معنى الرجولة

[دصبرىإسماعيل]

معنى الرجولة

بقلم د/صبرى إسماعيل

ل الرجولة ألف معنى
مين سامعنا؟
مش ولد شرير بايعنا
يخدعك وبكل لون الألعوبـــــــــــان

لو يجيك ف الجامعة طالب
له مخالب
أو أبوه واصل وغالب
تسأله وبكل عدل عند لحظة الأمتحان

أو يجيك فى الشغل واصل
مهما حاصل
ترتعد منه المفاصل
وبشجــــــــاعة قلت لأ مهمـــا كان

أو كبير الكلمة نافذة
فى المحافظة
رشوة جاتلك بأعلى قفزة
قلت أخاف المولى ربى المستعان

أو لواء فى الداخلية
فيه قضية
واد برئ مسجون أذية
قمت ناطق بالشهادة وبالأمـــــان

أو وظيفتك يوم طبيب
لا رقيب
إلاّ رب الكون حبيب
لا ساومت ولا هربت من المكــــان

لو مدرس فى الحكومة
زى سومة
تقبض الجنيهات ظلومة
لا تسابق ع الخصوصى بإمتهــــان

لو بطل فى الجبهة جندى
زى شندى
حالف أنت تبقى زندى
تحمى فينا معدنك واضــــــح وبان

لو بتعمل فى الجمارك
لا معارك
لو مُهرب يوم يهدّم لا تشارك
ماتبيع نفسك لجـــــــاهل باع وخان

لو ولد دايما مسافر
أو تهاجر
بالوطن دايماً تفاخر
لا تكون عفريت كأنّه لابسه جـــان

لو صنايعى سلاحه أيده
أيه يفيده
ألاّ خير بالخير يزيده
وأحلــــــــى صنعة نحس بيها بإمتنان

لو تكون أعلامى لامع
لا تخادع
تخشى ربك خير سامع
صوته يوصل بالرســـــــاله ل العنان

لو وصلت إلى الوزارة
بالشطارة
كل همك أهل بلدك وبمهارة
والوساطة فى اعتقادك لا مكـــــان

لو كبير الأرض ديه
كن هدية
علّى ف بلادى الأبية
لا يكون الشعب فرساً للرهــــــــان

هى دىمعنى الرجولة
مش فحولة
مش جعورة أو رشاوى أو عمولة
أو بإيد الهـــــون بتضرب يا شيطان

مش سيجارة تهّب فينا
سنين حزينة
أو رصيف دايماً تهدّه ف المدينة
أو فلــــــوس البنك تسرق يا جبان

الرجولة أنك تراعى
كأى راعى
كل أهلك وأنت واعى
خاف ألهك وأبقى ليّه صمام أمـــان

د صيرىإسماعيل

[عيسى عدوي]

صح لسانك أخي صبري
هذه فعلا هي الرجولة الحقة
ما أحوجنا لمثل هذاالشعر المعلم
تحيتي لك وأهلا وسهلا بك في أقلام العزيزة

[دصبرىإسماعيل]

إنسان وخالقه ربنا من عدم
يبنيه ألهه لكن لنفسه هدم
طب أيه يفيدك يابن أدم
لو تهت أنت ألف كلمة ندم

[عيسى عدوي]

ما دام ربي اللي خلقني من عدم
هوه اللي يبني كل حاجة بتنهدم
عمره ما ينفعني العتب ولاالندم
ما دمت تايه وانزلق مني القدم
ما في إلي إلا برحمة هالكريم ..
يغفر ذنوبي ويمسح دموع الندم

[حسن النوبي احمد]

اشكرك لهذ الموضوع الشيق وهذه الكتابه البديعه ... هوه ده معنى الرجوله

[كفا الخضر]

الدكتور والشاعر المبدع
بورك لك في قلمك وفي شاعريتك
صوبت كلامك نحو اعوجاجنا الذي يكاد يهدم كل جميل بنيناه وبناه من قبلنا
التحية لك دائما

[دصبرىإسماعيل]

أخى حسن النوبى أشكرك على مرورك الكريم

[د. حورية البدري]

عندما يجتمع الإبداع والقيمة الأخلاقية الراقية تطاوِل الكلمات أجنحة النسور في الأعالي

دُمت بخير د. صبري

ودام جميل الإبداع والقيمة

تحياتي

[دصبرىإسماعيل]

اخى كفا الخضر تحياتى واشكرك على مرورك الكريم

[دصبرىإسماعيل]

المبدع عيسى عدوى اشكرك على ردك الكريم
ودعمك المستمر

[دصبرىإسماعيل]

الشاعرة حورية البدرى اشكركعلى مرور ك الكريممع تمنياتى لك بكل ماتتمنيه

[دصبرىإسماعيل]

اشكر الأخت المبدعة كفا الخضر
الشاعرة والكاتبة المتألقة دائماً
بارك الله فيكِ
اخوك شاعر العامية
دكتور صبرى اسماعيل