بلوى الأعرابي زوج الاثنتين

[عبدالسلام حمزة]

تزوّجت ُ اثنتين لفرط جهلي .. بما يشقى به زوج اثنتين ِ
فقلت ُ : أصير بينهما خروفا ً .. أنّعم بين أكرم نعجتين
فصرتُ كنعجة تُضحي وتُمسي .. تداول بين أخبث ذئبتين
رضا هذه يهيج سخط هذي .. فما أعرى من إحدى السخطتين
وألقى في المعيشه كل شرّ .. كفاك الضرّ بين الضرّتين
لهذي ليلة ٌ ولتلك أخرى .. عِقاب ٌ دائمٌ في الليلتين

[عُلا الياس]

أضحك الله سنك ع ساعة هالمسا
نعجه بين ذئبتين ، دامو نعجه ليش يتفلسف

[راحيل الأيسر]

ههههههه هاد موضوع جدا خطير ومهم راح أرجع له على ساعة رواق ، بس جيت أمسي...

وأصبح عليك بالمرة أخي عبد السلام على وشك دخول لبعد منتصف الليل ..


دمت للمنتدى متألقا دائما ..

[عبدالكريم قاسم]

رحم الله امي كانت تقول مشحر يا زوج الثنتين
يا رجل الواحد بوحدة مش خلصان كيف تنتين . حد بجيب الدب لكرمه .............
ترتح بمنحوسك لا يجيك انحس منه ..
هل تعلم يا اخ عبدالسلام ان الخلايلة عندنا في فلسطين يتزوجون باكثر من واحدة وهذا طبيعي عندهم ويا اخي سالكه امورهم ما بعرف كيف يروضون المرأة على قبول الضرة بكل احترام فلا تقع خلافات تذكر بين الضرائر والرجل مبسوط ويفكر بالزواج من ثالثة ورابعة والله اضحكني واحد خليلي يوما كنت امشي معه فحضر ولد صغير فسلم علينا فقال صاحبي الخليلي له( انت ابن مين ياولد فقال الولد انا ابنك يا با ) فكان له اكثر من 25 ولد واربع نساء . والله هضول الخلايلة محترفين .

[عُلا الياس]

المشاركة الأصلية كتبت بواسطة عبدالكريم قاسم

رحم الله امي كانت تقول مشحر يا زوج الثنتين
يا رجل الواحد بوحدة مش خلصان كيف تنتين . حد بجيب الدب لكرمه .............
ترتح بمنحوسك لا يجيك انحس منه ..
هل تعلم يا اخ عبدالسلام ان الخلايلة عندنا في فلسطين يتزوجون باكثر من واحدة وهذا طبيعي عندهم ويا اخي سالكه امورهم ما بعرف كيف يروضون المرأة على قبول الضرة بكل احترام فلا تقع خلافات تذكر بين الضرائر والرجل مبسوط ويفكر بالزواج من ثالثة ورابعة والله اضحكني واحد خليلي يوما كنت امشي معه فحضر ولد صغير فسلم علينا فقال صاحبي الخليلي له( انت ابن مين ياولد فقال الولد انا ابنك يا با ) فكان له اكثر من 25 ولد واربع نساء . والله هضول الخلايلة محترفين .

ضلكوا جيبوا بسيرة الخلايلة السنه وبعدين معكوا
راعوا مشاعيري شوي ؤسمي خليلية يعني منا
ولا كني هون هوا شفافه انا مثلا مو شايفيني مالكوا ع الخلايله مالكوا
الدنيا مسا الله يمسيكوا بالخير
اول اشي الاحقاد الدفينه والغيره والحسد اللي بتكنوهن للخلايله ارجو انو يروحوا مع الوقت
وتتقبلوا ان الخلايله بشلئو وأجدع ناس بروح رياضية
بدي أحكي رأيّ بالزواج من اكتر من وحده حره انا ديمقراطيه هون اي حد بدو يدلو بسطلو يتفضل
بيسألوني يا علا شو بتعملي لو أبو عمر تزوج عليكي ؟
هادا اول زواجي عسبيل ينكدوا علي يعني
مو عارفين انو انا بنصحو يتزوج أصلا وبحكيلو ان ما بدو يختار بختارلو انا
لا ما بتخوت بحكي جد
هلئيت احنا بدنا نحرم اللي الله حللو ؟!
بعدين الله رب كل الناس ، العادل الحكيم العليم
هل ممكن انو قبل بهالشيء للرجل لو انو حيئذي المرأة عموما ؟
الزواج المتعدد فيه خير للرجل ومليون بالميه فيو خير للمرأه كمان
ولا ما ربنا أذن فيه ، هيك هي المسألة بكل بساطة
نعم ما بنكر بيسير غيره وتنافس وشوي مشاكل
لكن هل بغياب الزوجه التانيه ، ما في لا غيره ولا مشاكل ؟!!!
عاديه الأمور احنا شاطرين نبهّر ونكبر كل اشي ع العمياني
بزواجه من تانيه يعني بدو يغيب عن بيتها كم يوم .. بتستغلهم تدير بالها ع حالها ، وتشتاقلو ، وتجدد نشاطها وترتاح .. وبتضل بروح تنافس بتدفعها تكون افضل .
وفوائد كتير مو بصدد اذكرهن
لكن خلاصة الامر عندي :
الزواج المتعدد الله اذن فيه لان فيه خير الجهتين : الرجل كما المرأه

