الاخ العزيز عبد الحليم مدكورمن اجل خاطرك كتبت هذه الابيات بصيغه غيرالاولى وحاولت قدر استطاعتى ان تكون افضل من الصيغه الاولى انتظر مرورك وتعليقك عليها
ياأمة كانت
بفكر فيك يا امه ياللى ملكت العالم عهود
جاك يوم وانفرطت فيه حبات العنقود
من مستعمرين قبل ما يرحلوا كتروا الحدود
ووسوسوا للجار والجار ان لا يتفقا على بنود
* *
واللى يجيلكوا بسلام رد عليه الكلام بكلام
وخلى بالك منهم ليسرقوا عش الحمام
وامسك ده سلاح من غير امان بيموت اوام
اضرب بيه جارك واخوك قبل ما يقول سلام
* *
أأأه يا امه من يوم الدسائس والاخوه شتات
وردوا الابواب فى وش بعضهم كانهم مش اخوات
خايفين من بعضهم لواحد يقول للتانى ياخويا هات
ومن بعيد يشاوروا لبعض بالايد ويقولوا سلامات
* *
عجبى على بشر كانت من الاجواد
صبحوا حيارا ولا لهم عمل مثل الاجداد
يمدوا للغريب اديهم ويقولوا هو ده السداد
وشطرين لما يموت الاخ والجار يلبسوا لبس حداد
* *
ياريت يامه تصحى وتوحدى الصفوف
قبل ما يجى عليك يوم يدقولك الدفوف
ويحرضوا عليك لائام ما يعرفوا الخوف
يفسدوا من ورى الستار ويقول احنا ضيوف
* *
اه بتمنى يوم اروح لاخويا اللى جارى
وعدى الحدود من غيرما حد يمانعنى
ولائى قلوب مفتوحه لى تامن لى وتامن لجوارى
وعينى لا تمتد الا للى هو حلالى
* *
ااه يامه الدنيا ولعت عليك نار
وانتى لسه ما توحدتى ولا اخذتى قرار
مستنيه لما يجوا يهدوا عليك كل جدار
اصحى فين ايام ما كنت حره من الثوار
* *
بكيت عليك يامه كـتــــيروذاد النحيب
واتحشرج الصوت فى حلقى والروح بتغيب
يا هل ترى هتعود ايامك تانى وطيب
ولا تضلى كده كالشمس ساعة المغيب
* *
ياريت تعود ايام عزك من تانى
وابات مطمن على بيتى وعيالى
واقوم مع اول خيط للفجر حيانى
وان جه حرامى اقطع رقبته بسنانى
* *
ياريت الحدود الموانع اللى بينا تتوه
وتجمعنا احكام الدين اللى اربتم تنسوه
ونترك الخلاف اللى المجرمين انشاءوه
وتعود لمتنا والسلاح يحمى السلام لا تغمدوه
* * *
05-08-2009, 02:48 PM
يا أمة كانت
رد: يا أمة كانت
العرض العادي
