درويش....

[د. محمود إسماعيل خليل]

درويـــــــــش.....!

بحــبّك...
شو بعْــمِل
هالقلب درويـــــــشْ....
ما بيرتشي
و لا بيقبل البقشيـشْ..
و بعـْدِك بتحكي
بسيرة الخطبة...!
غرام الدّهب
شاطح عن العتبة..!
صار الفقير
بكارْ المـْحبــّة (الكار: الصنعة)
متليك حقــّو ( المتليك : عملة قديمة رخيصة)
بسوق لطرابيــــشْ...!
لا بيت عندي
لا تخت... لا سرير
بزْرع قمح
يطلع بأرضي شعير...!
و يوم الـ بيمرّ
بلا شقا و تعتير
ما بينحسب
من عمر لدراويش...
و مغنــّجة إنتي
و أنا مديون
بنـْطر شهر
تيفوت عندي زبون
عندي قلب
رح قدّمو رعبون
بكرة إذا سكنتي
تبقي افرشيه بريـــشْ...

د محمود إسماعيل خليل

[د. حورية البدري]

كلمات جميلة د. محمود

دُمت بكل خير

تحياتي