هتفضل حبيبى / أول مشاركة لى هنا

[الهام احمد سعد]

أكيد انت عارف بإنك حبيبى
وإنك حروف الكلام ف القصيدة
وإنك قصيدتى اللى جاية ف خيالى
وإنك ف بالى
وبدر الليالى
وبسهر ليالى أفكر ف حالة قلوبنا اللى دايبه
ف حالك وحالى
وقادر ياربى تجمّع مابينا
ماتبعد قلوبنا وتسعد قلوبنا
تحقق سؤالى
أكيد انت عارف
بانى بحاول أخبى اللى بيا
أخبـّى المشاعر وشوقى وحنينى
ولكنى باغلب
فيغلبنى شوقى
وتفضحنى عينى
باخبـّى كلامنا لشوقنا ياخدنا
فتبدأ عيونا تقول ف الكلام
فخاف حد يعرف
ومين اللى هيشوف عيونـّا وما يعرف؟!!!!
بحبك وعارف
بحب المذاكرة واحب الكتاب
عشان جو منهم كتير بلقى إسمك
فاخطط واعلم
وأرسم قلوب
وإسمى وإسمك
وحرفى وحرفك
وبينهم بحبك
وفيها بدوووب
أكيد انت عارف
وحاسس وشايف
بهمس الشفايف
وقلبى اللى خايف
فيجرى لقلبك ويتحامى فيه
فحبك يقويله ضغفه اللى فيه
ويزرع ف قلبى الأمان والحنان
فبملى عيونك بضحكة عيونى
ويبقى سكوتك كإنه الكلام
كإنه الكلام اللى قاله اللى قابلك
وقبل اللى قبلك ف قصة غرام
وقلبى يقابلك ف كلمة بحبك
وقبلك يا قلبى محستش عينى بمعنى الأمان
فخليك معايا وخلينى جنبك وإيدى ف إيديك
هنبنى السعادة لكل اللى جىّ
هيفضل هوانا اللى جوانا حىّ
هتفضل حبيبى وهفضل أحبـك
وهفضل أقولها
بعينى بقلبى
ف سـرّى بلسانى
هتفضل حبيبـى
أكيد انت عارف بإنك حبيـبى

[عودة ابوخماش]

الاخت الهام/قرأت هذه المشاركة اكثر من مرة فوجدتها مثيرة للاهتمام فيها الموسيقى والمشاعر واضحة
اتمنى لك التوفيق وان اقرأ لك المزيد

[عبير هاشم]

وإنك قصيدتى اللى جاية ف خيالى
وإنك ف بالى
وبدر الليالى
................
العزيزة الهام
جميلة جدا كفكرتها
مع تمنياتي لكِ بالسعادة مع من تحبين
تحياتي

[وداد الهوارى]

الأخت الشاعرة / الهام أحمد سعد

أنت شاعرة قوية متمكنة من أدواتك والفكرة رقيقة

مفرداتك مناسبة لقصيدتك ولكنك تقطعين الشطرات

كأنك تنقرين بأصابعك حتى لا تضيع منك التفعيلة .
هكذا وجدتك


ولكنك جميلة .

وداد الهــــــــــــــــوارى

[عادل عوض سند]

الاستاذه الشاعره الجميله
إلهام احمد سعد
اتشرف بأولى مشاركاتى ايضاّ واسمحى لى ان اقول وبملىء فمى :
انتى شاعره بكل ما تحمل هذه الكلمه من معنى . متمكنه فى تناولك للموضوع . تماسك الفكره دون ترك
فراغات معنيه . الإلتزام الواضح بالتفعيله من اول شطره لآخر شطره . البعد الكامل عن ما يسمى بالقصيده النثريه والتمسك ببحور الخليل فاخذتينا لنسبح معك على بحر المتقارب هذا البحر السريع السلس .
قصيده كتبت لترفع رصيدك فى قلوب قارئيها فشكراّ لقلمك الرائع وتقبلى تقديرى ...