|
لقاء صحفي تجريه قناة الخوازيق الفضائية
لقاء صحفي
المراسل: مرحبا يا حجة، ممكن اندردش؟ الحجة: يا مقلعط احكي اللي بدك اياه و انقلع من وجهي، مش شايفني قاعدة بتشمس المراسل: اوكي ... انا مراسل من قناة الخوازيق الفضائية و حابب اعمل معك مقابلة! الحجة: ول عليك ... و على اسم قناتك ... هو الواحد ناقصه خوازيق اكثر من اللي هو فيها المراسل: يا حجة ... انا ما الي علاقة بهالموضوع ... هيك بده المدير العام الحجة: خازوق ... شحبار ... قرد ... مش مفرقة معاي ... شو بدك على الصبح المراسل: احنا قناة اخبارية و بدنا نعرف رأيك في اللي بيصير في غزة الحجة: آه ... يا خالتي قرد يشرب اليهود والعرب مع بعض والله يلعن الحكام اللي الحمير أحسن منهم المراسل: عفواً يا حجة احنا على الهوا؟ الحجة: قرد يشربك انته الثاني مش عيب عليك تتخوث علي هيني قاعدة على الأرض ومش على الهوا! المراسل: ياحجة عيب العالم كله بيتفرج عليكي هسه! الحجة: يا فضيحتي الفضيحة و يا ويلي!! المراسل: خير يا حجة مالك شو صار! الحجة: روح روح بلاش الحج يقوم من قبره ويطخك ! المراسل طيب ليه؟ الحجة : فرجت كل الناس علي أي هو أنا عارضة أزياء، فعلا انكم قناة للخوازيق |
مشاركة: لقاء صحفي تجريه قناة الخوازيق الفضائية
لذيذة يا مؤيد
مررت عليها صدفة بعد يوم شاق للغاية.. هذا الحجة تتحدث بلسان العوام، ولها منطق الملوك.. |
مشاركة: لقاء صحفي تجريه قناة الخوازيق الفضائية
واحنا يا مؤيد مش ناقصنا خوازيق ...
حياتنا صارت في مأزق لأنها خوازيق متتالية ... لا نكاد نصحو من خازوق حتى يطل برأسه خازوق آخر ,,, نسأل الله العافية ... كلام حجاتنا عفوي وبريء يذكرنا بحياتنا العفوية البسيطة التي افتقدناها وأصبحت أحلاما رومانسية في حياتنا ... ليت الزمان يعود فأنزوي بشويهات أرعاها بعيدا عن حياة أصبحت ملوثة بالاستهلاك والتكلف والنفاق على كل الأصعدة ... وكل خازوق وأنت بخير يا مؤيد ...!! |
مشاركة: لقاء صحفي تجريه قناة الخوازيق الفضائية
سلمت يدك
نشعر بالحنين لهذه اللهجه وهذه الفطره السليمه تحياتي |
مشاركة: لقاء صحفي تجريه قناة الخوازيق الفضائية
والله حياتنا كلها خوازيق ... و شعار الصمود هو الله لا يبلينا بخازوق ليس له أول ولا آخر
|
| الساعة الآن 08:43 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط