همسة عتاب

[عصام مرزوق العويضى]

عملت فيكى ايه انا
غير انى حبيتك
حب وحنان وموده
وقلب طاهر وصافى انا اديتك
حبيتك وبكل صدق ويقين
غطيتك برموش عيونى السهرنين
اديتك اخلاص وحب وحنين
اديتك من عمرى ليالى وسنين
اديتك سهر
وبعتلك رسيل كتير ويا القمر
وبعد كل ده سبتى قلبى لوحدو حزين
خنتى السهر خنتى اليالى بعتى الحنين
متستهليش دمعه وحده تنزل من العين
متستهليش كلمة بحبك لانك غداره
كنت بشوف ديما فى عيونك نظره محتاره
كنت بشوف فيكى قلب بنت جباره
كنت بحس ان هياجى يوم ونبعد
بس يا خصاره
على الحب وليالى العشق
كان صعب على اصدق اننا نبعد
انك تنسى كل شىء وفلحظه
كل واحد فينا يبقى فى طريق
يدور على حلمو تانى بعد ما ضاع منو البريق
بعد ما كنت بخلصلك
وبقلك ديما انا الاخ والحبيب والصديق
بقيتى بنسبالى وهم
وبقتل جوايه ليكى كل حلم
وبقتل جوه جوفى اى حب ليكى
حتى لو كان قلبى لسه بينادى عليكى
هكممو
واى جرح كان بينزف منك هلملمو
واداوى نفسى
وارجع من جديد انسان
وهبعد بعيد عنك وعن الاحزان
مش هعيش طول عمرى ابكى عليكى
وافضل كده ندمان
بس السؤال
انا عملت ايه فيكى الا انى حبيتك
وجيت من بعيد اوى
لعند باب بيتك
ووقفت قدامك وباعلى صوتى عندى ناديتك
واديتك حب وحنان
كان همى بس ابعد عنك الاحزان
رسيت امواجك العتيه على الشطان
قربتك من قلبى اوى
وانتى متستهليش
انك تعيشى فحياتى
واوهبلك كل الى راح من عمرى والى اتى
متستهليش اهاتى
ومن جوايه خلص همسك من ذكرياتى