البــوسة !

[عُلا الياس]

صباح الخيرات والليرات
يمكن استغربتوا عنوان هالموضوع اللي بدي احكي فيه مو ؟
بلى ما غلطتو هي الـ ( KISS ) اللي بدي احكي عنها
تتسرعوش بفهمي بشكل غلط كل شي والو صورتين :
حلوه وئريبه ومئبوله
بشعه وبعيده عن الفطره ومرفوضه
وهيك البوسه كمان ما ع راسها ريشة يعني
دائما استغربت شو سر الشعور الحلو اللي بتخلئو جواتنا البوسه !!
عمرك شبعت تبويس من ولد زغير ؟

من امك ؟
من شخص بتحبو ؟
طب بالله شو اساسا هالبوسه هاي !!
آل ضمة شفه ع خد !! شو يعني بوسه اصلا !!!
عمرك فكرت وتبحث تتفهم هالتأثير ؟
أنا فكرت آه منا فاضية اشغال

بس ببوس ولاد زغار بكون نفسي ابلعهم بلع وبضل ملزئه ومدبئه بخدودهم ورجليهم وئيديهم وادحش فيهن بتمي بيتاكلو اكل ولا بنشبع منهم بالمره
خاصة أطفالي الله يرضا عنهم ،
وبطوّل هيك سبحان الله شعور ولا احلى منو
ولا إمي !! يا حبيبي !!
بس ببوسها يم بحس حالي ماكله ازكى شوكولاته ولا آيس كريم بالدنيا !! بدي امي جيبولي امي ما خصني
بتعرفوا انو بس بنبوس حدن انو ( 29 ) عضله بتشترك بهالحركه ؟!
وإنو ( 12 ) كالوري بنستهلك !!
فرصه تعمل رجيم ؤسمو المباوسه سلمى مو بس المنجنيز بيعمول ريجيم كمان البوسه
و ( 150 ) دئة ألب بالدئيئه بيدؤ ئلبنا وبيزيد التنفس من ( 13 ) الى ( 60 ) وبيزيد ضغطنا اكنو ركضنا (100) متر !!
واثناء هالبوسه بيقل السكر بالدم لانو بنطرح ادرنالين وانسولين.. وكمانا بتتحطم دهون وسموم بتضر بالانسان من جسمو ،

شايفين سبحان الله !!!؟
وعلى سبيل الفكاهه آل بينصحو الواحد ئبل يسافر هالعلماء الفاضيين اشغال انو يكتر مباوسه شنو بتخليهم يسوقو سياراتهم بشكل أروأ !!
مع انو ان طارت مع اتخنها بوسه بتدومش اكتر من اكمن ثانيه !!
وشايفين شو بيسير خلالها بالجسم !!!
سبحانك يا ربي !!
شو رايكم منشان نفيد ونستفيد ننزل اليوم مباوسه بكل اطفال العيله اللي بنشوفهم بطريئنا ؟!!
وبأمهاتنا لو عايشات الله يرحمهن عايشات ولا تركنا !! وخوانا وخواتنا ؟!!
مهرجان التبوييس مع الارحام !
تخيل انت ئاعد ومهموم واجا لعندك حدن وباسك ما حتحسها بالدنيا ؟
طب انت اعملها مع غيرك تربك يبعتلك حدن وانت متدايئ يعملها معك
البوسه عنجد الها مفعول السِحِر بتحسين المزاج عمليا وعلميا فلا تبخلو باظهار مشاعركم للي بتحبوهم وتضموهم
ترى ممكن بأي لحظه نفئدهم ،
بتعرفوا ،
بس مات والدي ( ترحموا عليه يا جماعه )
كنت مش بالبلد
فبس رحت أزور ئبرو
أول مره بحياتي بروح على مقبره
واول مره بكون رايحه مكان تأشوف ابوي
ويكون موجود فيه
وما اشوفو !!
بس حطيت ئيدي ع الشاهد
حسيت فعلا متل زمان حاطه ئيدي ع راسو
وبعرفش شو سار فعلا حكيت معاه وسمعتو برد علي عزا !!
بس ما شفتو وما بستو وما حكيتلو اني بحبو
وولا مره بذكرحكيتلو اني بحبو اساسا !!
مع اني بحبو !!
ليش ؟!!
ما بعرف !!
كتروا يا جماعه مباوسه وتعبير عن مشاعركم للي بتحبوهم وغالين عئلوبكم
لا تزيدو تعنت وئسوه عليهم مشان برستيجكم ولا خجلانين ولا لاي سبب كان
بس بتفئدوهم ما حتسامحوا حالكم ابدا انكم ما حكيتولهم
خلينا نحكي لحبايبنا ، بنحبكم
ونحضنهم
ونعطيهم
بوسه