[سلمى رشيد]

في عنا مثل بقول
مركب الضراير سار ومركب السلفات وقف واحتار
يعني الضراير بتفقوا على الزوج الحزين
أما السلفات لا يمكن يتفقوا
وعلى راي اخي عبد الكريم مشحر يا زوج التنتين
لا هو مع ستي بخير ولا مع سيدي بخير

[هشام يوسف]

المشاركة الأصلية كتبت بواسطة عبدالسلام حمزة

تزوّجت ُ اثنتين لفرط جهلي .. بما يشقى به زوج اثنتين ِ
فقلت ُ : أصير بينهما خروفا ً .. أنّعم بين أكرم نعجتين
فصرتُ كنعجة تُضحي وتُمسي .. تداول بين أخبث ذئبتين
رضا هذه يهيج سخط هذي .. فما أعرى من إحدى السخطتين
وألقى في المعيشه كل شرّ .. كفاك الضرّ بين الضرّتين
لهذي ليلة ٌ ولتلك أخرى .. عِقاب ٌ دائمٌ في الليلتين

دعك من قول الشعراء أخي عبد السلام..

فالأصل أن الشعراء يقولون ما لا يفعلون، ويتبعهم الغاوون.

فلن تجد نصيرا لهم سوى بعض الجدات والحماوات.

على كل حال.. إذا صدق الشاعر في قوله، وكان استثناءا من الأصل... فكان الأولى به أن يعالج مشكلته بزوجة ثالثة ورابعة.. فلا يفل الحديد إلا الحديد.. وداوها بالتي كانت هي الداء.. وما بجيب الرطل إلا رطل و اوقية.

[عبدالسلام حمزة]

ههههههههههه , والله يا جماعة أنا الموضوع حطيته للضحك , في لي صديق , متزوج تنتين , قريته له هالقصيدة , ضحك وقال : الله يسترك اطبعي لي ياها , بدي أقراها لنسواني !

[عبدالسلام حمزة]

علا أكيد هالحكي من قلبك ؟ !
عبدالكريم , دير بالك مانك قد علا ؟ ههههه
صباح الخير راحيل , وأخت سلمى
هشام , أنت قد ها الكلام , لأني الأماني كثيرة ههههههه

[عُلا الياس]

المشاركة الأصلية كتبت بواسطة عبدالسلام حمزة

علا أكيد هالحكي من قلبك ؟ !
عبدالكريم , دير بالك مانك قد علا ؟ ههههه
صباح الخير راحيل , وأخت سلمى
هشام , أنت قد ها الكلام , لأني الأماني كثيرة ههههههه

طبـــعا ، بس يجرب غيري حيعرف ئيمتي اكتر واكتر

[عبدالسلام حمزة]

هههههههههه , والله سمايلك وهو عم يصّفر في ورا إن ّ

[عُلا الياس]

المشاركة الأصلية كتبت بواسطة عبدالسلام حمزة

هههههههههه , والله سمايلك وهو عم يصّفر في ورا إن ّ

كنت بدي أستخدم هادا :
بعدين خفت تفهمني صح .. ئصدي غلط
صدقا يا عبد ،
لو بدو يتزوج ، طبيعي حغار وأتدايأ
لكن ما ححكي ولا حبين اشي بالعكس حبارك .. ربنا ما ظلمنا بهيك اشي ، في خير النا كما الكم طبعا