أغنية الزمان وأهله

[د.عبدالرحمن أقرع]

[poem=font="Simplified Arabic,7,white,bold,normal" bkcolor="transparent" bkimage="http://montada.aklaam.net/images/toolbox/backgrounds/21.gif" border="solid,10,gray" type=2 line=0 align=center use=ex num="0,black"]
يا صاحِب مِدِّلي إيدَكْ=لا تقُل لي خال ولا عَمْ
الله يرحم زَمَن سيدَكْ=لما كان في قربى دمْ
خَيَّك مُش دَمِّ بوريدَك= ولا قلبه بيهملَكْ هَمْ
ولو ناديتُه رَح يبنيلك=قصور مْنِ خْداع وْمِن وَهم
********
هي هيه..يا صديقي=هي هيه ..ياصديقي
هي هييّْ هيهيّ هيه=هي هييّْ هيهييّْ هيه
**********
في هالزمن الأهوج ماتت=فينا كلِّ معاني الدين
والمواعِظ والله صارَتْ=شغلِةْ كل النصابينْ
هالدنيا مدري كيف دارتْ=وهالبشر شو تلفانين
و بضاعة هالأمة بارت=حتى بسوق النخاسين
*********
هي هيه..يا صديقي=هي هيه ..ياصديقي
هي هييّْ هيهيّ هيه=هي هييّْ هيهييّْ هيه
********
بتتطلع جوى في الجامع= وَرا الشيخ مصفصفين
بتفكِّر كل واحَدْ خاشِعْ= قلبٌهْ لَرَبِ العالمينْ
ولما يِطلَعْ على الشارِعْ= بشتِم صادْ وْ بِشتِم سينْ
ويِهجِم والله فارِعْ ضارِعْ= ولا عِدّو رَتَّل ياسين
*********
هي هيه..يا صديقي=هي هيه ..ياصديقي
هي هييّْ هيهيّ هيه=هي هييّْ هيهييّْ هيه
********
ويا ماحلاهُ تَعو شوفوا= لما ييجي رَمضانْ
بيصرف كل فلوس بجيبُه= لَ يِعزِم رَحمُه النسوانْ
تراويحه خَزقَت جبينُهْ= ساجِدْ في كنَفِ الرحمانْ
ولَوْ جارُه مدِّ لُه إيدُه= بيحلِفْ ما مَعُه حَقْ دُخَّانْ


هي هيه..يا صديقي=هي هيه ..ياصديقي
هي هييّْ هيهيّ هيه=هي هييّْ هيهييّْ هيه

ما بِدنا نْطَوِّل هالسيرةْ= ولا نِعجِن ولا نلِتْ
بِدنا نِكتُب شي قَصيدِة= وْوَرانا لِهمومِ نزِتْ
واذا ملقينا في الديرة= قرايب من سيد وْسِتْ
أحلى اصحاب وأحلى عشيرة= بنجَمِّعْ مِن رَبعِ النِتْ[/poem]