[عبدالسلام حمزة]

يا سلاااااااااااااااااام , موضوع ولا أروع
بداية ( أبوك , الله يرحمه ويرحم كل أموات المسلمين )
لاييـــــــــــــــــــــــــــــــــك , كثير كبيرة .
كفيت ِ ووفيت ِ يا ست علا .

[عُلا الياس]

المشاركة الأصلية كتبت بواسطة عبدالسلام حمزة

يا سلاااااااااااااااااام , موضوع ولا أروع
بداية ( أبوك , الله يرحمه ويرحم كل أموات المسلمين )
لاييـــــــــــــــــــــــــــــــــك , كثير كبيرة .
كفيت ِ ووفيت ِ يا ست علا .

رحم الله امواتكم أستاذنا الفاضل ، وقرب الافراح منكم وابعد عنكم الاحزان
ههههههههههههههههههه الـ لايـــــــــــــــــــــــك الكبيرة اسعدتنا كثيـــــــــــــــرا
شكرا جزيلا هذا المرور الطيب
مودتي

[عماد الحمداني]

سيدتي الغاليه علا
جميل أن يعبر الأنسان عن مشاعره بصدق وأحساس
وأظن أن التقبيل واسطه سريعه لنقل تلك المشاعر بصوره حقيقيه
ولاألومك لكثرة تقبيلك لأطفالك
فهم
أجمل وأنقى وأطهر مخلوقات الله
مودتي وأحترامي
همسة
رحم الله والدك وأسكنه فسيح جناته

[راحيل الأيسر]

أهلا بأنثى القوس / علا




موضوع جميل جدا فعلا البوسة تمنحنا شحنة عاطفية وتروي وتشبع حاجتنا إلى الحنان أو حتى محاولة أنه نححس أحد ما أو يحسسنا أحد ما إننا نهتم فيهم سواء كان بين الأزواج أو حتى الأبناء والأمهات وهكذا ..


وكمان قرأت مؤخرا إن المعانقة والإحتضان بين الزوجين يقي من أمراض كثيرة وقال طبيب مختص لا أذكر اسمه والله كان اسمه أجنبي ( لايكت أو لايكون )مابعرف إن الإحتضان الصباحي وليست التفاحة ما يقيك زيارة الطبيب مدة شهر كامل واحتضان الأم لإبنها تزيد من مناعته ضد الأمراض هذا أيضا ثبت علميا يعني مش الرضاعة وحدها كمان وضعية الطفل وقت الرضاعة من احتضان الأم له يزيد من مناعته وحتى مستوى ذكاؤه ..


شكرا ياعلا ..

[نور محمد الهاشمي]

لا نرغب في التقبيل إلا من جراء عاطفة ياعلا ومايصدر من الأعماق لابد من أن يكون له أثار على الفاعل والمفعول به قلبناها حصة قواعد

موضع جميل كجمال صاحبته يسعد قلبك .

[عُلا الياس]

المشاركة الأصلية كتبت بواسطة عماد الحمداني

سيدتي الغاليه علا
جميل أن يعبر الأنسان عن مشاعره بصدق وأحساس
وأظن أن التقبيل واسطه سريعه لنقل تلك المشاعر بصوره حقيقيه
ولاألومك لكثرة تقبيلك لأطفالك
فهم
أجمل وأنقى وأطهر مخلوقات الله
مودتي وأحترامي
همسة
رحم الله والدك وأسكنه فسيح جناته

