا فى يوم يحضر وعشرة يغيب

اذا غاب النائب عن المجلس غاب الرقيب وغابت القضية وغابت الحقوق وضاع الصوت ، وهنا يتحدث عمنا بيرم بلسان ( 80 مليون مصرى ، اللى ياما قاسوا من دولة الخاينين ) :

فى مجلس الأمة نايب عنه وكيله أمين
يا هلترا مين وكيلك فى النيابة مين ؟
يحفظ حضوره مقامك وانت من الغايبين
يعرف وجعتك ويطلب لك دوا ناجح
وانت اللى ياما قاسيت فى دولة الخاينين

النواب كثيرون ( والنائبات أيضا ) والمرشحون كثيرون ( والمرشحات كذلك ) والفلول حاضروت ( والفلات أيضا ) وقانا الله واياكم شرور ( الفلول ) وشرور ( الرشح ) ، والمغريات كثيرة والوعود ( على قفا من يشيل ) والابتسامات والهبات واللحوم و( الهدوم ) توزع بلا حساب ، لكن ( حاسب ) أخى الناخب .
عمنا بيرم يقول لك ( حاسب ) من الفلول ( وفلوس الفلول ) !

نواب ونواب وحاسب يللى لك نايب
تعطى لخاين أمانتك ولا للخايب
حايحبك من تحسبه فى محبتك دايب
وهو ( بالذمة ) لا مودى ولا جايب
وهو يكسب وانت تطلع العايب

لكن ما هى السبل والطرق و( المسالك ) ، المسالك ( اللى نهايتها المهالك ) ؟
كيف كان يعوض نائب الوطنى المنحل تلك الملايين ( المتلتلة ) التى صرفها ؟
سؤال حارت فيه العقول والأفهام ، فكيف تصبح الآلاف ( بقدرة قادر ) ملايين ، والملايين مليارات ؟
بيرم الخبير المحنك ( فاهم الفولة من زمان ) ، ويعلم جيدا من يومه ( ازاى النائب اياه بياكل على ضرسه ) ، يقول :

( وحياة غلاوتك ) عندى لأشترى لك كرسى
وأدخل مزاد الكراسى زى ما ترسى
خمس فدادين حابيعهم واحسبيها قمار
ينحطوا للواجبات والفتة والأنفار
ويومها أعرف أنا آكل على ضرسى

هشام النجار