مدااح
عاشق أنا مداح لسيد ألعالمين
أمن من يوم مولده ليوم الدين
كانت له علامه عند أبوه و أمه
من قبل مولده هى نورألجبين
دولا خلقهم ربنا من ألموحدين
وجده عبد ألمطلب سيد ألقرشيين
تايه أنا فى حب ألنبى من سنين
وكل ما أرسى على بر يقولولى أنت مين
* * *
واقف بنادى بصوت عالى وأصيل
يا أهل ألحته ويا أهل الحى
أوعوا تنسوا ربنا قائم وحى
واللى قالوا محمد من عند ربنا جاى
حامل رسالة محبه وايمان
ودعوه للعالم يبايعوا للاسلام
وأعلموا ياخلق ان ربنا ما بينام
* * *
مداح ياناس أنا مداح
وبين كل كلمه وكلمه بقول سماح
دا أنا لما أشوف محمد أنا هرتاح
منور بنور الله و هو نور ألفلاح
ماسك قلبى بأيدى وفى التانيه سلاح
أشاور بيه من أجل ألصلاح
و برفع ايديه لله وأقول يافتاح
* * *
كتير كتير بحس انى من ربى قريب
بطلب منه وهو دايما مجيب
والابتسام على وجهى لكل حبيب
وأهل البيت لهم فى كل حته خطيب
أجلس بين اديهم أسمع وأطيب
دا ذكرهم بيشفى القلب وعنه ما بيغيب
* * *
من غير تعجب ولا أستفهام
اللى خلق محمد خلقوا بحسن بيان
رساله من ربه تشفى فى كل وقت وأوان
هى رساله معروفه هتشهده للعيان
أجرنى يا محمد دا الناس بطلت تفهم ألكلام
وألصبر قربيولى وألدنيا بتلم ألحنان
* * *
راجع لكم تانى بحسن ألختام
كلام كله أمل وفيه أمان
أذكر ربك وصلى على النبى العدنان
كده ألصبر يطول والحنان ينصان
أأه مداح يا أبا ألقاسم مداح
وعمرى كله بدور على عاصم بالفلاح
يعصمنى من ذلتى ولو كانت ذلت لسان
* * *
مافى غيرك يابادىء دار السلام
خدنى لعزوتك وضمنى ضمه تجدد فى ألايمان
وياريت أكون على باب ألبيت حارس وديدبان
أبوس ايديك ألاثنين وأعيش على ألاسلام
وأدعى ربنا ننهض بدينا ونخلى بلادنا بستان
* * * *
23-08-2009, 04:47 PM
مدااح
رد: مدااح
العرض العادي