الأخ الغالي عماد ، صباح الخير
بالنسبة لتعبيري عن حبي لأطفالي فوالله احيانا بتمنى اشوطهم شلوط !!!
خاصه لين بنتي !!
وهي ماشيه ؤدامي بتهزلي براسها مو عاجبها كلامي
او لما تحكيلي : لأ ماما ، وبتشد على حرف اللام كنو طالع من ركبها !! انو البنت ترفض وبشدة !!
عنجد من كثرة سبحان الله .. حبي لمنظرها بيجي ع بالي اشوطها شلوط ألزئها بالحيط
لأن البوس بطل يفش الغل الصحيح !!
الصدق والاحساس .. نعم ، كم هي سهلة وكم هي صعبة !
اشكرك ورحم امواتكم اخي الفاضل
شكرا جزيلا ان كنت هنا
ظل بخير

[عُلا الياس]

المشاركة الأصلية كتبت بواسطة راحيل الأيسر

أهلا بأنثى القوس / علا

موضوع جميل جدا فعلا البوسة تمنحنا شحنة عاطفية وتروي وتشبع حاجتنا إلى الحنان أو حتى محاولة أنه نححس أحد ما أو يحسسنا أحد ما إننا نهتم فيهم سواء كان بين الأزواج أو حتى الأبناء والأمهات وهكذا ..

وكمان قرأت مؤخرا إن المعانقة والإحتضان بين الزوجين يقي من أمراض كثيرة وقال طبيب مختص لا أذكر اسمه والله كان اسمه أجنبي ( لايكت أو لايكون )مابعرف إن الإحتضان الصباحي وليست التفاحة ما يقيك زيارة الطبيب مدة شهر كامل واحتضان الأم لإبنها تزيد من مناعته ضد الأمراض هذا أيضا ثبت علميا يعني مش الرضاعة وحدها كمان وضعية الطفل وقت الرضاعة من احتضان الأم له يزيد من مناعته وحتى مستوى ذكاؤه ..
شكرا ياعلا ..

راحيل ليش بديتي كلامك الي بأنثى القوس !؟؟
على فكره انا الابراج بيني وبينهن مش عمار صدقا ما بشوفهن
لكن صدفه ،
كل ما أقرأ عن صفات أنثى القوس ، بضل مركزه انو الائي اشي غلط ، ابدا !!!
يا ؤختي كذبوا وان صدقوا !!
انثى القوس انا فعلا بكل صفاتها كنهم عاملين هالصفات عني !!!
استغربت انك بديتي كلامك بهالوصف لكنك فعلا احسنت
،
هي كذلك سبحان الله ،
انا صدقا ما بيعادل عندي اشي بالدنيا متل حضن وبوسه !
لحبايبي يعني .. والله احيانا من هون .. بحضن امي وهي بالأردن !!!
بلف ئيدي ع حالي بضم حالي وبشم ريحتها والله بحسني ضاممتها !! وبتشحتف ع الآخر يعني
كل حضن بالدنيا كوم .. وحضن امي كوم تاني يا سبحانك يا رب
حتن اطفالي والله مو متل حضنها ربي يعافيها ويعفو عنها
طيب راحيل متى بدي شوفك واحضنك بالله ؟!
طبعا سبق حكيتلك أبعادي من طول وعرض يعني اعتقد انك رايحه تتعجني
،
راحيل .. يسعدلي كل ايامك يا رب .. تضلي بسعاده خيتي ربي يبارك فيكي
اشكرك انا.. شكرا جزيلا

[راحيل الأيسر]

المشاركة الأصلية كتبت بواسطة عُلا الياس

راحيل ليش بديتي كلامك الي بأنثى القوس !؟؟
على فكره انا الابراج بيني وبينهن مش عمار صدقا ما بشوفهن
لكن صدفه ،
كل ما أقرأ عن صفات أنثى القوس ، بضل مركزه انو الائي اشي غلط ، ابدا !!!
يا ؤختي كذبوا وان صدقوا !!
انثى القوس انا فعلا بكل صفاتها كنهم عاملين هالصفات عني !!!
استغربت انك بديتي كلامك بهالوصف لكنك فعلا احسنت
،
هي كذلك سبحان الله ،
انا صدقا ما بيعادل عندي اشي بالدنيا متل حضن وبوسه !
لحبايبي يعني .. والله احيانا من هون .. بحضن امي وهي بالأردن !!!
بلف ئيدي ع حالي بضم حالي وبشم ريحتها والله بحسني ضاممتها !! وبتشحتف ع الآخر يعني
كل حضن بالدنيا كوم .. وحضن امي كوم تاني يا سبحانك يا رب
حتن اطفالي والله مو متل حضنها ربي يعافيها ويعفو عنها
طيب راحيل متى بدي شوفك واحضنك بالله ؟!
طبعا سبق حكيتلك أبعادي من طول وعرض يعني اعتقد انك رايحه تتعجني
،
راحيل .. يسعدلي كل ايامك يا رب .. تضلي بسعاده خيتي ربي يبارك فيكي
اشكرك انا.. شكرا جزيلا

