تيت تيت تيت تيت
قطري مميز مش تهريج
بدون نقاش وبدون تفصيل
يوصل في يومين ودا انجاز كبير
وتيت تيت تيت تيت
قطري مميز مش تهريج
الاخ اللي طالع علي الشبكة علشان يريح
غير الكرسي اللي عمال يزيق
والريحة تشمها تقول يا لطيف
وتيت تيت تيت تيت
قطري مميز مش تهريج
والراجل اللي قاعد في العربية الرابعة
وبيقول إسمع يا حرشة وإسمع يا ولعة
دي البلد محتاجة جرعة
مش شباب مدروخين
وتيت تيت تيت تيت
قطري مميز مش تهريج
وبتاع الكازوزة اللي طافح الدم
شايل الجردل ورايح جاي
والواحدة بجنية
ووسع يا بية
ودهرك يا مدام
إحنا في زمن جنان
ناس بتركب طيارات
وناس طالعة عينها في القطرات
ما تقوليش مضروبين في خلاطات
وسلملي علي أصحاب الملايين
وتيت تيت تيت تيت
قطري مميز مش تهريج
وإلا بتاع المناديل إوعي الانفلونزا
إشي طيور وإشي خنازير
وإسترها يا كبير
وزينة يا مناديل
تيت تيت تيت تيت
قطري مميز مش تهريج
رضينا بالقطر والقطر مش راضي بينا
يعملوا فينا ويخلوا فينا
مكتوب ع الزمن إنة مش لينا
دا إحنا والله مولعين
وتيت تيت تيت تيت
قطري مميز وبدون تهريج
15-06-2009, 05:15 PM
تيت تيت تيت تيت
العرض العادي
