خمسة ...وخمسة

[عُلا الياس]

حي نباك خيو عبد ابشر ترى بس شفت اسمي جيت ركاض !

مع احترامي لكل واحد شدّ ع حاله لأنو زلمه يعني الله يخليكم النا ، لولاكوا علينا بيييييي محسنكوا
خاصه الزلم هاليومين برفعوا الراس ليش الحكي يعني الغالب مش الكل هـ
لا تشدوا ع حالكوا وتعصبوا بهونش النا فيكوا ، ولو ، خاصه ان البعض ضلهم ولا الحيط يعني !
بدي أحكي رأيّ بهالموضوع :
معرفة سبب نزول الآيات بيعينا نفهمها بشكل افضل مو ؟ غالب الناس بتتناول السورة ولا الحديث وهي مش عارفه سبب النزول هون بيكون الفهم والتناول همو فساد أحوالنا هاليومين .
يقول تعالى : " فلما وضعتها قالت رب اني وضعتها أنثى والله أعلم بما وضعت وليس الذكر كالأنثى .. "
ما أتيس من الرجال اللي بيهينوا النسوان ، الا النسوان اللي بدهن يتساون بالرجال !
اعتقد ان اكبر تياسه بالوجود المطالبة بالمساواه هاي متل الشارلستون والتكنلوجيا وكل الثقافه اللي بنستوردها استوردنا افكارهم ، كيف مثلا مساواه نفسي افهم !
يسعدلي ياهم .. مثلا يعني ، الزلام اللي بيكونوا ئاعدين بالباصات العامه والنسوان وائفات ، هاي هي المساواه عند الزلام مو بدكن مساواه وئفن بالباص نتفرج على طولكن وعرضكن نبصبص ونزت عليكن حكي !
مو بحكيلكوا الزلم روعه بعصرنا الحالي بكتير من الجوانب ولا لأ ؟!!
" ولا تتمنوا ما فضل الله به بعضكم على بعض .. " بدناش اساسا نكون متلكوا ولا نتساوى فيكوا ، بدنا منكم تكونوا زلم نعتمد عليكوا يخزي العين ما ضاعت بلادنا الا لان الزلم حابين يريحوا حالهم فزتوا مسؤولياتهم ع النسوان وشوف حالنا اليوم كيف .
الله ما ميزكوا عنا لان ظالمنا ، لان احنا عباره عن كتلة هرمونات ! مجنونات وجنونا هادا احلى ما فينا ، يعني مئضياتها نحبل ونولد والحيض .. هرمونات وتقلبات مزاجية ماشيه على رجلين اسمها انثى !
وين التفهم والمراعاه والحضن الكبير والمسايره بل ايضا المحبه اللي مفروضه عليكوا تجاه هالحال ، وينها منكوا ؟
انتوا مو الله خلئكوا علينا درجه واكتر اتزان ؟
وين اتزانكوا عنا يخوي انت وياه هاليومين ؟
والله انا بشوف من البيوت النسوان هنن اللي بيسايرن فيكوا متل الاطفال كل واحد بدو يتعامل بدوش يكون هو الإداري والقائد والقائم الا حسب الموقف وبديش احكيها بالمشرمحي ، لا تتوافق وسياسة اقلام شنّو الجمله اللي بزوري علئت هلأ !!
انتوا قوامين علينا .. هل الرجال اليوم بيعطوا نسوانهم كل حقوقهن المادية ؟ والله ولا المعنويه ! خربانه اموركوا من كل جهه محملينا جميله بشغلكوا بره البيت لا ئئعدوا بنصرف عليكوا احنا بالمره البسوا فساتين ! .. بتسخفوا بشغلنا بالبيت ؟ معاكوا حأ لان بتشوفوا كل اشي جاهز بتعرفوش انو دوامكم بيخلوص دوامنا بيخلصش
بتعرفوش ان الكم اجازة سنوية ولا ؤسبوعيه واحنا ما النا على مدار 24 ساعه المرأة تعمل مو متلكوا تمن ساعات ولا عشره !
ئئعدو بالدار يومين امسكوا البيت نشوف شكلكوا كيف حيسير ! بربي شوارب وبكون العقيد ابو شهاب ان ضل براس واحد فيكوا عئل تيعرف يحكي !
ربنا اعطانا قدرة نعمل الف ؤصه بالثانيه انتوا بتركزوا بشغله طول النهار شغله وحده والله اعلم ان خلصت معاكوا ولا تأجلت لتاني يوم !
الحبيب صلى الله عليه وسلم كان يشتغل ويتعب هل كان بس يدخل ع الدار يحكي لزوجاته مش فاضي ولا مش رايئ ولا يبوزم يحكيلها بي ما اكتر طلباتك ! كان يخلي عائشه رضوان الله عليها تركض ويلعب معها اخزي العين عنكوا وينكوا ووين اللي ربنا اعطاكوا ياه من واجبات تتطالبوا النسوان بحقوقكم !
بعدين قضية مثنى وثلاث ورباع ، ربنا بيشرع الشي اما بيكون واجب او مباح فبترجع هالئضيه شنها مباحه لكل واحد ورغبتو .. انتوا عملتوها فرض وواجب ان الزواج كلياتو من وحده مباح مو فرض عملتوا التعدد فرض ؟!
بعدين وينكم من " ولن تستطيعوا أن تعدلوا بين النساء ولو حرصتم .. " الله بيعطيكوا دين بيشمل كل الحكايه مو بتاخدو نصها وتتركوا نصها !
المؤمن الرجل الصح بياخود الحكم بكله مو باللي بصالحه تيترك اللي عليه !
ان انت اخدت تنيتن ولا تلات حتعدل ؟
بدك ان الزمت المرأه انها تقبل بضراير ، بدك غصبن عن راسك تلزم نفسك بالعدل مش عكيفك يعني الؤصه .
وبعدين كيدنا عظيم يخوي ماشي هو الكيد كلياتو عاطل !
شو هو الكيد ؟ مو بس هو الخبث والاحتيال ، هو كمانا التدبير والاداره بذكاء ، بعدين هي وردت بالقرآن الكريم على لسان رجال من اهلها مش الله اللي حكاها وان كان القرآن لا ينكرها وفعلا كيد المرأه اعظم من كيد الشيطان مو لانّا لئيمات لانّا فتنه وانتوا بتموتوا علينا من هونا احنا مصيبه ثم الشيطان بيوسوس اما المرأه فبتواجه هيك معناها مو متل ما الزلم بدهم تنفهم .
وكمان حابه اعلق على انو الكم ما للأنثيين ،
في ببعض الحالات بيتساوى نصيب المرأه بالرجل " النصف ولأبويه لكل واحد منهما السدس مما ترك ان كان له ولد " الميراث قضية بحر بتاخدو جمله بتفيدكم وبتهملوا الكل كالعاده .
ان الله اعطاكم هالميزه مو لانكوا احسن منا برجع بكرر ، الله عادل وما بيظلم المرأه لكن انتوا مكلفين بمسؤوليات اكتر منا .. بس هل انتوا فعلا قائمين فيها ؟
يعني مثلا متل ما حكى خيو عبد الكريم .. المرأه ببيتها مو مطالبه تحرث كلكوا جايبين شغالات لنسوانكوا ؟!
ئال ئاعدات ع المكيّف ! دحكني خيو عبد السلام بس حكاها بعرف بيمزح هو ارقى تفكيرو من هيك
بس يعني ولا مآخذه
هو انتوا ميسكين سيف وبتقاتلوا ولا فأس وبتحرثوا مو مكيف برضو بالشغل !!
ونحنا ان ناقصات عقل فلأنا عاطفيات وكمانا لانا بننسى شهادتنا نصف شهادتكوا مو لان فش فينا مخ ، كيف مثلا ناقصات مخ وكيدنا عظيم ممكن افهم !!
وناقصات دين لان بالدوره ولا النفاس ولا ابصار شو بنصليش وبنصومش تعالوا حاسبونا عاد عليهن انو احنا حطينا طبيعتنا وما يترتب عليها من عبادات !!
المرأة شقيقة الرجل عجبكوا هالحكي ولا ما عجبكوا تسطفلوا
انا بلوم عالمرأه الضعيفه اللي بتسمح للرجل اللئيم يستغلها وبتعرفش شو الها وشو عليها هبله
مساويات احنا الكوا بما فرض الله علينا وعليكوا الا ما خص الله فيه كل جهه ع التانيه .. طبيعتنا هيك واساسا طبيعتنا هاي احلى ما فينا انكروا اشوف انكوا بتموتوا بهالطبيعه اللي بتعايروا فيها دخيلكوا انا
هدول الزلم اللؤما اللي بستغلوا بشو ربنا فضلهم علينا تيهينوا المرأه وياخدوا حقوقها تما يحملوا حالهم حمل واجباتهم همو الها .. هدول مش زلام هدول دواب عنجد
بحكي بشكل عام ما بوجه حكي لحد هون العفو كلنا بنمزح بالترفيهي بعرف
لكن بجد القضيه بشكل حقيقي وواقعي مقرفه ومقزز حال الزلم كتير فيها
حياتكم بندونا ولا اشي
وحياتنا بندونكم ولا اشي
ديروا بالكم علينا ، الله خلاها هاي حق النا عليكم انكم تديروا بالكم علينا وتعاملونا كويس
ما فسد حال امتنا الا لانكم ئصرتوا يا رجال بواجباتكوا تجاه كل اشي مو بس المرأه
الله يهدينا ويهديكوا ع كل حال
خيو عبد طولت عليك بالحكي بس لان هالموضوع بجد ولا بعمروا بيغيب غايب حاضر بكل بيت !
مساك خير الك وللجميع طبعا

[حمزة الأسير]

يا حبيبي ....

خيّو عبدالكريم .... أبصم لكَ بالعشرة أنَّك ذكي وفي قمّة العبقريّة ....

ذكاءك يكمن في مواضيع تستحق أن لا تهمل وأن نهتمَّ بها كـــ هذا الموضوع ....

وعبقريتك مممممممممممممممممممممممم

بتعرف بمين تستنجد .... يعني لمّا قرأت اسم ( عُلا ) أقسم بالله حكيت يا حبيبي ولّعت .....

بصراحة كنت بــــدّي أشارك بغير هالحكي ....

بس لمّا عطوفتك طلبت مرافعة أختي علا حكيت يا ولد خليك عاقل أحسن ما تندم ....


وفعلا ً هيني عاقل ....


خيتو عُلا ....

60 سطر وبحدود 750 كلمة _ لا والله أكثر _ والله مرافعة يخزي العين مرافعة ع الأصول ....

انعميت قد ما عيّطت من الضحك ....

والمشكلة إنّك ما بتحكي شي مش صح ....

سمعت إنو أجمل تشبيه لوصف العلاقة بين الرجل والمرأة هو ( صحن السلَطة ) يعني ما بينفع يكون كلّه خيار وما بينفع يكون كلّه بندورة .....


نحن لا نطالب بالمساواة بين الرجل والمرأة فــــ لكلّ واحد منهم فيزيولوجيته الخاصّة به ولكنَّنا نطالب بالعدل .....


بعدني بضحك على هالجملة : ( حي نباك خيو عبد ابشر ترى بس شفت اسمي جيت ركاض ! )

ولا وقفها فنجان قهوة ولا كت كات ... ع السريع كانت هون بــــ رد ناري رائع ....



دمت َ متألقا ً خيّو ( عبدالكريم ) بمواضيعك وباستغاثاتك العبقرية .....

ودمتم أهلي في أقلام بــــ كلّ روعة ....




حمـــــــــــــــــــزاوي

[عُلا الياس]

المشاركة الأصلية كتبت بواسطة عبدالكريم قاسم

مساء الخير اخي يوسف
شبكت حالك مع النسوان بهذا الرد انا ما لي دخل .... لو كانت علا الياس موجودة كان سمعت المرافعة على الاصول
يعني اخي يوسف انا فهمت ان النساء يجب مدارتهن والضحك على عقولهن لانهن مثل الاطفال يعني سهل تدبير امورهن ؟؟؟؟؟؟ انا شايف انك فتحت ابواب على حالك ويا ويلك من النسوان ههههههههههه..... يسعد مسا الجميع

ع العكس رد الاخ هشام حسب فهمي يعني مو ضد المرأه على العكس منصف الها !
ونحنا فعلا يجب مداراتنا متل الاطفال مو لان ما فينا مخ لانا حساسات متل الأطفال !
وسهل ممتنع ادارة امورنا ، ما بعرف شو ئصدو الاخ هشام انا شفت انو مع المرأه مو ضدها بعدين كاتب ؤسمي بالحجم العشره اكبر اشي ليش مثلا بتلئح علي حكي كوني ديناصور خيو عبد

[عُلا الياس]

المشاركة الأصلية كتبت بواسطة حمزة الأسير

يا حبيبي ....

خيّو عبدالكريم .... أبصم لكَ بالعشرة أنَّك ذكي وفي قمّة العبقريّة ....

ذكاءك يكمن في مواضيع تستحق أن لا تهمل وأن نهتمَّ بها كـــ هذا الموضوع ....

وعبقريتك مممممممممممممممممممممممم

بتعرف بمين تستنجد .... يعني لمّا قرأت اسم ( عُلا ) أقسم بالله حكيت يا حبيبي ولّعت .....

بصراحة كنت بــــدّي أشارك بغير هالحكي ....

بس لمّا عطوفتك طلبت مرافعة أختي علا حكيت يا ولد خليك عاقل أحسن ما تندم ....


وفعلا ً هيني عاقل ....


خيتو عُلا ....

60 سطر وبحدود 750 كلمة _ لا والله أكثر _ والله مرافعة يخزي العين مرافعة ع الأصول ....

انعميت قد ما عيّطت من الضحك ....

والمشكلة إنّك ما بتحكي شي مش صح ....

سمعت إنو أجمل تشبيه لوصف العلاقة بين الرجل والمرأة هو ( صحن السلَطة ) يعني ما بينفع يكون كلّه خيار وما بينفع يكون كلّه بندورة .....


نحن لا نطالب بالمساواة بين الرجل والمرأة فــــ لكلّ واحد منهم فيزيولوجيته الخاصّة به ولكنَّنا نطالب بالعدل .....


بعدني بضحك على هالجملة : ( حي نباك خيو عبد ابشر ترى بس شفت اسمي جيت ركاض ! )

ولا وقفها فنجان قهوة ولا كت كات ... ع السريع كانت هون بــــ رد ناري رائع ....



دمت َ متألقا ً خيّو ( عبدالكريم ) بمواضيعك وباستغاثاتك العبقرية .....

ودمتم أهلي في أقلام بــــ كلّ روعة ....




حمـــــــــــــــــــزاوي

على فكره أنا اشتغلت ادقق ( شوف مين بيدقق ) مرافعات عند أكبر محامي في الأردن وبديش اذكر ؤسمو لانو يعني شغله مهمه لووول
هذا الرجل مدرسه وعبقرية قانونية تعلمت منو كتير امور اهمها : ان القانون الانساني سهل جدا تنسفو وينسفك
أما القانون الرباني بينصفك ظالم ولا مظلوم
على فكره اتعابو كانت تصل ملايين تبارك الله الله يبارك الو بيستاهل عنجد
الشاهد من هالحكي ان مرافعاتو كانت تصل 250 صفحه بحكي جد طبعا ،
فلا تستكتر مني هيك رد
جلّس واعطي لمعه حمزاوي لشو بتعلئ على طول الرد
آل خيار وبندوره حسيت حالي عايشه ببُكسِة في خريبة السوق
تلعبش معي محوربتك
ئلبنا الموضوع ميمعه هلا عبد الكريم بيندم انو جاب سيرتي

[عُلا الياس]

بعدين مش فاهمه مالكوا بتكتبوا ؤسمي بأكبر حجم عشو بتأسفنوا بالزبط مش عاجبني الوضع

[هشام يوسف]

المشاركة الأصلية كتبت بواسطة عبدالكريم قاسم

مساء الخير اخي يوسف
شبكت حالك مع النسوان بهذا الرد انا ما لي دخل .... لو كانت علا الياس موجودة كان سمعت المرافعة على الاصول
يعني اخي يوسف انا فهمت ان النساء يجب مدارتهن والضحك على عقولهن لانهن مثل الاطفال يعني سهل تدبير امورهن ؟؟؟؟؟؟ انا شايف انك فتحت ابواب على حالك ويا ويلك من النسوان ههههههههههه..... يسعد مسا الجميع

والله يا أخي المكرم عبد الكريم؛ إن شاء الله أنني لا أخشى في الله لومة لائم.. وأكاد أحس أنك مبسوط آخر انبساط من كلامي - نحن رجال ونفهم على بعض- واسمح لي بهذا المثل الدارج عندنا " مثل اللي بحكلو على بيت جرب ".. أبعد الله عنا وعنكم الأمراض الجسدية والنفسية.

والحمد لله قد جاءت مرافعة الأخت المكرمة علا الياس؛ بكثير من الحق وقليل من البأس.. مع التنويه والتنبيه أن " التياسة" خاصة بالرجال دون النساء.. وذلك لأن التياسة من " التيس" والتيس هو ذكر الماعز.. وبذلك نقول : هو تيّس، وهي معّزت.

[عُلا الياس]

والحمد لله قد جاءت مرافعة الأخت المكرمة علا الياس؛ بكثير من الحق وقليل من البأس.. مع التنويه والتنبيه أن " التياسة" خاصة بالرجال دون النساء.. وذلك لأن التياسة من " التيس" والتيس هو ذكر الماعز.. وبذلك نقول : هو تيّس، وهي معّزت.
أوافق معك في موضوع ان التياسة خاصة بالرجال
وان كثير النساء عنزه وان طارت
اما قليل بأس فلم افهم القصد ، سألتزم حسن الظن على اساس :
النفس الانسانية خيوو مجبولة انها تنتصر لحالها من خصمها _ على افتراض ان هون في خصام _ ولكن هنا كيف أجادل على باطل !
وهل اجادل بطبيعة خلق وحكم خالق والعياذ بالله ؟!
قد اميل أن آخذ حقي وبنات جنسي ولكن لن اتعدى على حد طبيعة خلقي وما اراده الله لي بل والله انا افخر كوني انثى ولست بمتساوية والرجل بل لا احب ان اكون مساوية له !
من يحب ان يكون عكس الطبيعة !؟
لست هنا بمدخلة نفسي بطرح جدلي والحكم الديني واضح
انما هنا مأكده على ان الرجل اليوم غالبا بالفعل يبحث عن حقوقه متغافلا بشكل واضح عن واجباته .
عموما ،
الموضوع بالترفيهي .. ومزحنا مع الاخ عبد الكريم لان بينا عمار مودة مش اكتر
يسعد مساك واشكرك لأدبك ولطفك

[حنين يوسف]

اشكرك سيد عبد الكريم على الموضوع الرائع والمنصف وكاشف العلات والخيبات
بما انه خير الكلام ما قل ودل فـــــــــ بالوضع الطبيعي
من احسن للمرأة فقد احسن لنفسه .. ومن أساء لها فقد اساء لنفسه
وكثر الله خيركم
وأدامك الله ذخرا للوطن سيد عبد الكريم
احـــــــــــــترامي

[عبدالسلام حمزة]

أنا شايف الموضوع قلب جد , ههههههه
ليش لكَن حطيته بالترفيهي يا سيد عبدالكريم .
طالما صار هيك ارح أفيشلكم سرين :
الأول : تقول أمي الله يرحمها كانت العوائل تندر خروف إذا صارت بنتها من نصيب بيت حمزة .
لأنه معروفين بأنه يدللوا نسوانهم كثير ! أحم أحم ههههههه
الثاني : أنا دائما ً بقول لمرتي : لو كنت حب أمي نص ما أحبك كان ضمنت الجنة .
الزلمة بحب مرته مو بأيدو يا جماعة !

[عبدالكريم قاسم]

الاخوة والاخوات المحترمين والمحترمات اشكركم جميعا على هذه الدعابة المفيدة ولو انها بلفعل كادت تنقلب جد
اختي علا شكرا جزيلا لك وانا كنت متوقعا ردك العادل فلم يكن فيه اجحاف بحق الرجال انما هي لغة الانثى العاتبة دائما على نصفها الاخر نتيجة التقصير في المعاملة او النظرة التي تقلق المرأة دائما من الرجل
لقد كان ردك بليغا والمرافعة رائعة اعجبت الكل هنا .... نحن تعودنا دائما ان نراك بيننا ادامك الله اختا كريمة

الاخ هشام كانت مداخلة استثنائية اثارت نقاشا رائعا ومفيدا اتمنى انك بالف خير وشكرا جزيلا لك وبارك الله فيك لك احترامي وتقديري
الاخت حنين ..... تقديري لكلماتك الرائعة التي انبعثت من صفاء روحك النقية لك كل الاحترام والتقدير
اخي حمزاوي .... افتقدك دائما ايها الشرس فاينما تذهب تلحقك البسمة وتدور في فلك خيالك كم يعجبني كلامك ايها الشقي الممتع
لا انسى اختي راحيل واختي سلمى واخي عبدالسلام الطيب وكل من ساهم هنا ببصمة جميلة لكم مودتي واحترامي .....