هو الشيطانى كده ..!!

[ربيع عبد الرحمن]

[align=center]هو الشيطانى كده
إيه الجديد هاتقوله
لبلاب بياكل من جبين غيره
غريبة تايهة بتخطف زى حدايه
كتاكيت بلدنا فى القبضة حناية
لو كان له أب
ما عاش كما الحرباية
وجرادة حاطه فى كل غيط
بلا هدف و لا غايه
إلا خراب العمار
وبيوت كتير بتروح
وتنشف مساقيها
علشان ايدين النجاسة طالت سواقيها
لو كان له أب
ماعاب و احترم ناسه
دا الاب رفعه ودافعه
فى الطهر وناسه
دليل و آية فى الكتاب لو يقرى
ويشوف بعينه الكليلة
الدمعة من روحه
تفيض تباريحه
لو كان له أب
كان عرف بيته
كان زرع غيطه
سنابل حب مع تقوى
وماكنش ضل الطريق
وساب للغريب بيته
هو الشيطانى كده
لو شاف فرح منصوب
فى لحظة يكون مقلوب
نفسه الخسيسة رهان
بخطره قدمها
للذل للخرفان
و بعقد كانت فى لحظة
مملوكة لشطان

ونقول كمان[/align]