اولاد ...وضيعه ..وعسكر

برهان زيدان · 07-10-2009, 06:22 AM

الى ذكرى حرب التشرين 1973
الى من رحلوا ..ولازالوا يرحلون ...عسى ان يتحقق لهم ولنا ذاك الحلم ...الذي كلما اوغلت هذه الامه بالخيانات..كلما اصبح بعيد المنال ..
اليهم ..في كل حين ..
في كل نبضه ..
في كل رمشة عين ......شهداؤنا .

...............................................

من عمر ..كنا..... بضيعه
سوا...من يوم كنا صغار
من سنين فاتت ع الدني
فقنا بهاك الدار...
فقنا ع دني ملونه بالحب...
متل أحلىصبيه مكلله بغار
من عمر ...من ماضي زمان
كان الوفى ...وكنا
نقضي ليلناحكايات.... نتهنى
وقديش كنا بليلات الفرح....نتمنى
مشوار من عمر الوفى
ومع الرفقات ...عشنا سوا مشوار
وفرقنا العمر, فرقنا
العمر غدار...صرناكبار.... وكلمن بقالوا دار
عبالنا نرجع بعد مادار العمر
بعد العمر مادار
عبالنا نرجع لضيعه...فيها أولاد منسيين
هونيك ورا حدود السما...تخمين صارواكبار...
مو تاري العمر فراق ...
حملنا الفراق وطار..ودانا ورا حدودالسما ......................وكلمن بقالوا دار
****************

ومشوار راحوا من يوم ,ما نادى الوطن الأولاد..
.وداهن ع خط النار......
وراحوا ع بالي يرجعوا تخمين
ومرت الأيام نستنى......... بتقول مر سنين
السهر دوبنا.............. قطعنا الحنين
وايدين تعبها الومى...وعيون غرقانه بالدمع
علقانه ورا حدود السما....
عم تنتظر الاولاد بلكي راجعين
تخمين بكرا بيرجعوا تخمين
ورجعوا الأولاد من بعد القتال ...
بعد ما ضلت معاركنا ليالي طوال
بعد ما فجروا أرض العدو بزلزال
ورمال بالدم رووا رمال.....
رجعوا بفرحه مكللين بغار...حاملين أخبار خط النار
هونيك خيي معاهن صار
بكرا بطل رح يرجع من المعركه
شي نهار إلا مانقعد سوا...
بفكري بعد عيد النصر رح نلتقي...
.....ويحكيلنا شو صار شو ما صار
*************************
وإجا العيد..
شوخبروا بهالعيد
شوقدموا بالعيد عيديه ....؟
شو قدموا هديه....؟

قالولنا خيي شهيد ...
هونيك هو وجنود
بمدفع تخطو حدود
قاتلوا باصرار..
ردوا العدو عن أرضهن ,واستشهدوا ...
وراحوا بها المشوار........................................... ....
وتذكار.....
وتذكار شو خلى البطل تذكار
غير البكي .....صوره ورساله.....ورفقة ليالي .....

وصدى مشوار

سليمان محمد شاويش · 12-10-2009, 10:52 PM

اخى برهان زيدان تحياتى واحترامى
ابياتك دمها خفيف وجيدة جدا فكرتنى بايام جميلة مضت ليتنا نتذكرها دائما تقبل منى الود والصداقه
وافضل ما اقدمه لك هو ان اقول لك انك احسنت الابيات والموضوع ممتاز واكثر والأسلوب ممتع
عزيزى دمت بخير

برهان زيدان · 14-10-2009, 04:02 AM

اخي سليمان
اسعدني مرورك الكريم على صفحه ..كانت تمل الانتظار وحيده ..
شكرا للود الذي قدمته ..
..
اما عن المحكيه ..فتلك ذكريات ليوم كانت للقريه (الضيعه )كل معاني الكرم والوفاء ..
تختلط باولئك الذين لم يتوانوا عن الزود عن ارضهم .
ورحلوا في مشوار بعيد ..............................

شكرا لحضورك ومرورك ..

رانيا حاتم أبو النادي · 15-10-2009, 12:36 AM

رحلوا ليتركوا خلفهم حكاية النصر والصمود والتضحية
شكرا لحروفك الجميلة
تحية احترام وتقدير ،

برهان زيدان · 18-10-2009, 06:45 AM

شكرا لحضورك اخت رانيا ..
قد يكون الرحيل سمة لهم الان ..ولكنهم لابد باقون ..
فمن سيكمل حكايا ..او أناشيد الانتصار