الناحية التانية ( قصيدة لأشرف الشافعى )

[أشرف الشافعى]

ياااااه
اتسرق العمر بسرعة غريبة
وانا لسة ما عملتش حاجة
لسة بادور
ع اللى يورينى السكة
ويعدينى للناحية التانية من العالم
لسة باقوم الصبح برغم مرور السنوات
أنحنى على كف أبويا أبوسها
رغم انه ف عالم تانى من ستاشر سنة او اكتر
لسة لغاية دلوقتى
باتمنى أطول ترباس الباب
اللى فاصلنى عن الشارع وضجيجه
بس اما بافوق
وارجع احاول ابص على الباب
بالقانى برغم الطول الفارع
مش قادر اوصل للقفل اللى عليه
من كتر الطول فى الجسم وايام العمر
مش قادر أميل وادخل
علشان ارتاح
م الزحمة وضجيج الشارع .

[عيسى عدوي]

أخي اشرف ...
تحيتي لأبداعك ...الجميل جدا ...
أتمنى أن أقرأ لك في المستقبل القريب ..شيئا يحيي الأمل في قلوبنا ...كفانا حزنا ويأسا وعجزا ...
أنا أعلم أن الوضع صعب ...وإننا مش عاجبين على أي صفة كنا عليها ...لكن صدقني إن هذا الآنسان العربي الأصيل معطاء ..وقدم الكثير للحضارة البشرية ...وكلها ..كم سنة وتتعدل الأمور ..
دمت رائعا يا اشرف

[إياد حياتله]

يعجبني الشجن المزروع في حنايا كلماتك أخي أشرف
أحسنت

[وفاء أمين]

أتسرق العمر وكلنا بندور عاللي يعدينا الناحيه التانيه
ولسه ماعملناش حاجه؟؟؟
صدقت ياأخي الشاعر/ أشرف الشافعي
لكن ياتري ليه عشنا الغيبوبه دي؟
وليه بنفوق منها متأخر؟ياتري سينماأمير اللي في الزقازيق علي بحر مويس
هيا اللي أنت تقصدها؟
جميله وشفافه وخضرا أشعارك
الشاعره وفاء أمين..عضو إتحاد الكتاب المصري

[أشرف الشافعى]

المشاركة الأصلية كتبت بواسطة وفاء أمين

أتسرق العمر وكلنا بندور عاللي يعدينا الناحيه التانيه
ولسه ماعملناش حاجه؟؟؟
صدقت ياأخي الشاعر/ أشرف الشافعي
لكن ياتري ليه عشنا الغيبوبه دي؟
وليه بنفوق منها متأخر؟ياتري سينماأمير اللي في الزقازيق علي بحر مويس
هيا اللي أنت تقصدها؟
جميله وشفافه وخضرا أشعارك
الشاعره وفاء أمين..عضو إتحاد الكتاب المصري

الشاعرة الرقيقة الواعية وفاء أمين
أصافح إسمك لاول مرة وهذه جريمة
تدل على انى كبرت وخرفت ومش متابع كويس
لم أذكر هنا سينما امير فى هذا النص
لكنها بالفعل مذكورة فى نص آخر لى وهو إلحق واتشاهد
وسنما امير واحدة مهما اختلفت اماكنها
هى فى النهاية نافذة ما نرى منها العالم فى احد صوره
لكن عشان خاطرك .. هى سينما امير إسكندرية .. مبسوطة كده
فكيف حدث هذا اربط
على كل انا سعيد بمرورك
لك مودتى
أشرف

[ميسرة صلاح الدين]

أشرف العزيز

النص دا من اول النصوص اللى انا قريتها ليك فى المنتديات

ودا من أحب النصوص بتاعتك لقلبى

فى تجسيد لحالة الفقد وحالة الوجع

اللى الواح بيوصلها
ودى فى الحقيقة مش حالة حقيقية

لانه زى ما قلت فارع الطول لمن كل الطول دا واللى هو معادل موضوعى للسن والخبرة

والمسئولية المرمية
علية رغم كل دا عنده حالة من فقد الامان نفسه يدخل ويرتاح

يدخل بيته يدخل حضن ابوه المهم ميبقاش هو المسئول

لانه ببساطة العمر اتسرق منه ولسه

معملش حاجة

أشرف الموضوع دا يتقال فية كتير بس يا ريت تسامحنى على التقصير فى حق النص بتاعك

[أشرف الشافعى]

المشاركة الأصلية كتبت بواسطة ميسرة صلاح الدين

أشرف العزيز

النص دا من اول النصوص اللى انا قريتها ليك فى المنتديات

ودا من أحب النصوص بتاعتك لقلبى

فى تجسيد لحالة الفقد وحالة الوجع

اللى الواح بيوصلها
ودى فى الحقيقة مش حالة حقيقية

لانه زى ما قلت فارع الطول لمن كل الطول دا واللى هو معادل موضوعى للسن والخبرة

والمسئولية المرمية
علية رغم كل دا عنده حالة من فقد الامان نفسه يدخل ويرتاح

يدخل بيته يدخل حضن ابوه المهم ميبقاش هو المسئول

لانه ببساطة العمر اتسرق منه ولسه

معملش حاجة

أشرف الموضوع دا يتقال فية كتير بس يا ريت تسامحنى على التقصير فى حق النص بتاعك

اخى ميسرة
انا المقصر ولست انت
فسامحنى على تقصيرى فى حقك وحق شعرك
واشكرك على دماثة خلقك
ادعوا لى
تحياتى