مرحبا / علا صباح الخيرات والصحة والبركات

صدقك علا بالنسبة للأبراج لكن في تحديد الشخصيات أراها قريبة جدا ، وبديت كلامي بأنثى القوس لأنها هي الوحيدة اللي عندها القدرة على خلق متعة لها من أبسط معطيات الحياة حولها وإحساسها بماحولها مختلف ، عرفت هلأ ليش قلت لك هيك .

ع فكرة أنا كمان برجي القوس ، آخر القوس 21 / 12ونت بأول القوس 23/ 11 بس طبعا بفارق 48سنة بالضبط بيني وبينك تيتا

ديو آندر ستاند ناو واي آي سايد ذات ....

أما أبعادك عرفتها طبعا بس أنا كمان طول في شوية عرض ( شويتين عرض يعني مش عرض عرض .. يعني مايهمك والعب جنباز كمان يعني أبدا لا تشيلي هم اني اتعجن ، بس نتقابل يحلها ربنا ..


الله يسعد قلبك العفوي متلي تماام ( أبراج القوس العصبيين / العفويين ) صباحك مربى كرز

[ريما بركات]

بما انو البوسه الها هل الاثر الكبير فلح بوس اهلي ليل مع تهار
لانو احيانا الاشيا البسيطة الها تاثير كبير

[عبدالكريم قاسم]

موضوع جميل ورائع ولكن الله يكون بعون ابي
ابي متزوج من اربع نساء وله مايقرب من120 حفيد يعني شو يعمل المسكين ؟؟؟
للنكتة لي اخ اسمه بسام هو يعشق عادة التقبيل وانا دائما لا احب مرافقته على بيوت الاجر للتعزية له طول نفس على تقبيل الناس حتى لو كان العدد كبيرا ةانا اكره هذه العادة ولا احبها وكل مرة ننبهه ان لا يفعل فيقتنع ولكن عندما ندخل بيت الاجر يبدأ هوايته الملعونة فنضطر السير على نهجه حتى لا نبدوا منتقدين من اهل العزاء .. فقررت ان يسبقني دائما بيوم او يومين حتى لا التقيه في الطريق ونذهب سوية فيورطتني ببوس العشرات من الحضور في الاجر ؟؟؟
اختي علا لك التحية والتقدير موضوع مهم

[عُلا الياس]

المشاركة الأصلية كتبت بواسطة راحيل الأيسر

مرحبا / علا صباح الخيرات والصحة والبركات

صدقك علا بالنسبة للأبراج لكن في تحديد الشخصيات أراها قريبة جدا ، وبديت كلامي بأنثى القوس لأنها هي الوحيدة اللي عندها القدرة على خلق متعة لها من أبسط معطيات الحياة حولها وإحساسها بماحولها مختلف ، عرفت هلأ ليش قلت لك هيك .

ع فكرة أنا كمان برجي القوس ، آخر القوس 21 / 12ونت بأول القوس 23/ 11 بس طبعا بفارق 48سنة بالضبط بيني وبينك تيتا

ديو آندر ستاند ناو واي آي سايد ذات ....

أما أبعادك عرفتها طبعا بس أنا كمان طول في شوية عرض ( شويتين عرض يعني مش عرض عرض .. يعني مايهمك والعب جنباز كمان يعني أبدا لا تشيلي هم اني اتعجن ، بس نتقابل يحلها ربنا ..


الله يسعد قلبك العفوي متلي تماام ( أبراج القوس العصبيين / العفويين ) صباحك مربى كرز

انا أندر ستاند كل اشي الا تيتا ! يبدولي حنتطاوش
تنتقابل بفرجها ربك
صباحك ورد راحيل اشكرك